ယောဟန် 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“ထာဝရဘုရားစာ လောကသားရို့ကို ကောင်းကောင်း ချစ်လီရေ။ ယင်းအတွက်န သူစာ ကိုယ့်မာဟိစာ တစ်ပါးတည်း သားတော်ကို ဒေ လောကတို့ ရွှတ်လိုက်လီရေ၊ အကြောင်းကား သားတော်ကို ကျုံသူရို့စာ ပျက်စီးခြင်းတို့ မရောက်ဘိုင်းန ထာဝရအသက်ကို ရကတ်ပတ်စီအတွက် ဖြစ်တေ။

ထာဝရဘုရားစာ လောကသားရို့ကို အပြစ်တင်ဖို့အတွက် သားတော်ကို ဒေ လောကတို့ ရွှတ်လိုက်လီစာ မဟုတ်။ ယေကေလည်း လောကသားရို့ သားတော်ကနီရို့ ကယ်တင်ခြင်းကို ရကတ်ပတ်စီအတွက် သားတော်ကို ဒေ လောကတို့ ရွှတ်လိုက်လီစာ ဖြစ်တေ။

ယေရှုစာ ပြောလီရေ၊ “ငါ ကိုယ်ဘင်ကို အမှန် ပြောရေ၊ ဒုတိယ မွီးဖွားခြင်းကို မခံသူစာ ထာဝရဘုရား၏ နိုင်ငံတော်တို့ ဝင်ရလိမည် မဟုတ်။”

ထိုသားတော်ကို ကျုံသူရို့စာ အပြစ်တင်ခြင်းကို မခံရဗျာ၊ ယေကေလည်း ထာဝရဘုရား၏ တစ်ပါးတည်း သားတော်ကို မကျုံသူရို့စာ အယင်ကပင် အပြစ်တင်ခြင်းကို ခံရကတ်ပျာ။

အပြစ်တင်ခြင်း အကြောင်းကား ဒေပိုင်၊ အလင်းစာ ဒေ လောကတို့ ရောက်လာလီရေ။ ယေကေလည်း လောကသားရို့စာ အလင်းကိုထက်ပင် အမိုက်မှောင်ကို အများ နှစ်သက်ကတ်တေ၊ အကြောင်းကား သူရို့စာ ဆိုးယုတ်စာ အလုပ်ကို လုပ်နီကတ်တေ။

ယင်းအတွက်န သူစာ တိုးတက်စီချင်ရေ အရာ ငါစာ ဆုတ်ယုတ်ချင်ရေ။”

ဆိုးယုတ်စာ အလုပ်ကို လုပ်နီသူရို့စာ အလင်းကို မုန်းကတ်တေ အရာ သူရို့စာ အလင်းနားတို့ မလာကတ်၊ အကြောင်းကား အလင်းစာ သူရို့မာ ဆိုးယုတ်စာ အလုပ်တိကို ဖေါ်ပြရေ။

သားတော်ကို ကျုံသူစာ ထာဝရအသက်ကို ရရေ၊ ယေကေလည်း သားတော်၏ စကားကို မလိုက်နာသူစာ အသက်ကို ရလိမည် မဟုတ်။ ယင်းထက်ပင် ထာဝရဘုရား၏ အငြိုဒေါသစာ အမြဲတိုင်း သူ့အထက်က ဟိလိမည်။

မောရှေစာ သဲကန္တာရတောပြင်မာ မြိန်ရုပ်တုကို ဒုတ်မာ ချိုင်ရို့ မြှောင့်ထားလီရေ။ ယင်းပိုင်တထန် မနုသသားတော်လည်း အမြင့်မာ မြှောင့်ထားခြင်းကို ခံရလိမည်၊

အဖစာ ကိုယ့်သားတော်ကို ချစ်တေအတွက်န ဟိသမျ တန်ခိုးအာဏာကို သားတော်အလက်မာ အပ်ပီးလီရေ။