Maskelynes - 2013 Edition (Non-Drama NT)

<div class="version vid1247 iso6393klv" data-vid="1247" data-iso6393="klv">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Na-viol-h&#477;ni-an mai alat lotom&#771;idol</div><div class="p"> 1AYesu isor am ke, &#8220;M&#477;tel&#477;l&#477;gau! Samtigol nagolean tonor samito len n&#477;hon n&#477;vanuan gail h&#477;n l&#477;b&#771;isal suh gamito. M&#477;tb&#771;imagenan, nakonp&#771;urp&#771;uran aT&#477;mamit len n&#477;mav tokade m&#771;os gamito, eb&#771;uer.</div><div class="p"> 2&#8220;Imaienan, n&#477;bo&#331; m&#477;tb&#771;eviol mai alat lotom&#771;idol, samtiwal h&#477;ni hum n&#477;vanuan g&#477;g&#477;ras gail. Galit lugole len naim nab&#771;onb&#771;onan mai len nametp&#771;isal gail h&#477;n n&#477;vanuan gail l&#477;b&#771;isal suh galito. Nokitin ke asike lukad nakonp&#771;urp&#771;uran ideh am h&#477;n n&#477;sa lotogole, be n&#477;-sal-suhi-an enan &#331;ai. 3Avil n&#477;bo&#331; m&#477;tb&#771;eviol mai alat lotom&#771;idol, gole h&#477;n avan ideh asike b&#771;el&#477;boii. 4B&#771;imaienan, n&#477;sa m&#477;tb&#771;igole tesusuah. Ale aT&#477;mamit len n&#477;mav, toris n&#477;sa tosusuah, dereh gai tilav nakonp&#771;urp&#771;uran mai gamito.</div><div class="s">Nap&#771;usanan husur na-sor-tuv&#771;-an</div><div class="r">(Luk 11.2-4)</div><div class="p"> 5&#8220;N&#477;bo&#331; m&#477;tb&#771;isor tuv&#771;, samtesum&#771;an n&#477;vanuan g&#477;g&#477;ras gail! Lol&#477;mas l&#477;b&#771;eil sor tuv&#771; len naim nab&#771;onb&#771;onan gail mai tarh&#477;p&#771;isal topasil gail h&#477;n n&#477;vanuan gail l&#477;b&#771;isal suh galito. Nokitin ke asike lukad nakonp&#771;urp&#771;uran ideh am h&#477;n n&#477;sa lotogole, be n&#477;-sal-suhi-an enan &#331;ai.#Luk 18.10-14 6Avil n&#477;bo&#331; m&#477;tb&#771;isor tuv&#771;, b&#771;is len naut tosusuah lohoim samito, ale n&#477;bo&#331; m&#477;tb&#771;ek&#477;kol h&#477;n nabopita b&#771;ino&#331;, sor tuv&#771; vi t&#477;ban aT&#477;mamit tosusuah. Ale aT&#477;mamit toris n&#477;sa gotogole tosusuah, dereh gai tilav nakonp&#771;urp&#771;uran mai gamito.</div><div class="p"> 7&#8220;N&#477;bo&#331; m&#477;tb&#771;isor tuv&#771;, samtiwal tavtav hum nametb&#771;os gail lotonau ke nagot salit gail los&#477;s&#477;lo&#331; h&#477;n nasorsoran tob&#477;lav &#331;ai. 8Imagenan, samtesum&#771;an galito, husur aT&#477;mamit el&#477;boi n&#477;sa m&#477;ttom&#771;idol h&#477;ni, naut k&#477;mas m&#477;tsausi h&#477;ni sal. 9Imagenan, mitisor tuv&#771; maiegai:</div><div class="q">&#8220;&#8216;AT&#477;manamito len n&#477;mav,</div><div class="q2">nah&#477;sam&#771; tiyalyal tabtab.</div><div class="q"> 10Geg&#477;mai h&#477;n n&#477;vanuan p&#771;isi l&#477;b&#771;itoh pipihab&#477;lam&#771;,</div><div class="q">N&#477;sa gotol&#477;&#331;oni m&#771;au tevisi,</div><div class="q2">len navile a pan hum &#331;ai tovisi len n&#477;mav.</div><div class="q"> 11Viol h&#477;n n&#477;hanian husur n&#477;bo&#331; v&#771;isusua mai ginamito,</div><div class="q"> 12Rub&#771;at n&#477;saan sinamit gail,</div><div class="q2">sum&#771;an &#331;ai namttorub&#771;at n&#477;saan silat lotogole h&#477;n ginamito.