Lʉʉka 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Lɨno nɨkʉkʉvʉʉla, ʉlʉghano lwa mʉkɨjʉʉva ʉjʉ lʉkome, ʉlwakʉva apyanilue inyɨvi saake nyinga. Neke ʉmuunhu jʉno ipyanɨlua inyɨvi ndebe, ʉjuo ighana padebe.” Pepano, ʉYesu akamʼbʉʉla ʉmʉkɨjʉʉva jʉla akati, “Ʉpyanilue inyɨvi saako.”

Apuo, ʉYesu akamʼbʉʉla kange ʉmʉkɨjʉʉva jʉla akati, “Ghwʉpiile ʉvʉpoki vwɨmɨla ʉlwɨtɨko lwako. Ʉlʉtaghe nʉ lʉtengaano!”

Ye afikile, akɨɨma kʉnsana kwa Yesu, piipi na maghʉlʉ ghaake. Akatengʉla pilɨla, neke amasosi ghaake ghakava ghidomokela mʉ maghʉlʉ gha Yesu. Pe akava ipulusia amaghʉlʉ gha Yesu nɨ lɨnyele lyake, kʉmo inonela na kʉkʉghapaka amafuta.

Ʉne nɨveele nivwene kuuti, nanɨnoghiile nambe kukwisa kʉlyʉve. Lɨno, nɨkʉkʉsʉʉma ʉjove lɨ lɨsio lyene, ʉmʼbombi ghwango, isooka. Ʉlwakʉva, na jʉʉne nipʉlɨka kʉ vavaha vango, kange nɨlɨ na vasikali vano vipʉlɨka kʉlyʉne. Nɨngamʼbʉʉle jʉmonga nɨɨti, ‘Lʉta!’ Ilʉta. Ʉjʉnge, nɨngati, ‘Isa!’ Ikwisa. Najʉ mʼbombi ghwango nɨngamʼbʉʉle kuuti, ‘Vomba ndɨɨkɨ!’ Ivomba.” ɄYesu ye apʉliike amasio aghuo, akadegha kyongo. Pe akalɨsyetʉkɨla ɨlɨpʉgha ɨlya vaanhu lɨno lɨlyale lɨkʉmʼbɨngɨlɨla akati, “Nɨkʉvavʉʉla kuuti, nambe mʉ Vaisilaeli vooni, nanɨmwaghile ʉmuunhu ʉnya lwɨtɨko ʉlʉkome ndavʉle ʉjʉ!”

Ʉnsiki ghʉla ghʉla, ʉYesu akava isosia vinga inhamu saave. Akava isosia na vano valyale na mapepo amalamafu. Kange, nava vabofu vinga akavasosyagha, vakalolagha. Pe akavamʉla avasungʼhua vala akati, “Mʉlʉte mʉmʼbʉʉle ʉYohani sooni sino mʉsivwene na kupʉlɨka. Avabofu vilola, avalema amaghʉlʉ vighenda, avanya bʉʉba vivalala, avanya mapʉle vipʉlɨka, avafue visyʉka. Kange, avakotofu vipʉlɨsɨvua ɨMhola ɨNofu.