New Testament in Tepehua, Huehuetla (MX:tee:Tepehua, Huehuetla)

Tepehua, Huehuetla

<div class="version vid849 iso6393tee" data-vid="849" data-iso6393="tee">
    <div class="book bkMAT">
        <div class="chapter ch3" data-usfm="MAT.3">
            <div class="label">3</div><div class="s1"><span class="heading">Ju Xivan ju ix'amakpaxanan amalani ju lapanacni ju lacamacni</span></div><div class="p"><span class="content">  </span><span class="verse v1" data-usfm="MAT.3.1"><span class="label">1</span><span class="content">Chai ju acsnich ju Xivan ju amakpaxana' chincha ju xa'estado Judea. Chai lacamacni amalanilh ju lapanacni. </span></span><span class="verse v2" data-usfm="MAT.3.2"><span class="label">2</span><span class="content">Chai chani ix'ajuni:</span></span></div><div class="p"><span class="verse v2" data-usfm="MAT.3.2"><span class="content">&#8213;Amac'a'unt'it ju mi'alactu'unti'an ni vaninch minta ju avilhchan acsni calhinona' ju Dios. &#8213;Chunch ix'ajuni ju lapanacni ju Xivan.</span></span></div><div class="p"><span class="verse v2" data-usfm="MAT.3.2"><span class="content">  </span></span><span class="verse v3" data-usfm="MAT.3.3"><span class="label">3</span><span class="content">Pus ju mak'aniya ixlapanac Dios ju ixjuncan Isa&#237;as ixnajunta ta yu canona' ju Xivan mas tuca' istsucui ju yuchi. Pus chani ixnajun ju Isa&#237;as:</span></span></div><div class="q1"><span class="verse v3" data-usfm="MAT.3.3"><span class="content">K'asmatcan ixchivinti ju pumatam ju na p'as chivinin lacamacni. Chai ju yuchi ma chani najun:</span></span></div><div class="q1"><span class="verse v3" data-usfm="MAT.3.3"><span class="content">Alak'oxit'it ju mi'atalacpast'ac'at'an ni camina' ju mi'ucxtin'an.</span></span></div><div class="q1"><span class="verse v3" data-usfm="MAT.3.3"><span class="content">Chach salaka va ju mi'alhunut'an.</span></span></div><div class="m"><span class="verse v3" data-usfm="MAT.3.3"><span class="content">Ma chunch ju ixnajun ju Isa&#237;as.</span></span></div><div class="p"><span class="verse v3" data-usfm="MAT.3.3"><span class="content">  </span></span><span class="verse v4" data-usfm="MAT.3.4"><span class="label">4</span><span class="content">Pus ju ixlakch'ita ju Xivan apaksivinti ix'apamat camello ixjunita. Chai lakatam axt'ak'an ixtank'aijucalh. Chai ix'ui ju tu'u' tachi silek ixlakts'inca. Vachu' ix'ui ju xat'axcat lacaq'uivin. </span></span><span class="verse v5" data-usfm="MAT.3.5"><span class="label">5</span><span class="content">Pus ju amachak'an lak'achak'an Jerusal&#233;n chai chux ju amachak'an ju xa'estado Judea chai chux ju lapanacni ju ixtat'ajun ixtalakachoko ju k'ai xcan Jord&#225;n ixtalak'an ju Xivan ni ixtak'asmatniputun ju ixchivinti. </span></span><span class="verse v6" data-usfm="MAT.3.6"><span class="label">6</span><span class="content">Chai ju Xivan ix'amakpaxai ju laxak'ai xcan Jord&#225;n acsni ixtanajun ni catamacona' ju ix'alactu'unti'an.