Rukasi 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Kee a'e: Age'e isakypa Penõvijã rã rõmõ. Penereko katu mã'ẽ rã, e'i. Janejare'e Remimuurerà Penõvijã ywete rõmõ eu. Tãmõ Tavi rekoawerà pè tui, e'i. Pekwa esa ãmẽ.

Ãmẽ Janejare'e remĩgwai e'i ijupe kõ: – Pekyje sõ, e'i. Ayvu katu mojenu tè awyjy ike pepyri. Jane kõ morya rõmõ tè a'e, e'i.

– Õ'õ, Janejare'e ikatuay wete. A'e ywesõ ikatuay wete. Pirujẽ jane kõ tomoe'e ãmẽ. Tipiryvypy katu jome kupa ky'y. Tojipy'amopirai e'ã jane kõ ky'y, yvy rupiwarà kõ, Janejare'e rauparà kõ, e'i ojĩga rõmõ kupa.

Aja paire ojimovija iko Jesu ky'y. Ãmõ, kekejẽ otekokuwa iko ky'y. Janejare'e py'a rupi katuwarà rõmõ ekoi. Ãmõ, jane kõ rova rupi katu ve ekoi.

Teima kõ remi'õ rena pè o'au upa. Ojijõvã kamisa pupe upa, e'i. Pemã'ẽ ee remẽ, pekuwatà Penõvijã rã tè a'e peesatà ky'y, e'i Janejare'e remĩgwai kaneiru jarà kõ pè.

Ãmẽ a'e taa kupei rupi oiko kaneiru jarà kõ. Pya werokwa weima kõ rè oja'a kupa ipi. Ka'api'ity rupi weima kõ weroata tojimi'u kupa ipi. A'e pè ekoi ãmẽ kupa. Ãmẽ jakatu Janejare'e remĩgwai yvapewarà mõ ojisa ijupe kõ. Pya ojisa ijupe kõ. Ãmẽ Janejare'e omojisaoka kwaray vo sõ tite mã'ẽ taeny ovake kõ. A'e kaneiru jarà kõ pè ojisa. Ojimonyi tesõ ee omãjã ãmẽ kupa.