 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ࢩَلْطٜ طِطِ ࢡَاوٛ مَاجُمْ، ࢡَنغَلْ وَطِ حَا کَنَ ندٜرْ لٜسْدِ غَلِيلِ؞ دَادَ عِيسَى طٛنّٛ تٛنْ، عِيسَى عٜ ݠُکَرَعٜنْ مُوطُمْ بٛو عٜوْنَامَ حَا ࢡَنغَلْ مَنْ؞ ندٜ عِنَبٛوجَمْ تِمِّ حَا مَࢡّٜ، دَادَ عِيسَى وِعِمٛ‏: «ࢡٜنغَلَا عِنَبٛوجَمْ؞» عِيسَى وِعِمٛ‏: «دٜبّٛ، کٛ يَالُ مَ بٜى عَمْ؟ وَکَّتِ عَمْ سِوَا وَرْغٛ تَوٛنْ؞» ندٜنْ دَادَ مَاکٛ وِعِ سُکَعٜنْ‏: «مبَطٜ کٛ عٛوِعَتَ عٛنْ ڢُو؞»
حَا تٛنْ، وٛودِ لٛوطٜ کَاعٜ جٛوٜىٰغٛ، يَحُودُعٜنْ طٛنْ کُووْتِنِرَ طٜ نغَمْ لَࢡِّنٜىٰکِ، ڢٛدّٜ عُمْرٛورٜ دِينَ مَࢡّٜ؞ لٛوطٜ مَنْ، وٛورٜ مَاجٜ ڢُو طٛنْ حٛوعَ ندِيَمْ بَاکِنْ لِيتِرْ تٜىٰمٜرّٜ؞ عِيسَى وِعِ سُکَعٜنْ‏: «کٜبِّنٜ لٛوطٜ طٜعٜ بٜى ندِيَمْ؞» ࢡٜکٜبِّنِ طٜ؞ ندٜنْ عٛوِعِ ࢡٜ‏: «جٛنْتَ، ࢩٜطٜ، نجَحْرَنٜ کَلِيڢَاجٛ ࢡَنغَلْ؞» ࢡٜࢩٜطِ، ࢡٜنجَحْرَنِمٛ؞ کَلِيڢَاجٛ ࢡَنغَلْ مٜتِّ طَمْ، تَوِ ندِيَمْ لَاتَکٜ عِنَبٛوجَمْ؞ عَمَّا عٛعَنْدَا حَا تٛيْ عِنَبٛوجَمْ طَمْ عِوِ، سٜيْ سُکَعٜنْ ࢩٜطْنٛوࢡٜ ندِيَمْ غٛ عَنْدِ؞ عٛعٜوْنِ ࢡَنغْطٛ، عٛوِعِمٛ‏: «کٛو مٛيْ طٛنْ عَارْتَ حٛکُّغٛ عٜوْنَاࢡٜ مُمْ عِنَبٛوجَمْ مبٛوطَّمْ؞ تٛ يِمْࢡٜ نغُيْکِ، عٛحٛکَّنْ ࢡٜ ڢَمْطَ-دَکَمْجَمْ؞ عَمَّا عَنْ عَسِغِ عِنَبٛوجَمْ مبٛوطَّمْ حَا جٛنْتَ‏!»
کَنْجُمْ وٛنِ کَايٜىٰڢِوٛلْ نغٛلْ عِيسَى عَارْتِ وَطُغٛ؞ عٛوَطِ نغٛلْ حَا کَنَ ندٜرْ لٜسْدِ غَلِيلِ؞ عٛوَنغِنِ تٜدُّنغَلْ مَاکٛ؞ ݠُکَرَعٜنْ مَاکٛ نُطِّنِمٛ؞
ࢡَاوٛ مَنْ، عٛيٜحِ کَڢَرْنَحُمْ بٜى دَادَ مَاکٛ عٜ دٜىٰرْطِرَاࢡٜ مَاکٛ عٜ ݠُکَرَعٜنْ مَاکٛ، ࢡٜنجٛوطِ تٛنْ ࢩَلْطٜ سٜطَّ؞


