Medhetethi 9
9
Xoossay Nohera Caaqida Caaquwa
1Xoossay Nohenne iya adde nayta haysada yaagidi anjis; “Yeletite, darite, sa7a ubbaa kumite. 2Sa7aa do7ati, salo kafoti, biittan woxi qaaxiyabaynne abban de7iya moloti ubbay hintew yashshaninne dagaman de7o. Enti hintew haareto. 3Taani doliya dumma dumma cil7obata hintew immidaysada, de7oy de7iya woxi qaaxiya medhetetha ubbay hintew kathi gidana mela immas. 4Shin shempoy giddon de7iya gisho suuthi iya giddon de7iya asho moopite. 5Oonika shempo wodhiday pirdetana. Qassi asa suuthi gussiya do7aka hayqon pirdana. 6Xoossay ase bana daanisidi medhida gisho, asa suuthi gussiya oona gidikoka iya suuthayka asa kushen gukana. 7Hinte yeletite, darite, hinte sheeshayka sa7a bolla daro” yaagis.
8Hessafe guye, Xoossay Nohenne iyara de7iya iya adde nayta haysada yaagis; 9“Hiza, taani ta caaquwa hintera, hinte sheesharanne de7oy de7iya medhetetha ubbaara caaqayis. 10Taani ta caaquwa kafotara, mehiyara, sa7a do7a ubbaaranne, markabiyape hintera keyida, de7oy de7iya medhetetha ubbara caaqayis. 11Taani hintera caaqidaysa mela hizape de7oy de7iya medhetethati dhayo haathan dhayokona; ha sa7aaka zaari dhayo haathi dhaysena” yaagis.
12Qassika Xoossay, “Taani taapenne hintefe, de7oy de7iya medhetetha ubbaafe giddon caaqiya caaquwa mallay haysa; 13Taani ta zuulla shaaran essas. I taapenne sa7a bolla de7iya medhetetha giddon de7iya caaquwas malla gidana. 14Ta saluwa shaara mayzida wodenne shaaran zuulli eqida wode, 15taapenne hintefe giddon, de7oy de7iya dumma dumma medhetetha ubbaafe giddon caaqida ta caaquwa akeekana. De7oy de7iya medhetetha ubbaa dhaysanaw hizape guye dhayo haathi yeenna. 16Zuulli shaaran eqida wode ta iya be7ada taapenne sa7a bolla de7iya dumma dumma medhetetha ubbaafe giddon caaqida merina caaquwa akeekana” yaagis.
17Xoossay Nohe, “Taani taapenne sa7a bolla de7oy de7iyaba ubbaafe giddon caaqida caaquwa mallay haysa” yaagis.
Nohenne Iya Nayta
18Markabiyape keyida Nohe adde nayti Seema, Kaamanne Yaafeta; Kaami Kanaane aawa. 19Ha heedzati Nohe nayta; sa7a ubban de7iya asay entafe yeletidosona.
20Nohey goshshancho; I woyne tokethan koyro asi. 21Issi gallas Nohey he woyniyape uyidi mathotidi ba dunkaaniya giddon xire kallo zin7is. 22Kanaane aawa Kaami ba aawa kalluwa be7idi, kare keyidi, ba nam7u ishatas odis. 23Shin Seeminne Yaafeti afila ekidi, nam7ayka banta hashiyara hashiyara gathi oykidi, guye guthu hemeti gelidi, banta aawa kalluwa kammidosona. Enti banta aawa kalluwa be7oona mela banta ayfiya haraso zaaridosona.
24Nohey mathoy aadhin, barkidi, iya kaalo na7ay oothidaba eris. 25Nohey iyako,
“Kanaaney baadetidaba gido!
I ba ishatas wursetha aylle gido”
yaagis.
26Qassika Nohey,
“Goday, Seema Xoossay galatetto!
Kanaaney Seema aylle gido;
27Xoossay Yaafeta biitta aasso.
Yaafeta sheeshay Seema sheeshara wolla de7onna;
Kanaaney Yaafeta aylle gido” yaagis.
28Dhayo haathaafe guye, Nohey heedzu xeetanne ishatamu laythi de7is. 29Nohey uddufun xeetanne ishatamu laythi de7idi hayqis.
Terpilih Sekarang Ini:
Medhetethi 9: GFBLVF
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
The Word for the World International and The Word for the World Ethiopia