Matayi 19မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

UwenʼuYesu ahavenyelezya ahati: Avantu ve vashi ve zivaposite zinizi, nkandʼuMulungu nazimo zitakumupota.

Pe valeshe lelo ukuva vavili, vali muvili woka wene, ilelo hengʼahapatinkinyʼuMulungu, he mwiho ukuhapagulanya we muntu.

Uwenʼahamula ahati: Imwe mutazyazile izya kuti wuyo wʼavapezile pavwando ahavapela numwanaṿuli numwantanda? Ahonjezya ahati: Mwe mumwo umuntu akumuleha uyise nunyina akwumishizya kumushi wakwe, ilelo pe ve vavili vanava vakuva muvili woka wene.

UwenʼuYesu ahati: Simuvaleshʼavana vinze kukwane, mutavahasamihaje. Shʼishinamwene sha kumwanya sha vuvo venga vali vovulo.

Nkandi vinji navalanzi valiva vamwisinda, vinji navamwisinda valiva vatanzi.

Vonti venga valesilʼinyumba navamwavo navamwavʼavalindu navayise navanyina navana namagunda pe pazyʼizina lyanʼine, ve valiṿiposhela naṿwe ṿipinzinye, havili valipwana nuvulanzi vwa shimashima.

UwenʼuYesu ahamuvuzya ahati: Ingʼukasime ukuva we mwila, pe valaga ukazyʼiṿwuma ṿwaho ṿwonti, uvapanjʼavapina, she pʼuliva nishuma kumwanya, inga pʼuyinze undandatʼine.

Uwene nyene ahamuvuzya ahati: Ukumbuzilizya shonʼizya vwinza? Alipo woka we mwinza weka. Nkandi ingʼukasimʼukwinjila muvulanzi, pʼulandate zye nkomelezyo.

Nkuvuyizyʼukuvavuzyʼine nkuti: Ningamila ukupulunkanya mwilyinso lya nsindano nudumbwe ukwinjila mushinamwene sha kumwanya — kupupusu ingamila ukupulunkanya mwilyinso lya nsindano.

Leshʼimbavuzyʼine: Uno wengʼakutavulʼumushi wakwe nashengʼatatazilʼumulandu wa vwa malaya, havilʼajende nukusendʼuwamwavo, wuyo wʼakuvembuha.

UwenʼuYesu nyene ahayanga navasundikwa vakwe ahati: Nalyoli nkuvavuzyʼine nkuti: Avadumbwe valiyaga kugomilʼukwinjila mushinamwene sha kumwanya.