Génesis 28မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“Awɨye neakañɨ. Che aïta nde ndiwe, jare ayandarekota nderé opaete kerupi ndeo wae rupi. Jare pëti ara che ndueru yeta kua ɨwɨ pe,” jei. “Ayapota ndewe opaete che jae ndewe wae, jare ndarau etei ndueya,” jei Tumpa Jacob pe.

Jare Jacob uecha wi Tumpa yupika iáramo oï wae. Jare Tumpa jei Jacob pe: “Che ko jae Tumpa aikoño mái wae, nderamɨkue Abraham iTumpa jare nderu Isaac iTumpa,” jei. “Opaete kua ɨwɨ Canaán, ndiyapakua neï jese wae etei, ameeta aï ndewe jare niñemoñaa reta pe,” jei.

Jawoi Jacob usareko jare jei iyupe: “Añetete Tumpa etei yepe oï kua pe, jare che aikuaa’ä aiko,” jei iyupe.

Jayawe Jacob jei ipɨa rewe Tumpa pe: “Ndeo yawe che ndiwe, jare ndiyandareko kawi yawe cheré kerupi awata wae rupi, jare nemee chewe yawe cherembiurä jare cheremimonderä, jukuärái aramoi pëti ara rupi chepuere ayu yewɨ cheru jëta pe yawe chepɨawiwe rewe, jayawe nde ndikota cheTumparä,” jei. “Kua pe ambɨyemboɨ aï kua ita aikuaaka waerä kua ko jae kiape nderee ambutuicha wae. Jare opaete mbaembae nemeeta chewe wae wi ameeta ndewe diezmo,” jei Jacob.

“Niñemoñaa reta jetaeteta ko ɨwɨkuïti ɨwɨ pewa jeta ye ye wae rami. Jae reta opata tɨnee kua ɨwɨ warasɨ uike wae kotɨ wi warasɨ oë wae kotɨ rewa, jare ɨaña kotɨ wi yembɨ kotɨ rewa. Jare opaete ɨwɨ pewa reta uyekouta nde rupi jare niñemoñaa rupi,” jei.

Joko wi koiño ime iko pëti tëta wasu raɨ arakae jeese Luz, erëi Jacob umbɨjee yuapɨ ye Betel.