</div><div class="q"> 13Sagidam&#771; h&#477;n natideh h&#477;n b&#771;italtal ke namtigol n&#477;saan,</div><div class="q2">be lav kuv ginamito dan nav&#477;lan atenan tosa v&#477;sa masuv&#771;, tovi t&#477;mat.&#8217;</div><div class="p"> 14&#8220;Husur m&#477;tb&#771;erub&#771;at n&#477;saan gail silat lotogol tosa h&#477;n gamito, aT&#477;mamit len n&#477;mav dereh terub&#771;at n&#477;saan samit gail. 15Wake asike m&#477;tb&#771;erub&#771;at n&#477;saan gail silat lotogol tosa h&#477;n gamito, aT&#477;mamit asike erub&#771;at n&#477;saan samito gail.&#8221;</div><div class="s">N&#477;bo&#331; m&#477;ts&#477;han m&#771;os m&#477;tb&#771;inau aGot</div><div class="p"> 16AYesu isor am, ike, &#8220;N&#477;bo&#331; m&#477;ts&#477;han m&#771;os m&#477;tb&#771;inau aGot, samtesum&#771;an alat lotokel natesua be gol natsua tile am, lotosar batut, gol n&#477;holit tom&#477;ra&#331;ra&#331;. Lom&#477;das n&#477;holito, h&#477;n n&#477;vanuan gail l&#477;b&#771;eris l&#477;boii ke l&#477;s&#477;han. Nokitin ke asike lukad nakonp&#771;urp&#771;uran ideh am h&#477;n n&#477;sa lotogole, be na-ris-l&#477;boii-an sin&#477;vanuan &#331;ai. 17Be gamito, n&#477;bo&#331; m&#477;ts&#477;han, m&#477;tev&#477;has n&#477;kadumit gail ale k&#477;kas n&#477;homit gail 18h&#477;n n&#477;vanuan gail asike l&#477;b&#771;eris l&#477;boii ke m&#477;ts&#477;han, avil aT&#477;mamit tosusuah &#331;ai dereh tel&#477;boii. Ale aT&#477;mamit len n&#477;mav, toris n&#477;sa tosusuah, dereh gai tilav nakonp&#771;urp&#771;uran mai gamito.&#8221;</div><div class="s">Naviolan aGot tot&#477;gau m&#771;os gamito len n&#477;mav</div><div class="r">(Luk 12.33-34)</div><div class="p"> 19Beti aYesu ike, &#8220;Samtisah tuan nakontit gail m&#771;os gamit gabag len navile a pan. Husur len navile a pan egai namet&#477;lai ita&#331;, nahurabat, n&#477;barm&#771;om#6.19 Len naut susus gail, n&#477;barm&#771;om tok&#477;kereh gail luhanhan nahurabat gail van lom&#477;das gail. lom&#477;dasi, ale n&#477;vanuan v&#477;nv&#477;nah lov&#477;noh gail. 20Aoa, mitigol n&#477;sa aGot tol&#477;&#331;oni ale dereh tet&#477;gau nakontit gail m&#771;os gamito len n&#477;mav, len naut enan naviolan asike ita&#331;, asike n&#477;barm&#771;om em&#477;dasi, asike n&#477;vanuan v&#477;nv&#477;nah eb&#771;ur naim, vi lohoim h&#477;n b&#771;ev&#477;nohi. 21Husur, naut nakontit sam&#771; gail lotopat lan, dereh n&#477;lom&#771; tu tipat tabtab lan.</div><div class="s">Nam&#771;ial h&#477;n nibemito</div><div class="r">(Luk 11.34-36)</div><div class="p"> 22&#8220;Nam&#477;tam&#771; ehum nam&#771;ial tolav nam&#771;ial mai nibem&#771;. Imaienan, nam&#477;tam&#771; b&#771;imaur, dereh nibem&#771; kavkav tepul h&#477;n nam&#771;ial. 23Avil nam&#477;tam&#771; b&#771;isa, dereh nibem&#771; kavkav tepul h&#477;n n&#477;margobut. Imaienan, nam&#771;ial g&#477;b&#771;inau ke gotokade b&#771;evi margobut, dereh n&#477;margobut enan tevisivis masuv&#771;!