Génesis 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Tsënö niptinmi warmi tsë montipa wayïninta alläpa shumaqta rikëkur munapärirqan. Tsëmi yachaq y musyaq këta munar montipa wayïninta pallarir mikurirqan. Tsëpitanam qowanta makyariptin pëpis mikurirqan.

Teyta Dios llapan kamanqan animalkunapitapis culebraqa mas sabïdum karqan. Tsëmi warmi këkanqanman ëwëkur nirqan: <<¿Rasunpaku Dios niyäshurqunki montikunapa wayïninta mana mikuyänëkipaq?>>

Kananpitaqa warmiwan alläpam chikinakuyanki. Tsënöllam warmipita miraqkuna y qampita mirënikikunapis chikinakuyanqa. Warmipita yuriqtam atakanchö kaninki. Pënam peqapita jalushunki>>.

Evatanam nirqan: <<Tsënö rurashqëkipitam qeshyaqyärir feyupa nanatsikunki. Y feyupa nanatsikïwanran qeshpikunki. Qowëkitapis munënikimanmi churëta munanki. Tsënö karpis pëpa mandädunchömi imëpis kanki>>.

Kawanqëkiyaqqa mikunëkipaqpis sudornikita ramarninran uryanki. Allpapita kamashqam kanki. Tsëmi wanurpis allpallaman kutinki>>.

Adántanam nirqan: <<Mana mikunëkipaq nikaptiqpis warmikita cäsukurmi tsë montipa wayïninta mikurqunki. Tsënö mikunqëki rëkurmi chakrakunapis maldisishqa kayanqa. Tsëmi waran waran pasëpa nakarninraq uryanki mikunëkipaq.

Tsënam Teyta Dios tapurqan: <<¿Pitaq nishurqunki qalapächulla këkanqëkita? Itsa mikurqunki <ama mikunkitsu> ninqä montipa wayïninta>>.

Nunata tsënö qarqurirmi inti yarqamunan läduman querubinkunata Teyta Dios churarqan nina rawrëkaq espädawan huertata täpayänanpaq. Tsëmi querubinkunaqa täpëkäyarqan imëyaqpis kawatsikuq montiman pipis mana yëkunanpaq.

Tsëpitanam Adánqa warminpa shutin churarqan Evata. Tsë shutita churarqan pëllapita llapan nunakunapis mirayänanpaq kaptinmi.