Bola - 2011 WBT (NT) Non Drama

<div class="version vid333 iso6393bnp" data-vid="333" data-iso6393="bnp">
 <div class="book bkMRK">
 <div class="chapter ch2" data-usfm="MRK.2">
 <div class="label">2</div><div class="s1">A Beu</div><div class="r">(Mateo 9:1-8; Lukas 5:17-26)</div><div class="p"> 1Muri na parava ranga, e Isu i lakea tabu o Kapernaum. E huriki a bakovi a ngatavine ri longoa e Isu i dili pali na ruma, lakea ri dili maia. 2A ruma i vonu liu. A hini polovavo ranga, ri vapesihi vona e huriki. Lakea e Isu i vara ria na nitana Vure. 3Na tahuna e Isu i vavara, a bakovi ala va ri kaloho vilia vona a bakovi i beu. 4Pali ri keri ni kalohoa lakea ne Isu, a vuhuna i kupo hateka e huriki ri vapesihi. Lakea ri pukea a mapana ruma polomeli. Ri puka loboa, muri ri vakatavore purua a bakovi i mahita na kiri. 5Na tahuna e Isu i matai ria ri luhoi tora hateka ia, i takia a beu, &#8220;O tugu, a puga vuroki a naro hale vomu.&#8221;</div><div class="p"> 6Pali e huriki a mari na vinara ri made vonga, ri luhoi maea, 7&#8220;I navai a bakovi iea i ta maea? I ngaru ni bole a murina Vure! I uka tara viri ge puga a naro hale, a Vure kikeri kunana.&#8221;</div><div class="p"> 8E Isu, i malaviriri kunana i lohoka vona a ngava ri luhoi hateka na hatene ria, lakea i taki ria, &#8220;I navai mu luhoi mavonga? 9I vai a ngava kavakava ga taki a beu vona, &#8216;Iau a puga a naro hale vomu.&#8217; O ga ta maea, &#8216;O pesi rike, o kaloho a kiri vomu, o laho.&#8217; 10Pali ngane ga vakasiri mua vona a Tuna Bakovi i tahoka a nitora koea na malala ni puga a naro hale.&#8221; Ngane i mata lakea na beu, i takia, 11&#8220;A taki ioe, o pesi rike, o kalohoa a kiri vomu, o lakea na ruma vomu.&#8221; 12Lakea i pesi rike, i malaviriri kunana i kaloho a kiri vona, i laho tala. E huriki lobo ri masia, ri turutu, ri kavurikea a Vure, ri ta maea, &#8220;I uka ma mi masia hosi tara maki ge maea!&#8221;</div><div class="s1">E Levi</div><div class="r">(Mateo 9:9-13; Lukas 5:27-32)</div><div class="p"> 13Muri e Isu i pagitala, i hamule lakea na Darilomu e Galili. E huriki ala kupo ri lakea vona, lakea i vara ria. 14Na tahuna i laho lokovonga i masia e Levi, e tune Alpius, i mamade na roho ni bole a takis. Lakea e Isu i takia, &#8220;O muri nau.&#8221; Lakea e Levi i pesi rike, i muri maia. 15Muri e Isu i vano, i kani na ruma ne Levi. E huriki a bakovi ni bole a takis, e huriki a bakovi hale, ri kani turane Isu, e huriki a murimuri vona, a vuhuna e huriki ri muri vona ri ala kupo. 16#Mat 11:19Na tahuna e huriki a mari na vinara ne huriki a Pariseo ri masia e Isu i kani turana e huriki a bakovi hale, e huriki a bakovi ni bole a takis, ri nana e huriki a murimuri vona, &#8220;I navai i kani turana e huriki a bakovi ni bole a takis, e huriki a bakovi hale?&#8221;</div><div class="p"> 17Na tahuna e Isu i longoa a ninana iea, i taki ria, &#8220;E huriki i uka ma ri giloa, i uka ma ri gi lakea na dokta. E huriki ri giloa kunana bara ri masia. A valai i uka ma ga gale mua e huriki mu luhoi ta mu naro kamumu mu gu pulo a vilone mua. A valai ga gale e huriki ri naro hale ri gi pulo a vilone ria.&#8221;</div><div class="s1">A Niperemu</div><div class="r">(Mateo 9:14-17; Lukas 5:33-39)</div><div class="p"> 18E huriki a murimuri ne Ioanes, e huriki a Pariseo na parava ranga ri peremu ni kani. Lakea e huriki ranga ri valai, ri nanea e Isu, &#8220;I navai e huriki a murimuri ne Ioanes, a murimuri ne huriki a Pariseo ri peremu, pali e huriki a murimuri vomu i uka ma ri peremu?&#8221;</div><div class="p"> 19E Isu i koli i ta maea, &#8220;E huriki ri lakea na habu na bakovi i parangi karaba i uka ma ri gi peremu, a vuhuna a bakovi i parangi karaba i tabana turane ria. 20Muri ma a bakovi i parangi karaba bara ni tuli tala ne ria, bara ri peremu.</div><div class="p"> 21&#8220;I uka tara viri ge bolea a mavidana lavalava karaba ge rahi karia turana hini marape na matutu na varakia. Bara i rata mavonga, na tahuna i loi a varakia vona, a mavidana lavalava karaba bara i hoho, i turapea a matutuna varakia, muri bara i ratea a hini mavida i ngavaka. 22Pali i uka tara viri ge guru dili a vain karaba na matutuna buroi ni rata na kulina me. Bara i rata mavonga, bara i mapoda a matutuna buroi. Pali a vain a buroi bara ru lobo tavula varago. A viri i lohoka bara i guru dili a vain karaba na buroi karaba.&#8221;</div><div class="s1">A Bakovi Dagi na Parava Nimalo</div><div class="r">(Mateo 12:1-8; Lukas 6:1-5)</div><div class="p"> 23Na Parava Nimalo tara, e Isu i laho padikudu na hania na vit. E huriki a murimuri vona ri laho turana, ri vakatubu ni pasi a vutuna vit, a vuhuna ri vitolo. 24#Vin 23:25Lakea e huriki a Pariseo ri nanea, &#8220;Mata lakea! I navai e huriki a murimuri vomu ri ratea a maki ni hatekakari na Parava Nimalo?&#8221;</div><div class="p"> 25 # 
 1Sam 21:1-6
 E Isu i koli, i ta maea, &#8220;Ra mua, i uka ma mu gia na hinere a naro e Davit i ratea hosi, na tahuna i turana e huriki a tara vona ri vitolo? 26#Levi 24:5-9Na tahuna iea, e Abiatar ia a prister dagi. Lakea e Davit i dili na roho na Vure, i kani a bret. A bret iea, a nihabi na Vure. A vinara i taki e huriki a prister kunana ri gi kani. Pali e Davit i bole ranga, i habi ne huriki a tara vona, ri kani.&#8221;</div><div class="p"> 27 # 
 Vin 5:14
 Lakea e Isu i taki ria, &#8220;I uka ma ni rata a bakovi ne vona a Parava Nimalo. A Parava Nimalo ni rata ne vona a bakovi. 28I mavonga kunana, a Tuna Bakovi ia a Bakovi Dagi na maki lobo. A Parava Nimalo tara, ia a Bakovi Dagi vona.&#8221;</div>
 </div>
 </div>
</div>