</div><div class="s">AGot mai nasugsugur</div><div class="r">(Luk 16.13, 12.22-31)</div><div class="p"> 24&#8220;Naslev ideh ed&#477;das b&#771;evi slev simasta toru len n&#477;bo&#331; tosua, husur dereh tem&#477;tahun bun tesua ale tel&#477;mas bun togon, o dereh tida&#331; len tesua ale tinau ke togon tovi naut k&#477;mas. G&#477;sal&#477;boi g&#477;b&#771;evi slev siGot mai slev sin&#477;vat len n&#477;bo&#331; top&#771;itov&#771; &#331;ai.</div><div class="p"> 25&#8220;Husur tomaienan, nukel mai gamit ke, samtinau tuhatuh h&#477;n n&#477;mauran samito. Samtinau masuv&#771; h&#477;n n&#477;sa m&#477;tb&#771;ihani, n&#477;sa m&#477;tb&#771;emuni, samtinau masuv&#771; h&#477;n nibemito mai n&#477;sa m&#477;tb&#771;esuni. N&#477;mauran es&#477;hor n&#477;hanian, ale nibemito es&#477;hor nahurabat m&#477;ttosuni. 26Mitinau n&#477;man nam&#477;sav gail. L&#477;s&#477;mabul natideh, l&#477;s&#477;lav kukuv n&#477;hanian, l&#477;satuani lohoim gail, be aT&#477;mamit len n&#477;mav ev&#477;&#331;an galito. Avil len n&#477;nauan siGot gamit m&#477;tos&#477;hor masuv&#771; h&#477;n n&#477;man galenan. 27M&#477;tol&#477;boi m&#477;tb&#771;igol n&#477;mauran samit teb&#477;lav am len n&#477;-nau-masuv&#771;-h&#477;ni-an samito a? Aoa, s&#477;magenan!</div><div class="p"> 28&#8220;Ale husur n&#477;sa m&#477;ttonau masuv&#771; h&#477;n nahurabat samito? Mitinau napusihai mai nav&#771;ide h&#477;n natovan han len naliol marireu. Saum, sasod nahurabat. 29Be nukel mai gamit ke, nap&#477;hasan h&#477;n napusihai enan es&#477;hor nap&#477;hasan siSolomon tosun nahurabat bilbil tokab.#1Ki 10.4-7 30AGot b&#771;igol naliol b&#771;ep&#477;has maienan, naut k&#477;mas totov dam&#477;&#331;ai ale pelan han tomasmas, topa&#331; len naoven, a m&#477;hat h&#477;n natenan dereh tilav nahurabat mai gamito, gamit m&#477;ttokad nad&#477;lomian tok&#477;kereh &#331;ai! 31Imagenan, samtinau tuhatuh h&#477;n m&#477;tb&#771;ike, &#8216;Datihan n&#477;sa? Datukad n&#477;hanian a?&#8217; o &#8216;Datemun n&#477;sa? Datukad n&#477;wai a?&#8217; o &#8216;Datesun n&#477;sa? Datukad nahurabat ideh a?&#8217; 32Husur nametb&#771;os gail l&#477;sal&#477;boi aGot lugol tomaienan. Ale aT&#477;mamit len n&#477;mav el&#477;boi tia natit p&#771;isi m&#477;ttom&#771;idol h&#477;ni. 33Be a m&#477;hat h&#477;n natit p&#771;isi am, m&#477;tel&#477;&#331;on n&#477;sa aGot tol&#477;&#331;oni len natohan pipihab&#477;lan, mitido&#331; kitev nanoran len n&#477;hon. Ale dereh tilav mai gamito natit p&#771;isi m&#477;ttom&#771;idol h&#477;ni. 34Imagenan, samtinau tuhatuh h&#477;n n&#477;sa b&#771;evisi len n&#477;bo&#331; pelan, ri&#331;i vir n&#477;bo&#331; pelan. Husur n&#477;maribo&#331; p&#771;isi ikad na-l&#477;&#331;on-isa-an han, ale n&#477;maribo&#331; p&#771;isi ikad naut toda&#331; han sagesuhud h&#477;n natgalen ideh h&#477;n n&#477;bo&#331; pelan h&#477;n b&#771;eg&#477;m b&#771;ipat len n&#477;bo&#331; dam&#477;&#331;ai.</div>
 </div>
 </div>
</div>

AYesu isor am ke, “Mǝtelǝlǝgau! Samtigol nagolean tonor samito len nǝhon nǝvanuan gail hǝn lǝb̃isal suh gamito. Mǝtb̃imagenan, nakonp̃urp̃uran aTǝmamit len nǝmav tokade m̃os gamito, eb̃uer.
