متّی 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

پر جیہڑے گالھیں مُنہ ءچوں نِکلدیاں ہِن او دل ءچوں نِکلدیاں ہِن تے اُوہو بندے کُوں ناپاک کریندیاں ہِن۔ کیوں جو بُرے خیال، قتل، زِنا کاریاں، حرامکاریاں، چوریاں، کُوڑے گواہیاں، بدگوئیاں دل کنُوں ای نِکلدیاں ہِن۔

جیہڑی چیز مُنہ ءچ ویندی ہے او بندے کُوں ناپاک نئیں کریندی، پر جیہڑی چیز مُنہ ءچوں نِکلدی ہے اُوہو بندے کُوں ناپاک کریندی ہے۔“

’ایہ لوک زبان کنُوں تاں میڈی تعظیم کریندے ہِن پر اِنہاں دے دل مَیں کنُوں دُور ہِن۔ ایہ بے فائدہ میڈی عبادت کریندے ہِن کیوں جو آدمیاں دے حُکماں دی تعلیم ڈیندے ہِن‘۔“

وَل یسُوع اُونکُوں جواب ڈِتا، ”عورت! تیڈا اِیمان بہُوں وڈا ہے۔ جِینویں تُوں چاہندی ہیں تیڈے کیتے اُونویں ای ہووے۔“ تے اُوندی دِھی اُوں ویلے ای شِفا پائی۔

پر اُوں آ تے اُونکُوں سجدہ کیتا تے آکھنڑ لگی، ”مالک! میڈی مدد کرو۔“ اُوں جواب ڈِتا، ”بالاں دی روٹی گِھن تے کُتیاں کُوں سَٹ ڈیوݨ مناسب نئیں۔“ اُوں جواب ڈِتا، ”ہاں مالک، جیہڑے ٹُکڑے مالکاں دی میز کنُوں تلے ڈھاندے ہِن کُتے وی اُنہاں ءچوں کھاندے ہِن۔“