Luke 3
3
John Baptist ekaukaꞌu
(Mat 3.1-12; Mrk 1.1-8; Jhn 1.19-28)
1Vahola, Tiberius ukuꞌu i Rome nokae sehui ma lima nahekau. Ia Pontius Pilate elolosi Judea, Herod elolosi Galilee. Philip kaina kela Herod elolosi Iturea laua ma Trachonitis; ia Lysanias elolosi Abilene. 2Kena Annas laua ma Caiaphas o napohoulu hamakua namaakua.
Saika la, Keakua ekakala aꞌe John, kaupeala kela Zechariah, keualoko kama la enoho iloko keꞌina kukuaha. 3Kena John uhaele valoko naꞌina hakoa kapili ke{liva} Jordan, nokaukaꞌu nakama la ma, “Kiꞌe ikaha ma nahaisala okou, kena anau mehaauꞌau kapu okou. Kena Keakua mesolo nahaisala okou la ikaha.” 4Ehau poi Isaiah, kekama hakae nakakala Keakua la nikakaa mai iloko kelauniu aia,
“Kela hekama ekaukaꞌu i keꞌina kukuaha ma,
Kanakana keala Kealiꞌi ihamai valuna.
Ia velevele keala aia la ikonu.
5Kanu naꞌina nokonoko la ikamole.
Ia sali namouna ma nakuku la ihanakahi.
Hakonu naala epiꞌo la isoꞌe,
kena hamolemole naꞌala pakukuꞌa la ipapapa laoi.
6Ia kena Keakua mekonaꞌi naonohenua hakoa iola.”
7Kena komaꞌi nakama eo aꞌe John, pela kama la amehaauꞌau kapu lakou. Ia John eme aꞌe nakama eahu la, “Okou niꞌaka. Keualoko Keakua meloko i okou, kena okou meselavaa kehulo ikaha ma kama la. 8Penapena namea kaualeꞌa, ihuli aꞌe pela okou ukiꞌe ikaha ma nahaisala okou. Ia okou iseahu pela okou emamaoha iho i keꞌaha Abraham. Anau eme aku okou pela Keakua elavaa kehuli nahaku nei ime mo kamaliꞌi Abraham. 9Keakua ekanakana kehakonukonu okou, ehau poi hekama kela ekuu keunaloko kelaꞌau la. Nalaꞌau kela sehua nahua kaualeꞌa mekuu imoe ilalo, kena ulaku iloko keahi.”
10Ko keonohenua la ime aꞌe John, “Makou memea pehe?”
11Kena ko kama la ime aꞌe, “Poi aꞌoe eisi saauꞌahu, vae olua ma kekama kela sehiauꞌahu la. Ia poi aꞌoe eisi naꞌai, vae ma nakama seisi naꞌai.”
12Nakama aoao na{kakisi} ehihai John ihaauꞌau kapu lakou hoi. Kena ime aꞌe, “Rabai, makou memea pehe?”
13Kena John eme aꞌe nakama la, “Okou seko namoni keonohenua la ilaꞌa iluna hea nakama hamakua la eme aku okou iko.”
14Kena napulepule la eme aꞌe John, “Ia makou? Makou memea pehe?”
Ko kama la ime aꞌe nakama la, “Okou isekahao puamu keonohenua la pela ihailavaꞌa namoni lakou la. Kaukali hea kesui okou.”
15Keonohenua la uhakina pela keMesaea meihamai, kena ihakaꞌoko pela John o kama la. 16Ia John eme aꞌe, “Anau haauꞌau kapu okou i kevai, ia kela hekama meihamai imuli anau la, ehananiu iluna anau. Anau sekau kehana nakapuae aia hahao la. Kama la mehaauꞌau kapu okou i Keanana Kapu ia ma keahi. 17Kama la uko kaikahi aia la nohakaa keꞌina aia ehapaa nahua. Kama la meihaꞌuku nahua la nololosi namela iloko hale kehale aia la, ia meilaku napenu la iloko keahi eula kahi.” 18John ekaukaꞌu penei ipolopolo aꞌe keonohenua la kelono kaualeꞌa Keakua.