“Imaienan, nǝboŋ mǝtb̃eviol mai alat lotom̃idol, samtiwal hǝni hum nǝvanuan gǝgǝras gail. Galit lugole len naim nab̃onb̃onan mai len nametp̃isal gail hǝn nǝvanuan gail lǝb̃isal suh galito. Nokitin ke asike lukad nakonp̃urp̃uran ideh am hǝn nǝsa lotogole, be nǝ-sal-suhi-an enan ŋai. Avil nǝboŋ mǝtb̃eviol mai alat lotom̃idol, gole hǝn avan ideh asike b̃elǝboii. B̃imaienan, nǝsa mǝtb̃igole tesusuah. Ale aTǝmamit len nǝmav, toris nǝsa tosusuah, dereh gai tilav nakonp̃urp̃uran mai gamito.


“Nǝboŋ mǝtb̃isor tuṽ, samtesum̃an nǝvanuan gǝgǝras gail! Lolǝmas lǝb̃eil sor tuṽ len naim nab̃onb̃onan gail mai tarhǝp̃isal topasil gail hǝn nǝvanuan gail lǝb̃isal suh galito. Nokitin ke asike lukad nakonp̃urp̃uran ideh am hǝn nǝsa lotogole, be nǝ-sal-suhi-an enan ŋai. Avil nǝboŋ mǝtb̃isor tuṽ, b̃is len naut tosusuah lohoim samito, ale nǝboŋ mǝtb̃ekǝkol hǝn nabopita b̃inoŋ, sor tuṽ vi tǝban aTǝmamit tosusuah. Ale aTǝmamit toris nǝsa gotogole tosusuah, dereh gai tilav nakonp̃urp̃uran mai gamito.
“Nǝboŋ mǝtb̃isor tuṽ, samtiwal tavtav hum nametb̃os gail lotonau ke nagot salit gail losǝsǝloŋ hǝn nasorsoran tobǝlav ŋai. Imagenan, samtesum̃an galito, husur aTǝmamit elǝboi nǝsa mǝttom̃idol hǝni, naut kǝmas mǝtsausi hǝni sal. Imagenan, mitisor tuṽ maiegai:
“‘ATǝmanamito len nǝmav,
nahǝsam̃ tiyalyal tabtab.
Gegǝmai hǝn nǝvanuan p̃isi lǝb̃itoh pipihabǝlam̃,
Nǝsa gotolǝŋoni m̃au tevisi,
len navile a pan hum ŋai tovisi len nǝmav.
Viol hǝn nǝhanian husur nǝboŋ ṽisusua mai ginamito,
Rub̃at nǝsaan sinamit gail,
sum̃an ŋai namttorub̃at nǝsaan silat lotogole hǝn ginamito.
Sagidam̃ hǝn natideh hǝn b̃italtal ke namtigol nǝsaan,
be lav kuv ginamito dan navǝlan atenan tosa vǝsa masuṽ, tovi tǝmat.’
“Husur mǝtb̃erub̃at nǝsaan gail silat lotogol tosa hǝn gamito, aTǝmamit len nǝmav dereh terub̃at nǝsaan samit gail. Wake asike mǝtb̃erub̃at nǝsaan gail silat lotogol tosa hǝn gamito, aTǝmamit asike erub̃at nǝsaan samito gail.”

AYesu isor am, ike, “Nǝboŋ mǝtsǝhan m̃os mǝtb̃inau aGot, samtesum̃an alat lotokel natesua be gol natsua tile am, lotosar batut, gol nǝholit tomǝraŋraŋ. Lomǝdas nǝholito, hǝn nǝvanuan gail lǝb̃eris lǝboii ke lǝsǝhan. Nokitin ke asike lukad nakonp̃urp̃uran ideh am hǝn nǝsa lotogole, be na-ris-lǝboii-an sinǝvanuan ŋai. Be gamito, nǝboŋ mǝtsǝhan, mǝtevǝhas nǝkadumit gail ale kǝkas nǝhomit gail hǝn nǝvanuan gail asike lǝb̃eris lǝboii ke mǝtsǝhan, avil aTǝmamit tosusuah ŋai dereh telǝboii. Ale aTǝmamit len nǝmav, toris nǝsa tosusuah, dereh gai tilav nakonp̃urp̃uran mai gamito.”


