The Gofa Bible, The Word for the World, 2016 (text) The Gofa Audio Bible, Davar Partners International, 2018 (audio)

The Gofa Bible

<div class="version vid2344 iso6393gof" data-vid="2344" data-iso6393="gof">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesuusanne Samaare maccasiw</div><div class="p"> 1Yesuusi Yohaannisayssafe dariya kaalleyssata baakko shiisheyssanne xammaqeyssa Farisaaweti si7idosona. 2Gidikkoka Yesuusa tamaareti xammaqidosonappe attin Yesuusi oonakka xammaqibeena. 3Yesuusi asay iyabaa geyssa si7ida wode Yihudappe denddidi Galiila bis. 4Galiila bishe Samaarera aadhdhanayssi iyaw attonnabaa gidis.</div><div class="p"> 5Hessa gisho, Yayqoobi ba na7aa Yoosefas immida gadiya matan de7iya Sikaare giya Samaare katamaa bis.#Medhe 33:19; Iya 24:32 6He bessan Yayqooba haathaa ollay de7ees. Yesuusi hamuthan daaburidi he haathaa olla matan uttis. He wode sa7ay usuppun saate heera.</div><div class="p"> 7Issi Samaare katamaa maccas he ollaafe haathe tikkanaw yasu. Yesuusi he maccaseekko, &#8220;Tana haathe ushsharkkii&#8221; yaagis. 8He wode Yesuusa tamaareti kathi shammanaw katama bidosonashin.</div><div class="p"> 9He maccasiya zaarada, &#8220;Neeni Ayhude ase gidashe, Samaare maccas gidiya tana waanada haathe ushsha gay?&#8221; yaagasu. Hessa iya giday Ayhudeti Samaaretara gayttonna gishossa.#Iz 4:1-5; Nah 4:1-2</div><div class="p"> 10Yesuusi zaaridi, &#8220;Neeni Xoossaa imotaanne haathe tana ushsha geyssi ooneekko eridabaa gidiyakko iya ne woossana; ikka new de7o immiya haathi immanashin&#8221; yaagis.</div><div class="p"> 11Maccasiya zaarada, &#8220;Godaw, new duuqqiyabay baawa; ollayka ziqqa. Yaatin, de7o immiya haathi ne awuppe ekkanee? 12Nuus ha haathaa olla immida nu aawa Yayqoobappe neeni aadhdhay? I, iya naytinne iya mehey ha ollaafe uyidosona&#8221; yaagasu.</div><div class="p"> 13Yesuusi, &#8220;Ha haathaafe uyida oonikka zaari saamottana. 14Shin taani immana haathaa uyaa oonikka ubbakka saamottenna. Taani immana haathay iya giddon merinaa de7o immiya goggiya pultto gidana&#8221; yaagis.</div><div class="p"> 15Maccasiya zaarada, &#8220;Godaw, taani saamottonna melanne haathe tikkanaw ha bessaa yoonna mela taw he haathaa imma&#8221; yaagasu.</div><div class="p"> 16Yesuusi iikko, &#8220;Bada ne azina xeegada ya&#8221; yaagis.</div><div class="p"> 17Maccasiya zaarada, &#8220;Taw azini baawa&#8221; yaagasu.</div><div class="p">Yesuusi iikko, &#8220;Taw azini baawa guussan balabaakka. 18New kase ichchashu azinati de7oosona. Ha77i neera de7iya addey ne azina gidenna. Neeni ha77i tuma odadasa&#8221; yaagis.</div><div class="p"> 19Maccasiya zaarada, &#8220;Godaw, neeni nabe gideyssa taani eras. 20Nu aawati ha deriya bolla Xoossaa goynnidosona. Shin hintte Ayhudeti asi Xoossas goynnanaw bessiya bessay Yerusalaamena geeta&#8221; yaagasu.</div><div class="p"> 21Yesuusi, &#8220;Ha maccasete tana ammana; ha deriya bolla woykko Yerusalaamen Aawas hintte goynnona wodey yaana. 22Hintte Samaareti eronnayssa goynneeta. Shin nuuni atotethay Ayhudeppe yaa gisho nu ereyssa goynnos. 23Shin Aawas tuman goynneyssati Ayyaananinne tumatethan goynnana wodey matattis; ha77ika gakkis. Hiza, Aaway koyey hayssa mela ogiyan goynneyssata. 24Xoossay Ayyaana; iyaw goynneyssati Ayyaananinne tumatethan goynnanaw bessees&#8221; yaagis.