Muri na parava ranga, e Isu i lakea tabu o Kapernaum. E huriki a bakovi a ngatavine ri longoa e Isu i dili pali na ruma, lakea ri dili maia. A ruma i vonu liu. A hini polovavo ranga, ri vapesihi vona e huriki. Lakea e Isu i vara ria na nitana Vure. Na tahuna e Isu i vavara, a bakovi ala va ri kaloho vilia vona a bakovi i beu. Pali ri keri ni kalohoa lakea ne Isu, a vuhuna i kupo hateka e huriki ri vapesihi. Lakea ri pukea a mapana ruma polomeli. Ri puka loboa, muri ri vakatavore purua a bakovi i mahita na kiri. Na tahuna e Isu i matai ria ri luhoi tora hateka ia, i takia a beu, “O tugu, a puga vuroki a naro hale vomu.”
Pali e huriki a mari na vinara ri made vonga, ri luhoi maea, “I navai a bakovi iea i ta maea? I ngaru ni bole a murina Vure! I uka tara viri ge puga a naro hale, a Vure kikeri kunana.”
E Isu, i malaviriri kunana i lohoka vona a ngava ri luhoi hateka na hatene ria, lakea i taki ria, “I navai mu luhoi mavonga? I vai a ngava kavakava ga taki a beu vona, ‘Iau a puga a naro hale vomu.’ O ga ta maea, ‘O pesi rike, o kaloho a kiri vomu, o laho.’ Pali ngane ga vakasiri mua vona a Tuna Bakovi i tahoka a nitora koea na malala ni puga a naro hale.” Ngane i mata lakea na beu, i takia, “A taki ioe, o pesi rike, o kalohoa a kiri vomu, o lakea na ruma vomu.” Lakea i pesi rike, i malaviriri kunana i kaloho a kiri vona, i laho tala. E huriki lobo ri masia, ri turutu, ri kavurikea a Vure, ri ta maea, “I uka ma mi masia hosi tara maki ge maea!”


