Mbombo sa Vasungʼhua 17မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ɄNgʉlʉve alyavombile isio sooni kuuti, avaanhu vamʉlondaghe nambe mʉlwa kwabasia, neke vamwaghe napano ʉmwene naalɨ kʉtali nʉ muunhu ghweni.

Ʉmwene alyapelile avaanhu ava fisina fyoni kuhʉma kwa muunhu jʉmo, kuuti vikalaghe mʉ ɨɨsi jooni. Kuhʉma mʼbʉkʉʉlʉ ʉmwene alyataviike ifisina ni fisina kuuti vilikukala amasiki ghalɨku, kange vilikukala kʉʉghi.

“ɄNgʉlʉve ʉjuo ghwe jʉno apelile ɨɨsi ni fiinu fyoni fino mwefili. Kange, ʉlwakʉva ghwe Mʉtwa ghwa kʉkyanya na paasi apa, naikukala mʉ nyumba inyɨmɨke isa kufunyila sino sijengilue na vaanhu.

ʉlwakʉva avɨkile ɨkɨghono kɨno ilikʉvahɨgha avaanhu vooni mʉ vwakyangʼhaani. Ilikʉvahɨgha kukilila ʉmuunhu jʉmo jʉno alyansalwile. Mwa muunhu ʉjuo ʉNgʉlʉve ahʉfisie isio kʉ vaanhu vooni mʉlwa kʉnsyʉsia kuhʉma kʉ vafue.”

ɄPaulo akafijovagha akatisagha, “Lɨno, pano ʉsue tʉlɨ vaana va Ngʉlʉve, natʉnoghiile kusaagha kuuti, ʉNgʉlʉve alɨ ndavʉle ifihwani fino vatendile nɨ sahabu, nɨ kyʉma nambe nɨ lɨvue, fino fihongolilue vʉnono na vaanhu.