Luke 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Pia un, no zong hong kipia ding hi. No tehna dimvum tham lo kinengcipin kitattat-a, a dimletin na anguah hong kisung ding hi. Ahang in, note zat tehna tawh no ading hong kitehsak ding hi," a ci hi.

Mi hoih in a lungtanga a koihcing a hoihte panin na hoih pusuahkhia hi. Ahang in, lungtang sung a dimlet ciangin kamin kipaukhia hi.

Ahi hangin note na hi uh leh na galte uh itin, amaute tungah a hoih bawl unla ngah kik ding khat beek lamen loin na leitawisak un. Tua ciangin na pahtakman uh lian dinga, Sang Penpa tate na hi ding uh hi. Ahang in, amah nuamna mel a thei lote le a tatsiate tungah a migi hi.

Na Pa un a lainat theih bangin no zong na lainat thei un.

Thu na khen kei un, no tungah zong hong kikhen kei ding hi. Na mawhpaih kei un, no zong hong kimawhpaih lo ding hi. Na maisak un, no zong hong kimaisak ding hi.

"Ahi hangin ka thugen a za mite tungah kong hilh hi: Na galte na it in, hong mudahte tungah a hoih na bawl in; nang hong samsiate thupha na pia inla, hong bawlsiate ading thu na ngetsak in.

Nang tunga hong kibawl ding na deih bangin midangte tungah na bawl in.

Mi khatpeuh in na pang hong bet leh a lang lam zong na dawh in. Mi khatpeuh in na puantualpi hong laksak leh na puantungsilh a lak ding kham kei in. Hong ngente khempeuh na pia inla, na neihsa hong laksak peuhpeuh kiangah bangmah na ngen kik kei in.

Singkung hoih, a gah hoih lo gah om lo a, singkung hoih lo a gah hoih gah a om kei hi.

Singkung khempeuh a gah in kikhentel thei ciat hi. Mite in thangling kung panin thei gah lo lo uh a, sialtalling kung panin lenggah a lo thei kei uh hi.