Muri e Isu i pagitala, i hamule lakea na Darilomu e Galili. E huriki ala kupo ri lakea vona, lakea i vara ria. Na tahuna i laho lokovonga i masia e Levi, e tune Alpius, i mamade na roho ni bole a takis. Lakea e Isu i takia, “O muri nau.” Lakea e Levi i pesi rike, i muri maia. Muri e Isu i vano, i kani na ruma ne Levi. E huriki a bakovi ni bole a takis, e huriki a bakovi hale, ri kani turane Isu, e huriki a murimuri vona, a vuhuna e huriki ri muri vona ri ala kupo. Na tahuna e huriki a mari na vinara ne huriki a Pariseo ri masia e Isu i kani turana e huriki a bakovi hale, e huriki a bakovi ni bole a takis, ri nana e huriki a murimuri vona, “I navai i kani turana e huriki a bakovi ni bole a takis, e huriki a bakovi hale?”
Na tahuna e Isu i longoa a ninana iea, i taki ria, “E huriki i uka ma ri giloa, i uka ma ri gi lakea na dokta. E huriki ri giloa kunana bara ri masia. A valai i uka ma ga gale mua e huriki mu luhoi ta mu naro kamumu mu gu pulo a vilone mua. A valai ga gale e huriki ri naro hale ri gi pulo a vilone ria.”


E huriki a murimuri ne Ioanes, e huriki a Pariseo na parava ranga ri peremu ni kani. Lakea e huriki ranga ri valai, ri nanea e Isu, “I navai e huriki a murimuri ne Ioanes, a murimuri ne huriki a Pariseo ri peremu, pali e huriki a murimuri vomu i uka ma ri peremu?”
E Isu i koli i ta maea, “E huriki ri lakea na habu na bakovi i parangi karaba i uka ma ri gi peremu, a vuhuna a bakovi i parangi karaba i tabana turane ria. Muri ma a bakovi i parangi karaba bara ni tuli tala ne ria, bara ri peremu.
“I uka tara viri ge bolea a mavidana lavalava karaba ge rahi karia turana hini marape na matutu na varakia. Bara i rata mavonga, na tahuna i loi a varakia vona, a mavidana lavalava karaba bara i hoho, i turapea a matutuna varakia, muri bara i ratea a hini mavida i ngavaka. Pali i uka tara viri ge guru dili a vain karaba na matutuna buroi ni rata na kulina me. Bara i rata mavonga, bara i mapoda a matutuna buroi. Pali a vain a buroi bara ru lobo tavula varago. A viri i lohoka bara i guru dili a vain karaba na buroi karaba.”


Na Parava Nimalo tara, e Isu i laho padikudu na hania na vit. E huriki a murimuri vona ri laho turana, ri vakatubu ni pasi a vutuna vit, a vuhuna ri vitolo. Lakea e huriki a Pariseo ri nanea, “Mata lakea! I navai e huriki a murimuri vomu ri ratea a maki ni hatekakari na Parava Nimalo?”
E Isu i koli, i ta maea, “Ra mua, i uka ma mu gia na hinere a naro e Davit i ratea hosi, na tahuna i turana e huriki a tara vona ri vitolo? Na tahuna iea, e Abiatar ia a prister dagi. Lakea e Davit i dili na roho na Vure, i kani a bret. A bret iea, a nihabi na Vure. A vinara i taki e huriki a prister kunana ri gi kani. Pali e Davit i bole ranga, i habi ne huriki a tara vona, ri kani.”
Lakea e Isu i taki ria, “I uka ma ni rata a bakovi ne vona a Parava Nimalo. A Parava Nimalo ni rata ne vona a bakovi. I mavonga kunana, a Tuna Bakovi ia a Bakovi Dagi na maki lobo. A Parava Nimalo tara, ia a Bakovi Dagi vona.”

နားေထာင္ပါ။ Markus 2