ندٜ جُولْدٜ ݠَسْکَ يَحُودُعٜنْ ࢡَدَکٜ، عِيسَى يٜحِ عُرُسَلِيمَ؞ عٛتَوِ سٛورّٛوࢡٜ نَعِ عٜ بَالِ عٜ ݠٛولِ ندٜرْ حَيْکَلِيرُ، عٛتَوِ بٛو سَنْجٛوࢡٜ شٜىٰدٜ طٛنْ نجٛوطِ تٛنْ؞ عٛحَوْتِ ࢡٛغِّ، عٛوَطِ ࢡٛشّٛلْ، عٛرِيوِ ࢡٜ بٜى بَالِ مَࢡّٜ عٜ نَعِ مَࢡّٜ ڢُو دِغَ حَيْکَلِيرُ ؞ عٛحِݠِّ تَابٜ سَنْجٛوࢡٜ شٜىٰدٜ حَا شٜىٰدٜ مَࢡّٜ شَنغْکِتِ؞ عٛوِعِ سٛورّٛوࢡٜ ݠٛولِ بٛو‏: «شٛتِّنٜ طِ، تَا لَاتِنٜ سُودُ بَابِرَاوٛ عَمْ سُودُ ڢِلُ‏!» ݠُکَرَعٜنْ مَاکٛ شِڢْتٛرِ کٛ وِنْدَ ندٜرْ دٜڢْتٜرٜ‏: «يِيدٜ ندٜ مَرْمِ نغَمْ سُودُ مَ، طٛنْ وُلَ ندٜرْ ࢡٜرْندٜ عَمْ بَنَ يِيتٜ؞»
عَمَّا يَحُودُعٜنْ ࢨَمِمٛ‏: «کَايٜىٰڢِوٛلْ نغٛلٜ عَوَطَتَ نغَمْ حٛلُّغٛ مِنْ عَوٛودِ بَاوْطٜ وَطُغٛ بَنَ نِي؟» عِيسَى جَابِ ࢡٜ‏: «نغِبِّنٜ حَيْکَلِيرُ ندُعُ، مِنْ مِمَحِتَنْ ندُ ندٜرْ ࢩَلْطٜ تَتِ؞» ندٜنْ يَحُودُعٜنْ مبِعِمٛ‏: «ࢡٜمَحِ حَيْکَلِيرُ ندُ ندٜرْ دُوࢡِ شَݠَّنْطٜ نَيِ عٜ جٛوٜىٰغٛ؞ عَنْ عَمَحِتَنْ ندُ ندٜرْ ࢩَلْطٜ تَتِ؟»
عَمَّا کَنغْکٛ عٛوٛلْوَنِ ࢡٜ دٛوْ ࢡَنْدُ مَاکٛ لَاتِيندُ حَيْکَلِيرُ؞ ندٜ عِيسَى عُمِّتِ دِغَ مَايْدٜ، ݠُکَرَعٜنْ مَاکٛ شِڢْتٛرِ کٛ عٛوٛلْوِنٛ، ࢡٜنُطِّنِ کٛ وِنْدَ ندٜرْ دٜڢْتٜرٜ عٜ بٛلّٜ طٜ عِيسَى وِعْنٛ ڢُو؞

يَاکٜ عِيسَى طٛنّٛ حَا عُرُسَلِيمَ ندٜرْ ࢩَلْطٜ جُولْدٜ ݠَسْکَ ، طُوطْࢡٜ نُطِّنِمٛ نغَمْ ࢡٜنغِعِ کَايٜىٰڢِيجِ طِ عٛوَطِ؞ عَمَّا عِيسَى حٛولَاکِ ࢡٜ نغَمْ عٛعَنْدِ يِمْࢡٜ ڢُو؞ عٛوَلَا حَاجٜ غٛطّٛ عَنْدِنَ مٛ حَالَ يِمْࢡٜ، نغَمْ عٛعَنْدِ کٛ وٛنِ ندٜرْ ࢡٜرْطٜ مَࢡّٜ؞

နားေထာင္ပါ။ يُحَنَّ 2