</div><div class="p"> 25Maccasiya zaarada, &#8220;Kiristtoosi yaanayssa taani erays. I yaa wode nuus ubbabaa odana&#8221; yaagasu.</div><div class="p"> 26Yesuusi, &#8220;Ha neera odettey taani iya&#8221; yaagis.</div><div class="p"> 27Entti odettishin, Yesuusa tamaareti bida bessaafe simmidosona. Yesuusi maccasara odettishin entti be7idi daro malaalettidosona. Shin maccaseekko, &#8220;Ay koyay?&#8221; giday woykko Yesuusakko, &#8220;Iira ays odettay?&#8221; giday oonikka baawa.</div><div class="p"> 28Hessafe guye, maccasiya ba haatha otuwa aggada guye katamaa bada asaakko, 29&#8220;Taani oothidabaa ubbaa taw odida addiya be7anaw yedhdhite. I Kiristtoosa gidanddeshshaa?&#8221; yaagasu. 30Asay katamaappe keyidi Yesuusakko bidosona.</div><div class="p"> 31Hessi hanishin, iya tamaareti Yesuusakko, &#8220;Guuthabaa markkii&#8221; yaagidi woossidosona.</div><div class="p"> 32Shin I, &#8220;Taw hintte eronna kathi ta meyssi de7ees&#8221; yaagis.</div><div class="p"> 33Hessa gisho, iya tamaareti bantta giddon, &#8220;Iyaw miyabaa asi ehonna aggenna?&#8221; yaagidosona.</div><div class="p"> 34Yesuusi enttako, &#8220;Ta kathay tana kiittidayssa sheniya oothanayssanne iya oosuwa polanayssa. 35Hintte, &#8216;Oyddu ageenappe guye kathay cakettana&#8217; geekketiyye? Shin taani hinttew odays; kathay kaxidi shiishoos gakkidayssa loythi xeellite. 36Zereyssinne cakkeyssi issife ufayttana mela cakkeyssi damooziya ekkees qassi kathaa merinaa de7os shiishees. 37Hiza, &#8216;Issoy zerees; hankkoy qassi cakkees&#8217; giya oday tuma. 38Hintte daaburiboonayssa shiishana mela taani hinttena kiittas. Harati oothi daaburidasuwan gelidi hintte entta daaburaa ayfiyaa ekkideta&#8221; yaagis.</div><div class="p"> 39Maccasiya, &#8220;I, taani oothida ubbabaa odis&#8221; gada markkattida gisho he kataman de7iya Samaare asaappe daroti Yesuusa ammanidosona. 40Samaare asay Yesuusakko yidi, bantta matan gam77ana mela Yesuusa woossin I yan nam77u gallas uttis.</div><div class="p"> 41I odiya qaala gisho kaseyssafe daro asay ammanidosona. 42Qassi entti maccaseekko, &#8220;Ha77i nu ammaney nu huu7en I geyssa si7ida gishossafe attin neeni markkattida gishossa gidenna. Qassi I tuma ha alamiya ashsheyssa gideyssa nuuni erida&#8221; yaagidosona.</div><div class="s">Yesuusi issi shuumaa na7aa pathis</div><div class="p"> 43Nam77u gallasappe guye, Yesuusi yaappe keyidi Galiila biitta bis. 44Yesuusi ba huu7en, &#8220;Nabey ba biittan bonchchettena&#8221; yaagidi kasetidi odis.#Maato 13:57; Mar 6:4; Luuqa 4:24 45Yesuusi Galiila gakkida wode Galiila asay iya mokkidosona. Ays giikko, Faasika Baale bonchchiya gallas entti Yerusalaamen de7iya gisho I oothidabaa ubbaa be7idosona.#Yoha 2:23</div><div class="p"> 46Yesuusi haathaa woyne ushshi laammida bessaa, Galiilan de7iya Qaana katama bis. Qifirnahoomen kawo keethan oothiya issi shuumaas na7ay harggettis.#Yoha 2:1-11 47Yesuusi Yihudappe Galiila yidayssa he shuumay si7idi iyaakko yis. Hayqqanaw matida ba na7aa bidi pathana mela Yesuusa woossis.</div><div class="p"> 48Yesuusi shuumakko, &#8220;Xoossay oothiya malaatatanne oorathabata be7onna de7ishe hintte ubbarakka ammanekketa&#8221; yaagis.</div><div class="p"> 49Shuumay zaaridi, &#8220;Godaw, ta na7ay hayqqonna de7ishin taara yedhdharkki&#8221; yaagis.