SAN MARCOS 10မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Monequi pa yes yoje, pampa noje nehual ilacal in cielo amo nihualac pan lalticpan pa nechtequipanuilisi lacames. Nihualaya pa niquintequipanuilis huan noje nihualaya pa nimiquis pa yoje niquinmacahuas pa camo panusi in miquilisli hual amo quiman lamis.

Jesús quinmitac huan quinmilic: —Lacames amo quiman huil quichihualo pa panus inon. Ma yoje, Dios, quema, yihual huil, pampa ca Dios mochi huil panúa.

Huan Jesús quilic: —Cuaquín ximohuica. Ticlalic molaneltocalisli ca nehual, pampín tipajtic. Huan jan ajnaxcan huil lachíac Bartimeo huan quitocatiahuiaya Jesús pan ojli.

Dios quinchíac pa yesi se san. Pampín ma camo quinxilucan in lacames.

Cuaquín quiztataya in lacal yancuic Jesús, quilasojlac, quilic: —Unca oc se lachihualisli hual monequi pa ticchías. Xía, xicnamaca len ticpía. Cuaquín in tomin hual ticanac ca mochi hual ticnamacac xiquinmaca yehuanten hual amo quipialo. Yoje ticpías len hual ipati míac pin cielo capa unca Dios. Cuaquín xicana noꞌojli capa panulo lacocoltilisli huan xichtoca nehual.

Jesús quilic: —Axan, ¿len ticnequi pa nimijchihuilis? Quilic in pachacal: —Nolamaxtini, nicnequi nilachía.

’Amo cayas yoje ca amhuanten. Nican unca quinami cayas: Aqui hual quinequisquiaya pa mochías quinami in hué pa anmitzlaicanas amhuanten, yihual quipías pa anmitztequipanuilis.

Se xolol quipía paquilisli quiman yes Dios quineltocaltía. Huan neli annimitzilía, sinda se amo quilalía ilaneltocalisli ca ilahueliltilisli Dios quinami se xól quilalilía ilaneltocalisli yihual, cuaquín in se amo quiman cayas capa Dios huelitía.

Ma yoje, míac hual axan cate huejueyenten cayasi itzinderos, huan in itzinderos cayasi huejueyenten.

Ma yoje, quiman pehuac mochi, pa innojen tonalijmes quiman quichíac Dios in lalticpan, Dios quinchíac lacal huan sihual. “Pampín se lacal yajmo yuli ca itajtzin huan inantzin, yuli ca isihua. Yoje in omenten mochihualo se, yajmo cate ome yehuanten, mochihuaje se san.”