Yohane 4မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Kaisale eŋe Asu, eya wane meŋen-kaikei wane raso, ŋei ŋerep yewa eŋe weteneŋo Asu wane zonomgo weneŋ don welekatne eya wane rokopko okan okan me masi mayakatne okane more meŋenkakei.”

Ŋo naso mane baŋ sariyake, yemo mo iwa bomilemaike, yewao ŋei ŋerep meŋe meŋen gorop gemami, eŋe baŋ Magak wele meŋenka lukkei paki, eŋe weteneŋo Asu wane zonomgo so don welekatne, eya wane rokopko Magak baŋ meŋen-kaikei. Meŋe meŋen korop yewa ŋei ŋerep yaline edo Magak meŋen-kakei wane eŋe ra okanmaike.

Ŋo mane eŋe doku eya noŋo baŋ manbe neyake, eŋe baŋ ŋado koso doku wane manerop mi seukeyake, Midakaka. Doku eya noŋo baŋ ŋei mane manikale yewaŋo kotino gege wane doku deine malotke maniyake, so gege togon maniyake.”

Raki mo Yesuŋo mainge olatke, “Ge siluŋ Kaisaleŋo onokaka kine kine manerop wawaine gin okanmaike, so ŋei iwa maŋo doku mannom neyakane golatmaike, yewa detkene ra, yemo ge maine doku wane qeson kanom, mo eŋe doku gege togoninerop maine gingi nenom rap.”

Yesuŋo dokoine edane rake “Naŋane ŋara yemo talenange, eŋane aŋaine tewekkale so urata makalane ninge yewa ma warewe qoeyake.

Raki mo ŋerepŋo olatke, “Suwaine, ge lase ŋone midaka, ŋo doku lom yemo kiroroine, ŋo gege togon doku wamo diya ŋine osikene?

Pakimo ŋerepŋo Yesu olale rake, “Na detmaile, Mesiya, eŋetine mane Kristo baŋ sariyake. Eŋe sariyake naso yewao kine kine korop baŋ oŋo ŋedan wareyake.” Raki so, Yesuŋo olatke, “Na mo iwa! Noŋo don iwa golat maile.”

“Ŋine sari ŋei mane kau, eŋe sogino kine kine okangole makole, yewa korop ra wakone nolat waremaike, Kaisale eŋe sogino ra rokop donine ŋei mane sariyakane rake, eya wane wele, eŋe Mesiya mane?”