</span></span></div><div class="p"><span class="verse v6" data-usfm="MAT.3.6"><span class="content">  </span></span><span class="verse v7" data-usfm="MAT.3.7"><span class="label">7</span><span class="content">Para ju Xivan acsni alakts'ilh ni na lhu ju ixta'akpaxputun ju ixtalhilaksi ju ixlhamap'aksin ju fariseonin chai ju ixtalhilaksi ju ixlhamap'aksin ju saduceonin pus chani ajuni:</span></span></div><div class="p"><span class="verse v7" data-usfm="MAT.3.7"><span class="content">&#8213;Chunch ju lap'ut'unat'it tachi ju tu'u' lu. Ju yuchi va acsnich ju ats'alai acsni xavacan ju ach'itin junta t'ajun. Pus vachu' chun ju lap'ut'unat'it ju uxijnan. Va acsnich ju tamch p'ast'acp'ut'unat'it ni xak'asmat'at'it ni catamamak'alhk'ajniyan ju Dios. Tis chavaich ju xatajunan ni anaviya'it'it tu'u' ni jantu catamamak'alhk'ajniyan ju Dios acsni cachina' ju anu' avilhchan. </span></span><span class="verse v8" data-usfm="MAT.3.8"><span class="label">8</span><span class="content">Pus ni vasalh t'ak'alht'axt'up'ut'unat'it amalac'asut'it lami'atsucunti'an ni mac'ont'at'it ju mi'alactu'unti'an. </span></span><span class="verse v9" data-usfm="MAT.3.9"><span class="label">9</span><span class="content">Chai jantu va k'aya ana'unt'it ni lai ap'ut'ak'alht'axt'uya'it'it va ixlaca'atalh ni mak'aniya ix'apapanatnich ju Abraham unt'at'it. Pus ju Dios ni va ixlacasq'uilh ni lhu ca'ix'alilh ix'apapanatnich ju Abraham pus laich ca'ix'amalok'oni ju ani lacma chiux ni ca'ixtavalh ix'apapanatnich ju Abraham. </span></span><span class="verse v10" data-usfm="MAT.3.10"><span class="label">10</span><span class="content">Chai mas chavai va lacats'unin tic'acx tus ca'amamak'alhk'ajniya' ju lapanacni ju Dios. Chai tachi chun ju lapanacni ju jantu tasui la'is'atsucunti'an ni vasalh tamacajunta ju ix'alactu'unti'an pus ca'amamak'alhk'ajnik'alhicana'. </span></span><span class="verse v11" data-usfm="MAT.3.11"><span class="label">11</span><span class="content">Ju quit'in vasalh iclamakpaxayau lacaxcan ni catac'atsaya' ju lapanacni ni vasalh mac'omp'ut'unat'it ju mi'alactu'unti'an. Para camina' apumatam astan ju palai xak'ai. Palai jantu ju quit'in. Ju quit'in jantu tu'u' quintapalhni. Jantu lai actich'anxk'otlh nin mas va yuchi ju samusni ju ixch'anxt'ak'an. Pus ju anu' ju camina' astan cataxtakniyan ju ali'in milhi'uxijnan ju Spiritu Santu. Para ju ali'in ju jantu lai talaca'i pus ca'amamak'alhk'ajniyach. </span></span><span class="verse v12" data-usfm="MAT.3.12"><span class="label">12</span><span class="content">Ju yuchi ca'ulhtuya' ju lapanacni tachi ju tam lapanac ju lacsunui ju ixcapen. Ju yuchi lacsacxtui ju xacapen chai mak'ani ju xa'amacxtalh. Pus chunchach vachu' ca'a'ulhtuya' ju lapanacni ju Jes&#250;s. Ju vasalh tamacajunta ix'alactu'unti'an casacxtucana' chai camak'alhtaxtucana'. Para ju jantu macajunta ix'alactu'unti camaca'ancana' junta jonk'alhita mak'alhk'ajnat.