19Ia kena John ehai aꞌe Herod. Maikinimea Herod uailalao Herodias, keꞌavana kaina aia la. Kena John ehai aꞌe Herod kela alahaisala kama la hoi. 20Ia kena Herod emamaeꞌaa John, kena ipono kama la iloko kelokapu.
John ehaauꞌau kapu Jesus
(Mat 3.13-17; Mrk 1.9-11)
21Keualoko John nihaauꞌau kapu nakama keonohenua la hakoa, kama la ehaauꞌau kapu Jesus hoi. Saika la, Jesus eloku aꞌe Keakua, kena kevaelani la ukalaꞌi. 22Kena Keanana Kapu uhaele iho iluna Jesus poi helupe. Kena Keakua ekakala iho ikaha ma kevaelani ma, “Aꞌoe o kaukama. Anau ehaikama laoi aꞌoe. Ia anau ehihai nakipukipu aꞌoe la hakoa.”
Kakala kemanava Jesus
(Mat 1.1-17)
23Keualoko Jesus ukae kapili kipukolu nahekau kemakua aia, kama la uꞌamaka nokaukaꞌu aꞌe keonohenua la. Nakama la ehakaꞌoko pela Jesus hekaupeala kela Joseph,
Ia Joseph kamakane kela Heli.
24Heli kamakane kela Matthat.
Matthat kamakane kela Levi.
Levi kamakane kela Melchi.
Melchi kamakane kela Jannai.
Jannai kamakane kela Joseph.
25Joseph kamakane kela Mattathias.
Mattathias kamakane kela Amos.
Amos kamakane kela Nahum.
Nahum kamakane kela Esli.
Esli kamakane kela Naggai.
26Naggai kamakane kela Maath.
Maath kamakane kela Mattathias.
Mattathias kamakane kela Semein.
Semein kamakane kela Josech.
Josech kamakane kela Joda.
27Joda kamakane kela Joanan.
Joanan kamakane kela Rhesa.
Rhesa kamakane kela Zerubbabel.
Zerubbabel kamakane kela Shealtiel.
Shealtiel kamakane kela Neri.
28Neri kamakane kela Melchi.
Melchi kamakane kela Addi.
Addi kamakane kela Cosam.
Cosam kamakane kela Elmadam.
Elmadam kamakane kela Er.
29Er kamakane kela Joshua.
Joshua kamakane kela Eliezer.
Eliezer kamakane kela Jorim.
Jorim kamakane kela Matthat.
Matthat kamakane kela Levi.
30Levi kamakane kela Simeon.
Simeon kamakane kela Judah.
Judah kamakane kela Joseph.
Joseph kamakane kela Jonam.
Jonam kamakane kela Eliakim.
31Eliakim kamakane kela Melea.
Melea kamakane kela Menna.
Menna kamakane kela Mattatha.
Mattatha kamakane kela Nathan.
Nathan kamakane kela David.
32David kamakane kela Jesse.
Jesse kamakane kela Obed.
Obed kamakane kela Boaz.
Boaz kamakane kela Salmon.
Salmon kamakane kela Nahshon.
33Nahshon kamakane kela Amminadab.
Amminadab kamakane kela Aram.
Aram kamakane kela Hezron.
Hezron kamakane kela Perez.
Perez kamakane kela Judah
34Judah kamakane kela Jacob.
Jacob kamakane kela Isaac.
Isaac kamakane kela Abraham.
Abraham kamakane kela Terah.
Terah kamakane kela Nahor
35Nahor kamakane kela Seruz.
Seruz kamakane kela Reu.
Reu kamakane kela Peleg.
Peleg kamakane kela Eber.
Eber kamakane kela Shelah.
36Shelah kamakane kela Cainan.
Cainan kamakane kela Arphaxad.
Arphaxad kamakane kela Shem.
Shem kamakane kela Noah.
Noah kamakane kela Lamech.
37Lamech kamakane kela Methuselah.
Methuselah kamakane kela Enoch.
Enoch kamakane kela Jared.
Jared kamakane kela Mahalaleel.
Mahalaleel kamakane kela Kenan.
38Kenan kamakane kela Enosh.
Enosh kamakane kela Seth.
Seth kamakane kela Adam.
Adam kekama kela Keakua.
Terpilih Sekarang Ini:
Luke 3: ojv
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 1999, Wycliffe Bible Translators, Inc. All rights reserved.
