PITUNBEE 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Pyɛri wɔ̀ɔ kí yo pé ma mà yo: «Ye kruʔu wa yè kapere ma de. Yè bɛfu nigbe nigbe ye yè kân pe ye batise Jesu Krisi wi yele na le. Nàʔa po ban ge, Nyɛʔɛlɛ pa li yè kapere yaʔa de ye kan bì ye kan Nyɛʔɛlɛ li Nyìli ní le.

A pe pè kân pitunbee pe ploʔomo ma me, ní pe kpoʔolomo ní me, mà plɛn pe hro limi nì me, ní Nyɛʔɛlɛ li nyɛrimi ní me.

Pè bɛfu à pe nyi Nyɛʔɛlɛ li Nyìli ní le màʔa hli na klòʔo ke tɔɔ ke hɛnrɛ tà nyu, nɛ pa Nyɛʔɛlɛ li Nyìli li dá bo na ti ni wa pe noro ni de pomo ma na ge.

Pe kacɛnlɛ à tunnumu mà ma gâ jɛ wa namuru ni de. Mi dá bo nɛ pa tiflɛgbɔʔɔ womo nyɛ me ga kí na funnu ge. À mi bâ go kì bɛfu nyi pé na ga pe dá bo klɛnhaʔa ge. À pe nɛŋɛɛ kèè nya nɛbo kwɔnyigee gɛ. À ke canmu mà klɛn pé na nigbe nigbe. Pè bɛfu à pe nyi Nyɛʔɛlɛ li Nyìli ní le màʔa hli na klòʔo ke tɔɔ ke hɛnrɛ tà nyu, nɛ pa Nyɛʔɛlɛ li Nyìli li dá bo na ti ni wa pe noro ni de pomo ma na ge.

Wlɛʔɛ kì bɛfu na pe dáa gboʔolo wa Juwifiyee pe sràʔá go ni ge mà po lademe ní. À pe na hro li de goro tì bɛfu ni na akaba ka be lafiʔimi nì, ní lagmama nì. Pe dáa Nyɛʔɛlɛ sonni le. Pe kala à li na hɛɛn pè bɛfu glanʔa. Wlɛʔɛ o wlɛʔɛ wò fɔlɔ wɔ̀ɔ na pèè hari pé na, bee Nyɛʔɛlɛ li dáa syo ge.

‹Nyɛʔɛlɛ lí maʔa yo mà yo: Wlɛrɛ tanʔara na de, mí bi ba na Nyìli trigi hɛn wì bɛfu na. Yè pii nabii yoo cɛɛ yoo pa pe ba grɛʔɛ Nyɛʔɛlɛ leyoo. Yè najɛɛ pa pe da gori nyɛmɛɛ bì da ŋloro kaʔa nyaʔa ge bì da Nyɛʔɛlɛ li kanyɛmɛ cɛnni me. Yè lagwɔɔ pa pe da ŋloro ŋolo bì da Nyɛʔɛlɛ li kanyɛmɛ cɛnni me.

Hɛɛn pè bɛfu bee pe da yeré Jesu na we, à pe na pè nyaʔa su mà na pe yrɛbɛ hanri be pè bɛfu wobo. Ali pe dá bo na pe kere nì pe kyɛrɛ̀ yrɛbɛ pɛrɛ be mà na ki gbejanra tiʔibi de pe ma, ŋa nì wi cromo woro, ŋa nì wi cromo woro.

Ki nyiŋi na ge, hɛn o hɛn ŋa wí bi wò fɔlɔ wi yele yeri le, ki woo pɔɔ syɔ.›

Sanni wò fɔlɔ wi wlɛʔɛ kí gà no ge, ga kí nyɛ kpangbanŋa mâ po kmaʔa ge, yaa kí gà ba wɔ, yege fanna paʔa nylaʔa nɛ pa disyan nyɛ ge.