</span></span></div><div class="s1"><span class="heading">Akpaxlh ju Jes&#250;s</span></div><div class="p"><span class="verse v12" data-usfm="MAT.3.12"><span class="content">  </span></span><span class="verse v13" data-usfm="MAT.3.13"><span class="label">13</span><span class="content">Ju acsnich ju Jes&#250;s mincha ju xa'estado Galilea. Lakmilh ju Xivan ju laxak'ai xcan Jord&#225;n ni laich ca'akpaxlh vachu'. </span></span><span class="verse v14" data-usfm="MAT.3.14"><span class="label">14</span><span class="content">Para ju Xivan jantu ixmakpaxaputun. Chai chani juni ju Jes&#250;s:</span></span></div><div class="p"><span class="verse v14" data-usfm="MAT.3.14"><span class="content">&#8213;Tajuch ni laich q'uilakt'ant'a ju quit'in ni acmakpaxayan ju uxint'i. Alai tasq'uini ni quit'in ju aq'uimakp'axat'i.</span></span></div><div class="p"><span class="verse v14" data-usfm="MAT.3.14"><span class="content">  </span></span><span class="verse v15" data-usfm="MAT.3.15"><span class="label">15</span><span class="content">Para ju Jes&#250;s chani ju lhik'alhtailh:</span></span></div><div class="p"><span class="verse v15" data-usfm="MAT.3.15"><span class="content">&#8213;Lamapainin aq'uimakp'axat'i ni tasq'uini ni canavik'oyau chux tachi ju k'achani ju Dios.</span></span></div><div class="p"><span class="verse v15" data-usfm="MAT.3.15"><span class="content">Pus ju acsnich makpaxa ju Xivan. </span></span><span class="verse v16" data-usfm="MAT.3.16"><span class="label">16</span><span class="content">Chai acsni akpaxk'o ju Jes&#250;s pus tacutlh ju lacxcan chai lana talhtek'a ju lact'iyan chai ju Jes&#250;s lakts'ilh ju iSpiritu Santu ju Dios ni milh tachi ju tu'u' lak'axk'avan. Chai lakmilh ju Jes&#250;s. </span></span><span class="verse v17" data-usfm="MAT.3.17"><span class="label">17</span><span class="content">Chai chivincancha ju lact'iyan chai k'asmatcalh ju lacat'un junta ixya ju Jes&#250;s. Chai chani naulh:</span></span></div><div class="p"><span class="verse v17" data-usfm="MAT.3.17"><span class="content">&#8213;Ju ani ya yuchi ju quints'alh. Ju yuchi na icmapaini. Na iclhik'achanch ju yuchi.</span></span></div>
        </div>
    </div>
</div>

Chai ju acsnich ju Xivan ju amakpaxana' chincha ju xa'estado Judea. Chai lacamacni amalanilh ju lapanacni. Chai chani ix'ajuni:
―Amac'a'unt'it ju mi'alactu'unti'an ni vaninch minta ju avilhchan acsni calhinona' ju Dios. ―Chunch ix'ajuni ju lapanacni ju Xivan.
Pus ju mak'aniya ixlapanac Dios ju ixjuncan Isaías ixnajunta ta yu canona' ju Xivan mas tuca' istsucui ju yuchi. Pus chani ixnajun ju Isaías:
K'asmatcan ixchivinti ju pumatam ju na p'as chivinin lacamacni. Chai ju yuchi ma chani najun:
Alak'oxit'it ju mi'atalacpast'ac'at'an ni camina' ju mi'ucxtin'an.
Chach salaka va ju mi'alhunut'an.
Ma chunch ju ixnajun ju Isaías.
Pus ju ixlakch'ita ju Xivan apaksivinti ix'apamat camello ixjunita. Chai lakatam axt'ak'an ixtank'aijucalh. Chai ix'ui ju tu'u' tachi silek ixlakts'inca. Vachu' ix'ui ju xat'axcat lacaq'uivin. Pus ju amachak'an lak'achak'an Jerusalén chai chux ju amachak'an ju xa'estado Judea chai chux ju lapanacni ju ixtat'ajun ixtalakachoko ju k'ai xcan Jordán ixtalak'an ju Xivan ni ixtak'asmatniputun ju ixchivinti. Chai ju Xivan ix'amakpaxai ju laxak'ai xcan Jordán acsni ixtanajun ni catamacona' ju ix'alactu'unti'an.