</div><div class="p"> 50Yesuusi, &#8220;Ne soo ba; ne na7ay paxana&#8221; yaagis.</div><div class="p">He shuumay Yesuusi gidayssa ammanidi ba soo bis. 51I ba soo bishin iya aylleti iyaakko yishe iyara ogen gayttidi, &#8220;Ne na7ay paxis&#8221; gidosona.</div><div class="p"> 52I ba aylleta ba na7aas ay saaten lo77idaakko oychchis. Entti zaaridi, &#8220;Zine laappun saaten mishay aggis&#8221; yaagidosona. 53Na7aa aaway Yesuusi baakko, &#8220;Ne na7ay paxana&#8221; giday he saatiyan gideyssa akeekis. Hessa gisho, inne iya soo asay ubbay ammanidosona.</div><div class="p"> 54Hessi Yesuusi Yihudappe Galiila yidi oothida nam77antho malaataa.</div>
 </div>
 </div>
</div>

Gofa New Testament © The Word For The World International, 2011

Yesuusi Yohaannisayssafe dariya kaalleyssata baakko shiisheyssanne xammaqeyssa Farisaaweti si7idosona. Gidikkoka Yesuusa tamaareti xammaqidosonappe attin Yesuusi oonakka xammaqibeena. Yesuusi asay iyabaa geyssa si7ida wode Yihudappe denddidi Galiila bis. Galiila bishe Samaarera aadhdhanayssi iyaw attonnabaa gidis.
Hessa gisho, Yayqoobi ba na7aa Yoosefas immida gadiya matan de7iya Sikaare giya Samaare katamaa bis. He bessan Yayqooba haathaa ollay de7ees. Yesuusi hamuthan daaburidi he haathaa olla matan uttis. He wode sa7ay usuppun saate heera.
Issi Samaare katamaa maccas he ollaafe haathe tikkanaw yasu. Yesuusi he maccaseekko, “Tana haathe ushsharkkii” yaagis. He wode Yesuusa tamaareti kathi shammanaw katama bidosonashin.
He maccasiya zaarada, “Neeni Ayhude ase gidashe, Samaare maccas gidiya tana waanada haathe ushsha gay?” yaagasu. Hessa iya giday Ayhudeti Samaaretara gayttonna gishossa.
Yesuusi zaaridi, “Neeni Xoossaa imotaanne haathe tana ushsha geyssi ooneekko eridabaa gidiyakko iya ne woossana; ikka new de7o immiya haathi immanashin” yaagis.
Maccasiya zaarada, “Godaw, new duuqqiyabay baawa; ollayka ziqqa. Yaatin, de7o immiya haathi ne awuppe ekkanee? Nuus ha haathaa olla immida nu aawa Yayqoobappe neeni aadhdhay? I, iya naytinne iya mehey ha ollaafe uyidosona” yaagasu.
Yesuusi, “Ha haathaafe uyida oonikka zaari saamottana. Shin taani immana haathaa uyaa oonikka ubbakka saamottenna. Taani immana haathay iya giddon merinaa de7o immiya goggiya pultto gidana” yaagis.
Maccasiya zaarada, “Godaw, taani saamottonna melanne haathe tikkanaw ha bessaa yoonna mela taw he haathaa imma” yaagasu.
Yesuusi iikko, “Bada ne azina xeegada ya” yaagis.
Maccasiya zaarada, “Taw azini baawa” yaagasu.
Yesuusi iikko, “Taw azini baawa guussan balabaakka. New kase ichchashu azinati de7oosona. Ha77i neera de7iya addey ne azina gidenna. Neeni ha77i tuma odadasa” yaagis.
Maccasiya zaarada, “Godaw, neeni nabe gideyssa taani eras. Nu aawati ha deriya bolla Xoossaa goynnidosona. Shin hintte Ayhudeti asi Xoossas goynnanaw bessiya bessay Yerusalaamena geeta” yaagasu.
Yesuusi, “Ha maccasete tana ammana; ha deriya bolla woykko Yerusalaamen Aawas hintte goynnona wodey yaana. Hintte Samaareti eronnayssa goynneeta. Shin nuuni atotethay Ayhudeppe yaa gisho nu ereyssa goynnos. Shin Aawas tuman goynneyssati Ayyaananinne tumatethan goynnana wodey matattis; ha77ika gakkis. Hiza, Aaway koyey hayssa mela ogiyan goynneyssata. Xoossay Ayyaana; iyaw goynneyssati Ayyaananinne tumatethan goynnanaw bessees” yaagis.