Beti aYesu ike, “Samtisah tuan nakontit gail m̃os gamit gabag len navile a pan. Husur len navile a pan egai nametǝlai itaŋ, nahurabat, nǝbarm̃om lomǝdasi, ale nǝvanuan vǝnvǝnah lovǝnoh gail. Aoa, mitigol nǝsa aGot tolǝŋoni ale dereh tetǝgau nakontit gail m̃os gamito len nǝmav, len naut enan naviolan asike itaŋ, asike nǝbarm̃om emǝdasi, asike nǝvanuan vǝnvǝnah eb̃ur naim, vi lohoim hǝn b̃evǝnohi. Husur, naut nakontit sam̃ gail lotopat lan, dereh nǝlom̃ tu tipat tabtab lan.


“Namǝtam̃ ehum nam̃ial tolav nam̃ial mai nibem̃. Imaienan, namǝtam̃ b̃imaur, dereh nibem̃ kavkav tepul hǝn nam̃ial. Avil namǝtam̃ b̃isa, dereh nibem̃ kavkav tepul hǝn nǝmargobut. Imaienan, nam̃ial gǝb̃inau ke gotokade b̃evi margobut, dereh nǝmargobut enan tevisivis masuṽ!


“Naslev ideh edǝdas b̃evi slev simasta toru len nǝboŋ tosua, husur dereh temǝtahun bun tesua ale telǝmas bun togon, o dereh tidaŋ len tesua ale tinau ke togon tovi naut kǝmas. Gǝsalǝboi gǝb̃evi slev siGot mai slev sinǝvat len nǝboŋ top̃itoṽ ŋai.
“Husur tomaienan, nukel mai gamit ke, samtinau tuhatuh hǝn nǝmauran samito. Samtinau masuṽ hǝn nǝsa mǝtb̃ihani, nǝsa mǝtb̃emuni, samtinau masuṽ hǝn nibemito mai nǝsa mǝtb̃esuni. Nǝmauran esǝhor nǝhanian, ale nibemito esǝhor nahurabat mǝttosuni. Mitinau nǝman namǝsav gail. Lǝsǝmabul natideh, lǝsǝlav kukuv nǝhanian, lǝsatuani lohoim gail, be aTǝmamit len nǝmav evǝŋan galito. Avil len nǝnauan siGot gamit mǝtosǝhor masuṽ hǝn nǝman galenan. Mǝtolǝboi mǝtb̃igol nǝmauran samit tebǝlav am len nǝ-nau-masuṽ-hǝni-an samito a? Aoa, sǝmagenan!
“Ale husur nǝsa mǝttonau masuṽ hǝn nahurabat samito? Mitinau napusihai mai naṽide hǝn natovan han len naliol marireu. Saum, sasod nahurabat. Be nukel mai gamit ke, napǝhasan hǝn napusihai enan esǝhor napǝhasan siSolomon tosun nahurabat bilbil tokab. AGot b̃igol naliol b̃epǝhas maienan, naut kǝmas totov damǝŋai ale pelan han tomasmas, topaŋ len naoven, a mǝhat hǝn natenan dereh tilav nahurabat mai gamito, gamit mǝttokad nadǝlomian tokǝkereh ŋai! Imagenan, samtinau tuhatuh hǝn mǝtb̃ike, ‘Datihan nǝsa? Datukad nǝhanian a?’ o ‘Datemun nǝsa? Datukad nǝwai a?’ o ‘Datesun nǝsa? Datukad nahurabat ideh a?’ Husur nametb̃os gail lǝsalǝboi aGot lugol tomaienan. Ale aTǝmamit len nǝmav elǝboi tia natit p̃isi mǝttom̃idol hǝni. Be a mǝhat hǝn natit p̃isi am, mǝtelǝŋon nǝsa aGot tolǝŋoni len natohan pipihabǝlan, mitidoŋ kitev nanoran len nǝhon. Ale dereh tilav mai gamito natit p̃isi mǝttom̃idol hǝni. Imagenan, samtinau tuhatuh hǝn nǝsa b̃evisi len nǝboŋ pelan, riŋi vir nǝboŋ pelan. Husur nǝmariboŋ p̃isi ikad na-lǝŋon-isa-an han, ale nǝmariboŋ p̃isi ikad naut todaŋ han sagesuhud hǝn natgalen ideh hǝn nǝboŋ pelan hǝn b̃egǝm b̃ipat len nǝboŋ damǝŋai.

နားေထာင္ပါ။ Mattiu 6