Para ju Xivan acsni alakts'ilh ni na lhu ju ixta'akpaxputun ju ixtalhilaksi ju ixlhamap'aksin ju fariseonin chai ju ixtalhilaksi ju ixlhamap'aksin ju saduceonin pus chani ajuni:
―Chunch ju lap'ut'unat'it tachi ju tu'u' lu. Ju yuchi va acsnich ju ats'alai acsni xavacan ju ach'itin junta t'ajun. Pus vachu' chun ju lap'ut'unat'it ju uxijnan. Va acsnich ju tamch p'ast'acp'ut'unat'it ni xak'asmat'at'it ni catamamak'alhk'ajniyan ju Dios. Tis chavaich ju xatajunan ni anaviya'it'it tu'u' ni jantu catamamak'alhk'ajniyan ju Dios acsni cachina' ju anu' avilhchan. Pus ni vasalh t'ak'alht'axt'up'ut'unat'it amalac'asut'it lami'atsucunti'an ni mac'ont'at'it ju mi'alactu'unti'an. Chai jantu va k'aya ana'unt'it ni lai ap'ut'ak'alht'axt'uya'it'it va ixlaca'atalh ni mak'aniya ix'apapanatnich ju Abraham unt'at'it. Pus ju Dios ni va ixlacasq'uilh ni lhu ca'ix'alilh ix'apapanatnich ju Abraham pus laich ca'ix'amalok'oni ju ani lacma chiux ni ca'ixtavalh ix'apapanatnich ju Abraham. Chai mas chavai va lacats'unin tic'acx tus ca'amamak'alhk'ajniya' ju lapanacni ju Dios. Chai tachi chun ju lapanacni ju jantu tasui la'is'atsucunti'an ni vasalh tamacajunta ju ix'alactu'unti'an pus ca'amamak'alhk'ajnik'alhicana'. Ju quit'in vasalh iclamakpaxayau lacaxcan ni catac'atsaya' ju lapanacni ni vasalh mac'omp'ut'unat'it ju mi'alactu'unti'an. Para camina' apumatam astan ju palai xak'ai. Palai jantu ju quit'in. Ju quit'in jantu tu'u' quintapalhni. Jantu lai actich'anxk'otlh nin mas va yuchi ju samusni ju ixch'anxt'ak'an. Pus ju anu' ju camina' astan cataxtakniyan ju ali'in milhi'uxijnan ju Spiritu Santu. Para ju ali'in ju jantu lai talaca'i pus ca'amamak'alhk'ajniyach. Ju yuchi ca'ulhtuya' ju lapanacni tachi ju tam lapanac ju lacsunui ju ixcapen. Ju yuchi lacsacxtui ju xacapen chai mak'ani ju xa'amacxtalh. Pus chunchach vachu' ca'a'ulhtuya' ju lapanacni ju Jesús. Ju vasalh tamacajunta ix'alactu'unti'an casacxtucana' chai camak'alhtaxtucana'. Para ju jantu macajunta ix'alactu'unti camaca'ancana' junta jonk'alhita mak'alhk'ajnat.

Ju acsnich ju Jesús mincha ju xa'estado Galilea. Lakmilh ju Xivan ju laxak'ai xcan Jordán ni laich ca'akpaxlh vachu'. Para ju Xivan jantu ixmakpaxaputun. Chai chani juni ju Jesús:
―Tajuch ni laich q'uilakt'ant'a ju quit'in ni acmakpaxayan ju uxint'i. Alai tasq'uini ni quit'in ju aq'uimakp'axat'i.
Para ju Jesús chani ju lhik'alhtailh:
―Lamapainin aq'uimakp'axat'i ni tasq'uini ni canavik'oyau chux tachi ju k'achani ju Dios.
Pus ju acsnich makpaxa ju Xivan. Chai acsni akpaxk'o ju Jesús pus tacutlh ju lacxcan chai lana talhtek'a ju lact'iyan chai ju Jesús lakts'ilh ju iSpiritu Santu ju Dios ni milh tachi ju tu'u' lak'axk'avan. Chai lakmilh ju Jesús. Chai chivincancha ju lact'iyan chai k'asmatcalh ju lacat'un junta ixya ju Jesús. Chai chani naulh:
―Ju ani ya yuchi ju quints'alh. Ju yuchi na icmapaini. Na iclhik'achanch ju yuchi.

နားေထာင္ပါ။ MATEO 3