Tigidali Nai Gagalama Nigali Side 26မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.

Te nago wąį hani augwali te umabo mu pedalumainu yaibao, te dagalude elalubo hǫ dabe tiwai gilama yaibao. Tama eno e tǫ pedai te tigidali eno augwalibolo mawaibao. Tama te tǫde tigidali bidi dabego te augwali da dali dwagi yai sę yao wabo po enabolo hanalu, te eno nago hani wąį dabe dwagi yai sę yali tiwai gilama yao po waibao. Abrahamgo eno haniani te kolesaga yao po odama, tama agai eno bomai po tigidali wali pai. Tama tibaso, eno nage dali dwagi yai sę yaibao,” Yawego te po wai.

Agai te pedai badu tagalama, te aga gasa badu me te wę ulu ma nigai. Tiali goli, te sę ebo bidigo tede te wado po me wabeo. Tialima, Aisakgo te e tiwai nogi poali “Te pesagede po ma wasiąwai,” tama agai te po wali, “Megi da, Yawego da e tǫde te genuai bidabo pesage mayu, tama te da bugagia homu nagame elama bidimainu yalio. Tama dago te bulude doado bage hauwa elaluaibao,” te po wai.

Yawe te Aisakba pedelama, tama agabolo te tiwai po wai, “Nage te Isipba munu me pelamuo. Nage te eno nagebolo bida wabo bulude bidagameo,” wai.

Aisakgo te ofa maiabo alta me deli te bulude dodolama, tama agai Yawebolo lotu wai. Nosali agai te bidabo pesage tede nigilama, tama aga sę bidi dabego tede tǫ diganama, tama te wę ulu me deli nigali.