Sailm Dhaibhidh 42မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

O m'anam, cuim' a leagadh thu, le dìobhail misnich sìos? Is cuim' a bheil thu 'n taobh staigh dhìom fo aimheal is fo sgìos? Cuir dòchas daingeann ann an Dia: oir molam e a‑ghnàth. O 's e as slàinte do mo ghnùis, is e mo Dhia gu bràth.

Mar thogras fiadh na sruthan uisg' le bùireadh àrd gu geur, Mar sin tha m'anam plosgartaich, ag èigheach riutsa, Dhè. Tha tart air m'anam 'n geall air Dia, 'n geall air an Dia tha beò: O cuin a thig 's a nochdar mi am fianais Dhia na glòir'?

O m'anam! cuim' a leagadh thu le dìobhail misnich sìos? Is cuim' a bheil thu 'n taobh staigh dhìom fo thrioblaid is fo sgìos? Cuir dòchas daingeann ann an Dia, oir fhathast molam e, Airson na furtachd is na slàint' thig dhomh o 'aodann rèidh.

Gach là is oidhch' is iad mo dheòir as cuibhreann dhomh 's as biadh: An uair a their iad rium a‑ghnàth, Càit bheil a‑nis do Dhia?

Thuit m'anam annam sìos, a Dhè, ghrad-chuimhnich mi 'n sin ort; O thalamh Iòrdain, Hermoin àird, o Mhitsar fòs nan cnoc.