Matyo 1
1
Bɨtarɨ bə Kɔ́ʼɔ́nguʼ bə Yeso Kristo
(Alu 3:23-38)
1Nə nɨ ɨwaŋə bɨtarɨ bə kɔ́ʼɔ́nguʼ bə Yeso Kristo ŋwɔn ɨlə̌ Devidɨ mbáʼ a bénɨ́ ŋwɔn ɨlə̌ Abraʼm ə.
2Abraʼm a bé ta bɨ Isak, Isak a bé ta bɨ Yakɔb, Yakɔb a bé ta bɨ Yudaʼ bo bɨ ɨbɔmbɨma ɨbyi, 3Yudaʼ a bé ta bɨ Bɛrɛ abɔʼnɨ Zɛra a jwínɨ́ Tama, Bɛrɛ a bé ta bɨ Ɛzrɔn, Ɛzrɔn a bé ta bɨ Ram, 4Ram a bé ta bɨ Aminadabɨ, Aminadabɨ a bé ta bɨ Nashɔn, Nashɔn a bé ta bɨ Salmɔn 5Salmɔn a bé ta bɨ Boazɨ a jwínɨ́ Raʼbɨ, Boazɨ a bé ta bɨ Obɛdɨ a jwínɨ́ Wurɨtɨ, Obɛdɨ a bé ta bɨ Yese, 6Yese a bé ta bɨ Ɨfɔ Devidɨ ə.
Devidɨ a bé ta bɨ Sanɨmɔ a jwínɨ́ ngwe Urɨya 7Sanɨmɔ a bé ta bɨ Reʼoboam, Reʼoboam a bé ta bɨ Abija, Abija a bé ta bɨ Asa, 8Asa a bé ta bɨ Yeʼoshafatɨ, Yeʼoshafatɨ a bé ta bɨ Yoram, Yoram a bé ta bɨ Uzaya, 9Uzaya a bé ta bɨ Yotam, Yotam a bé ta bɨ Aʼzɨ, Aʼzɨ a bé ta bɨ Ezekaya 10Ezekaya a bé ta bɨ Manase, Manase a bé ta bɨ Emɔn, Emɔn a bé ta bɨ Yosaya 11Yosaya a bé ta bɨ Yekonaya abɔʼnɨ ɨbɔmbɨma ɨbyi a nkfu wa bɨ zɛ́gɨ́nɨ́ awa ngɛn nɨ bo a Babilɔn lá.
12Anu a ndzɛgɨ bo ɨ ghɛn nɨ bɛrə a Babilɔn a ghɨnə ntsá: Yekonaya a bé ta bɨ Shɛltiɛ, Shɛltiɛ a bé ta bɨ Zerubabɛlɨ, 13Zerubabɛlɨ a bé ta bɨ Abyudɨ, Abyudɨ a bé ta bɨ Elayakim, Elayakim a bé ta bɨ Azɔrɨ, 14Azɔrɨ a bé ta bɨ Zadɔkɨ, Zadɔkɨ a bé ta bɨ Akim, Akim a bé ta bɨ Eliudɨ 15Eliudɨ a bé ta bɨ Eliyaza, Eliyaza a bé ta bɨ Matanɨ, Matanɨ a bé ta bɨ Yakɔb 16Yakɔb a bé ta bɨ Yosɛb mbáʼ a bénɨ́ ndóm Mɛrɨ ə. Mɛrɨ a jwí a Yeso mbáʼ a lá Wa bɨ Zɔ́ʼnɨ́ wa lá.
17Ma lan, mɨwə a ndɔgɨnə a nye Abraʼm ɨ shiʼ kuʼ a nye Devidɨ mɨ bé nɨghúm ntsɔb nɨkwa ghe. A ndɔgɨnə a nye Devidɨ ɨ shiʼ kuʼ a nkfu wa bɨ zɛ́gɨ́nɨ́ awa ngɛ́n nɨ bo a Babilɔn lá mɨ bé nɨghúm ntsɔb nɨkwa ghe. Ɨ kɨ lɔgɨnɨ a nkfu wa bɨ zɛ́gɨ́nɨ́ awa ngɛ́n nɨ bo a Babilɔn, ɨ shiʼ kuʼ a nye Wa bɨ Zɔ́ʼnɨ́ mɨ kɨ mbe mɨwə nɨghúm ntsɔb nɨkwa ghe.
Adzaŋ za bɨ Jwínɨ́ a Yeso Kristo ghe
(Alu 2:1-7)
18Nə nɨ adzaŋ za bɨ jwínɨ́ a Yeso Kristo ghe. Bɨ ghú a nɨmi ɨyi Mɛrɨ a tsi nɨ ndzɔʼ Yosɛb ə. Lá bɔŋ á bo zɨ ndzɔ́ʼnə́, bɨ zɛ́n ngə́ Mɛrɨ a tɛ́m nɨ mɔn a ntsǎ a ndzum mɨtən mɨ Azhwi zə Fɛmnɨ ə. 19Yosɛb a bé ŋwɔn wa a kɨ́nə́ ngɨ̌ ɨnu tsɨ kuʼnɨnɨ, lá a sé ndǒ ɨ nɨŋ adɨrətú a nye Mɛrɨ asaŋəsaŋ ə; ma lan, wɛrə a kə́ nghúmnə́ akyaŋtɨ a mu ntəm zɨ a saʼnɨ nɨzɔ́ʼ na tsɛʼ ndzum ndzum ə. 20Mbáʼ wɛrə a kɨ́nə́ nkwaʼtə a məzen lá, ntsendá Ŋwi zɨ Maʼmbyí fú a ɨshe a ndzɛm ɨ soŋ wəmbo ngə́, “Yosɛb, mɔn ɨlə̌ Devidɨ, koʼ bɔgɨ a ndɔgɨ Mɛrɨ a nye ngwe ɨgho ghe. Mbɨ́ʼ ngə́ mɔn wa a tɛmnɨ nɨ wɛrə lá, a lo lá a mbó mɨtən mɨ Azhwi zə Fɛmnɨ ə. 21Wɛrə a mɨ jwi a mɔn mbáŋnɨ́, o chwi ɨkum ɨyi nɨ Yeso — mbɨ́ʼ ngə́ wɛrə ghɨ loŋ ɨbɛn ɨbyi a mbó mɨbvu ɨma ghe.”
22Ɨnu tsiŋ ɨtsum tsɨ fu lá taŋ ɨ kɔʼ bomnkɨ bo bɨ ɨnu tsa Maʼmbyí a kwénə sóŋ ntsa a ndzum ntom Ŋwi ngə́, 23“Zɛnə a zɨŋə, ngo zɨ tse ghɨ tɛ́m nɨ mɔn, ɨ jwi a mɔn mbáŋnɨ́, á ɨkum ɨyi be Manɨwe ghe” (ndiʼ lá ngə́, “Ŋwi a tsi bɨgɨnə bo ghe”).
24Ma lan, Yosɛb a ghɨnə ngvúkɨ́ a fɨlye wa, ngɨ tsɛʼ adzaŋ za ntsendá Ŋwi zɨ Maʼmbyí za ɨ sóŋnɨ́ a mbó zɨə, ndzɔʼ a ngwe ɨyi ɛ. 25Lá bo ngwe ɨyi sé adiʼ chintɨ ɨ kɔʼ kuʼ njwi za Mɛrɨ a jwínɨ́ a mɔn mbáŋnɨ́ ɨyi wa. Yosɛb a tíʼ nchwi ayi ngə́ Yeso ghe.
Terpilih Sekarang Ini:
Matyo 1: MNT
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2023, CABTAL
