Juan 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Jesúsnam nirqan: <<Noqam kawatsikuq tanta kä. Noqata chaskimaq kaqqa imaypis manam mallaqanqatsu ni yakunanqatsu.

Manam pipis kikillanpitatsu mana ushakaq kawayta tarin, sinöqa Espïritupitam. Noqa yachatsinqäqa Espíritu Santupita karmi mana ushakaq kawayta qarayäshunaykipä kaykan.

Pachallaykipä aruyänaykipa rantinqa imayyaqpis kawatsikuq mikuyta tariyänaykipä aruyay. Tsay mikuytaqa Runapa Tsurinmi qarayäshunki. Tsaypämi Tayta Dios mandamushqa>>.

Payqa munan llapanpis Tsurinman criyiqkuna mana ushakaq kawayta tariyänantam. Paykunataqa juiciu finalchömi kawatsimushä>>.

Jesúsnam nirqan: <<Tayta Diospa aruyninqa mandamunqanman criyikuyanqaykim>>.

<<Papänï qaramanqan runakunaqa llapanmi chaskiyäman. Noqata chaskimaq kaqkunataqa manam pitapis qarqushätsu.

Tsaynö niptinmi Simón Pedro nirqan: <<Taytay, qampita mas jukqa manam pipis qatiräyänäpä kantsu. Ninqaykikunaqa mana ushakaq kawayta tariyänäpämi kaykan.

Noqam ciëlupita shamuq kawaykaq tanta kä. Pipis kay tantata mikurqa mana ushakaq kawaytam tarinqa. Kay tantaqa kikïpa cuerpümi. Runakuna mana ushakaq kawayta tariyänanpämi cuerpüta sacrificiutanö Tayta Diosman entregashä>>.

Mandamaqnï Papänï mana tantiyatsiptinqa manam pipis chaskimanmantsu. Chaskimaqkunataqa juiciu finalchömi kawatsimushä.

Tsay tantaqa ciëlupita shamuq runam. Payqa pïmaytapis mana ushakaq kawaytam qaranqa>>.

<<Noqam kawatsikuq tanta kä.

Tsay pitsqa tantata Jesús aptarkurmi Tayta Diosta mañakur agradëcikurqan. Jamaykaq runakunatanam [discïpulunkuna] aypuyarqan. Tsaynöllam pescädutapis aypuyarqan. Aypuyaptinmi llapanpis pacha junta mikuyarqan. Runakuna mikuskiyaptinnam discïpulunkunata nirqan: <<Llapan sobraqkunata qoriyämuy. Ama imatapis perditsishuntsu>>.

Tsaypita juk lëwatanö aywaykarnam Jesústa rikaskiyarqan yaku jananpa paykuna kaqman aywaykaqta. Tsayta rikaykurmi pasaypa mantsakäyarqan. Tsaymi Jesús nirqan: <<¡Noqam kä! ¡Ama mantsayämaytsu!>>