ང་ཚོ་ཨི་ཇིབ་དུ་ཡོད་སྐབས་ཤ་དང་ཁ་ཟས་སོགས་འདོད་པ་གང་ཡོད་ཟ་རྒྱུ་ཡོད་པས། དེ་དུས་ང་ཚོ་གཙོ་བོ་དཀོན་མཆོག་གི་ཕྱག་འོག་ཏུ་ཤི་ན་ཡང་སྒྲིག་པ་ཡོད། འོན་ཀྱང་ཁྱེད་གཉིས་ཀྱིས་ང་ཚོ་ལྟོགས་པར་བསད་པའི་ཕྱིར་འབྲོག་སྟོང་འདིར་འཁྲིད་ཡོང་བ་ཡིན་ཟེར་བརྗོད་པ་དང་།
གཙོ་བོ་དཀོན་མཆོག་གིས་མོ་ཤེ་ལ་གསུངས་པ། ལྟོས་ཤིག། ངས་ཁྱོད་ཚོའི་དོན་དུ་གནམ་ནས་ཁ་ཟས་ཤིག་འབེབས་པར་བྱེད་རྒྱུ་ཡིན། མི་དམངས་རྣམས་ཉིན་ལྟར་རེ་བཞིན་ཕྱི་རུ་ཕྱིན་ནས་ཁ་ཟས་དེ་ནས་ཉིན་དེ་རང་ལ་ལྡང་བ་མ་གཏོགས་སྒྲུག་མི་ཆོག དེ་འི་སྒོ་ནས་དེ་ཚོས་ངའི་བཀའ་བཀོད་པ་བཞིན་སྤྱོད་མིན་ངས་ཚོད་ལྟ་བྱེད་པའི་ཕྱིར་རོ།