Matiye 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Swə ɗaw cu ge ku wə baŋgay kədan mum um cin də ɗəŋâl mi. Zawa, mum um cin wa kwa cin baŋgay kədan ɗeri wa sôwâ daŋ' məni wə rawti so rum rumu. Ndəna' ta', ri mə ɓu mi nə ɗeri kor sôwâ kədan handay we sin mə ɓay məni hi wə gi, ɓay kədan handay gi mbra' ne kə Ba mi məni wə wafraya.»

Hi ce' ndə ri mə ɓu du sôwâ nya. Swə cu gak pe' so məni ɗam wə wa igway' mi.

Kəɗam zə sôwâ məni kə vunduk mə fel, zə handay də we Ifraya!

Kəɗam zə sôwâ məni kə mê' kədan handay gi kwa mə njeŋ məni Ifray wə wa'a, zə Ifray də nday ne ndaka!

Ama mə na, na in mi ne: I bə sum sî mi, ɓay i o Ifray zə sôwâ məni wə gi boni mi ne

«Kəɗam zə sôwâ məni we wə vunduk nday i handay sum ca kor Ifray, zə handay də ke kə Ifray wə ri suk um məni mum wə də suk jwə wa sôwâ umu!

Kəɗam zə sôwâ məni wə gi sôwâ gay' heɓ mbok nji, zə Ifray də nday ɗe kə daw umu!

Kəɗam zə sôwâ məni wə ɗik dan, zə Ifray də ɓu vun ndaya!

Kəɗam zə sôwâ məni wə ce boni zə handay wə gi kwa mə njeŋ məni Ifray wə wa', zə handay də ke kə Ifray wə ri məni mum wə də suk jwə wa sôwâ umu!

Kəɗam zə sôwâ məni wə we ca wa sôwâ məsin, zə Ifray də we ca wa ndaya!

Sôwâ la' wə mi i, wə gi boni mi ne, ɓay wə hay dan wa ri, kə in dan mə bro' cem cem wa ri zə hi sum ta zə rin si, i tuk kəɗama! I kəɗam tu ri, ɓay i tuk kəɗam zə bal cik mə toŋ wə mi ji wafraya. Zə sôwâ məsin gi boni ne kə sum ka' dan mə vun kofo ndəna' ta'a.»

Kəɗam zə sôwâ məni wə hom tu nday, zə handay də ti nya ce' ndə məni Ifray kawvun kə nday wa rumu!

«Hi ce' ndə vu du sôwâ nya. Ama vu la' so' walak um si, swə gak gi ma kədan mum um gi faŋ walak kərem su? Vu rum cu kə sin za' mi. Say swə um njay də rəka ɓay sôwâ ta wa rumu.

Zə rum, i ke njeŋ, ce' ndə məni Ba mi mə wafray mum njeŋe.»

I in "awo" ko "â â" sara. Dan daŋ' məni ha in mə pâ dan məni nə car mbə hay' Satan.»

«Hi mun dan məni ke ini: I wə po' i, ɓay se' wə po' se'e. Ama mə na, na in mi ne: I sa' bal wa swə məni wə gi kwa mə bro' hay' ri nə mi. Swə la' ge zə hum ɓa fun ru si, a faŋ mə ɓa gur cin ne num ta'a.

La' ndəna' si, i ɓa fun ru la' wû ɓu kədan ha nde du kwa mə bro' si, a par num ge də rəka seŋ kə ru. Pram zə ru kədan ha vi' kwa tu ru ɗaw, pâ məni sôwâ də ge tu ru daŋ' də ri ku. Ɓa fun ru la' wû ɓu kədan ha nde də du kwa mə bro' si, a hay num ge də rəka seŋ kə ru. Pram zə ru kədan ha vi' kwa tu ru ɗaw, pâ məni ha də ri ku mə də hâ kə tu ru daŋ'ŋ.»