Marko 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Kuungá' tundu aahh nee muu sleémeero asma aníng. Ala heé aa qiitl ay alhhe'eesaay an kudá' ba/ám.”

Dalaaé' ti harmagahhe', asma qoomár siiwadá' niwa hardat a xua'aaká.

Nee kuungá' burtunda uhín, tunday huúw as tunduwa sakwasleemuuti, gár ta ooa' ma geerí leelehhiitara', ala tidá' siiwadaádae tindi haniisi na ooaak. Asma heé axweés qoomaadaádae a kuunganeeká, a Qeeruú hhoohhoó'.

Doori nee yaamu i waarahhiyá', ala axweesante'eé' i waarahhká baloó ale.”

“Ala iidíguú siiwadá' nee baalaarós heé gu xuú' i kaahh, tam malaykér gawaá doori, tam Garma, aqo har Baabá.

Kuungá' iidíguú slaqwara bura axasé', nee tsimaahhír slaqwara, ma da'ayuutara', asma tí niqo hardát geerí alé, ala alhhe'eesaay aa xayká.

Gimsé', ti harmagahhe', asma a xua'aaká qoomár heé do' loó' niwa hardihi, tam tsiindo, tam amsi, tam ságw loaytleemu, tam matlatle. Ti harmagahhe' munduwa hhaawiís nuwa gu'utér i ay. Nee tí naa kuungá' i káh ar gídaabá ti harmagahhe', an káh sleeme dír muu sleémeerowo.”

Asma xooro i slaqwarár eér amór xoororqá', nee waawutmoó xooro i slaqwarár áy amór waawutmoó xoorór hatlá'. Yaamaá yaarire kunseeli i ti'ít, slám giyeét ni tleér. Tí sleémeero an iimu/úngw slahha'amu.

Ala Ya/abtór hho' aqo kan geerí alki/iit baraá xoordu sleémeero deelór alhhe'eesaay niwa hardata.

Múk yaariír ni hardah tiwa ateetin ar umuueé', tawa kaahi, ‘Aníng a Kristo.’ Ala inooín múk yaariír ku al/aay.

“Kuungá' ti harmagahhe' asma tundu huwahuuw baraá maraá tawa múk sakwasleemuuti, nee baraá maraá saaliingo tundu muux. Kuungá' sleeme tundu huwahuuw dír mukduú kwasleemár múk tlaáq, nee geerá waawitá asma aníng, as iwa lamabu'uunda' dir'ín i ale.

Asma múk ni ti'iít i deer oo káh, ‘Aníng a Kristo,’ nee kookoo i kaahi, ‘Aníng a aarusmo,’ ala a loeká. Inooín laya ka tleehh, nee muruú waa/oo/amo, as múk yaariír kuwa al/ayi, barnaxes ka aleesláy kiwa al/ayi tam kudá' Mungú aa tsawaár.

“Ala deeloodaádae alaá slahha'amko looa i gíp, nee slahhaangw i gwa/aatiiká. Tsatse/uú gawaá doori i paahh, nee /uuruudá' doori gi koóm ku dingiís.