Yohana 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Niye namtongoni, amweye mwamatambi; yonda yakale mgati mmwangu na niye mgati mmwake, hiyo kolela nghani, kilumbo ihawa niye haduhu, mweye hamdaha kutenda mbuli yoyose.

Kaleni mgati mmwangu, na niye mmwemu; kamba vija tambi hadidaha kulela dili yeka, kamba hadikalile mumtongoni, igambile vivo na mweye, kamba hamkalile mmwangu.

Mweye muhakala mgati mmwangu, na malonga gangu gahakala mgati mmwemu, puleni dimulonda jojose, na mweye motendelwa.

Mweye hamnisagule niye, komu niye niwasaguleni na kumwikani mchole, mkalele mujo, na mujo wenu kwiza ukale, giladi jojose jonda mumpule Tata kwa twaga jangu, yamwingheni.

Haduhu mwene unogelo bwando kubanza uno, munhu kulava ugima wake kwa kilumbo cha mbwiga zake.

Tambi dili mmwangu kamba hadilela, kodisegeza; na tambi dilela kodidahulila, giladi diyohe kulela.

Ndagizi yangu iyo ino, Mwinogele mweye viniwanogeleni!

Tata wangu kotunizwa kwa vija vumumpula, giladi mulele mujo nghani, na mogalamka wanahina wangu.

Niye nene mtongoni wa ikweli, na Tata wangu iyo mnghulima.

Munhu kamba hakalile mgati mmwangu, kokwasigwa kunze kamba tambi, kwiza donyala, na wanhu wodizola na kujasa hamoto, dosakala.

Higo nimulongelani giladi ndenghelelo yangu iwe mgati mmwemu, na ndenghelelo yenu ivikizwe.

Muhazigoga ndagizi zangu, mokala muunogelo wangu, kamba vija niye vinizigogile ndagizi za Tata wangu na kukala muunogelo wake.

Gano nomulagizani mweye, giladi mwinogele.

Kamba muwile wa ulumwengu, ulumwengu uhawanogele vumuli wake; komu mweye si wa ulumwengu, bali niwasagulani mulumwengu, na kwa kilusu hicho ulumwengu uwehila.