Maccasiya zaarada, “Kiristtoosi yaanayssa taani erays. I yaa wode nuus ubbabaa odana” yaagasu.
Yesuusi, “Ha neera odettey taani iya” yaagis.
Entti odettishin, Yesuusa tamaareti bida bessaafe simmidosona. Yesuusi maccasara odettishin entti be7idi daro malaalettidosona. Shin maccaseekko, “Ay koyay?” giday woykko Yesuusakko, “Iira ays odettay?” giday oonikka baawa.
Hessafe guye, maccasiya ba haatha otuwa aggada guye katamaa bada asaakko, “Taani oothidabaa ubbaa taw odida addiya be7anaw yedhdhite. I Kiristtoosa gidanddeshshaa?” yaagasu. Asay katamaappe keyidi Yesuusakko bidosona.
Hessi hanishin, iya tamaareti Yesuusakko, “Guuthabaa markkii” yaagidi woossidosona.
Shin I, “Taw hintte eronna kathi ta meyssi de7ees” yaagis.
Hessa gisho, iya tamaareti bantta giddon, “Iyaw miyabaa asi ehonna aggenna?” yaagidosona.
Yesuusi enttako, “Ta kathay tana kiittidayssa sheniya oothanayssanne iya oosuwa polanayssa. Hintte, ‘Oyddu ageenappe guye kathay cakettana’ geekketiyye? Shin taani hinttew odays; kathay kaxidi shiishoos gakkidayssa loythi xeellite. Zereyssinne cakkeyssi issife ufayttana mela cakkeyssi damooziya ekkees qassi kathaa merinaa de7os shiishees. Hiza, ‘Issoy zerees; hankkoy qassi cakkees’ giya oday tuma. Hintte daaburiboonayssa shiishana mela taani hinttena kiittas. Harati oothi daaburidasuwan gelidi hintte entta daaburaa ayfiyaa ekkideta” yaagis.
Maccasiya, “I, taani oothida ubbabaa odis” gada markkattida gisho he kataman de7iya Samaare asaappe daroti Yesuusa ammanidosona. Samaare asay Yesuusakko yidi, bantta matan gam77ana mela Yesuusa woossin I yan nam77u gallas uttis.
I odiya qaala gisho kaseyssafe daro asay ammanidosona. Qassi entti maccaseekko, “Ha77i nu ammaney nu huu7en I geyssa si7ida gishossafe attin neeni markkattida gishossa gidenna. Qassi I tuma ha alamiya ashsheyssa gideyssa nuuni erida” yaagidosona.

Nam77u gallasappe guye, Yesuusi yaappe keyidi Galiila biitta bis. Yesuusi ba huu7en, “Nabey ba biittan bonchchettena” yaagidi kasetidi odis. Yesuusi Galiila gakkida wode Galiila asay iya mokkidosona. Ays giikko, Faasika Baale bonchchiya gallas entti Yerusalaamen de7iya gisho I oothidabaa ubbaa be7idosona.
Yesuusi haathaa woyne ushshi laammida bessaa, Galiilan de7iya Qaana katama bis. Qifirnahoomen kawo keethan oothiya issi shuumaas na7ay harggettis. Yesuusi Yihudappe Galiila yidayssa he shuumay si7idi iyaakko yis. Hayqqanaw matida ba na7aa bidi pathana mela Yesuusa woossis.
Yesuusi shuumakko, “Xoossay oothiya malaatatanne oorathabata be7onna de7ishe hintte ubbarakka ammanekketa” yaagis.
Shuumay zaaridi, “Godaw, ta na7ay hayqqonna de7ishin taara yedhdharkki” yaagis.
Yesuusi, “Ne soo ba; ne na7ay paxana” yaagis.
He shuumay Yesuusi gidayssa ammanidi ba soo bis. I ba soo bishin iya aylleti iyaakko yishe iyara ogen gayttidi, “Ne na7ay paxis” gidosona.
I ba aylleta ba na7aas ay saaten lo77idaakko oychchis. Entti zaaridi, “Zine laappun saaten mishay aggis” yaagidosona. Na7aa aaway Yesuusi baakko, “Ne na7ay paxana” giday he saatiyan gideyssa akeekis. Hessa gisho, inne iya soo asay ubbay ammanidosona.
Hessi Yesuusi Yihudappe Galiila yidi oothida nam77antho malaataa.

နားေထာင္ပါ။ Yohaannisa 4