Jon 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“Mi nao disfala grep tri ya an yufala nao olketa brans blong hem. Man hu hemi joen olowe long mi an mi joen olowe long hem, hem nao bae hemi garem plande frut. Bat sapos yufala no joen long mi, bae yufala no save duim enisamting nomoa.

Yufala mas joen olowe long mi, mekem mi joen olowe long yufala. Eni brans wea hemi no joen long grep tri, bae hemi had fo hemi garem frut long hem ya. Bat sapos hemi joen olowe long grep tri ya, bae hemi save garem frut. Yufala olsem tu, sapos yufala no joen olowe long mi, bae yufala no save garem eni frut.

Sapos yufala joen olowe long mi an olketa toktok blong mi hemi stap olowe long yufala, yufala save askem enisamting wea yufala laekem an bae God hemi givim long yufala.

Yufala i no bin siusim mi ya bat mi nao mi siusim yufala. An mi makem yufala fo goaot an garem plande frut, diskaen frut wea hemi save stap olowe ya. An bae Dadi ya hemi givim kam enisamting wea yufala askem hem long nem blong mi.

Sapos wanfala man hemi lavem tumas olketa fren blong hem an hemi letem hem seleva dae fo helpem olketa, oraet, disfala lav blong hem nao hemi bikfala winim lav blong eniwan moa.

Hemi katemaot eni brans blong mi sapos hemi no garem frut. Bat hemi klinim an katemsot nomoa evri brans wea hemi garem frut, mekem olketa save garem plande frut moa.

Jisas hemi tok olsem moa, “Lo blong mi nao hemi olsem, yufala mas lavem yufala evriwan olsem mi lavem yufala tu.

Taem yufala garem plande frut, yufala somaot dat yufala nao olketa disaepol blong mi ya. An long diskaen wei nao bae olketa pipol i lukim saen blong bikfala paoa blong Dadi blong mi.

Jisas hemi toktok moa olsem, “Mi nao disfala tru grep tri, an Dadi blong mi nao hemi lukaftarem disfala grep tri ya.

Man hu hemi no stap joen long mi, bae hemi olsem brans wea olketa tekemaot an torowem, an hemi dae nao. Olketa brans olsem, bae olketa hipimap tugeta an bae olketa torowem go insaet long faea.

“Mi talem olketa samting long yufala ya, mekem yufala save hapi tu long semkaen wei wea mi hapi long hem, an mekem yufala barava hapi fogud olowe.”

Sapos yufala obeim olketa lo blong mi bae mi lavem yufala olowe, olsem mi obeim olketa lo blong Dadi blong mi an hemi lavem mi olowe tu.

So hem nao lo blong mi fo yufala ya, yufala mas lavem yufala evriwan.

Bat sapos yufala i stap olsem pipol blong disfala wol nomoa ya, bae olketa lavem yufala bikos yufala pipol blong wol ya. Bat mi nao mi siusim yufala finis, mekem yufala kamap deferen from disfala wol. So yufala i no pipol blong disfala wol nao ya, an dastawe nao olketa heitem yufala.