Maki 3

Buraa nu'o n ki

(Matu 12.9-14; Luki 6.6-11)

1Ti Yezu le kɛ̃' zamehegɔ yire la puan, ti buraa bɔna bini ti ka nu'o ki. 2Ti Farasiiduma la ana bããlam gee bihera nyaa a wan tibɛ en vo'ohego dabeherɛ wa puan, ti ba nyɛ se'ere tɔgɛ. 3Ti Yezu yele buraa la nu'o n ki la yeti, “Ihege wa'am n nɛŋan na.” 4Gee nyaa soke ba yeti, “La de sore ti nɛra tum sum vo'ohego dabeherɛ puan bii a tum be'em vo'ohego dabeherɛ puan? A faaɛ bahɛ bii a ku?” Ti ba za'a yee suram. 5Ti Yezu bihɛ ba woo kaaɛ, ti a suure nyiie. La daam Yezu mɛ la ban tari sukãberɛ se'ere taaba la. Ti a yele buraa la yeti, “Tiɛ fum nu'o la.” Ti buraa wa tiɛ ka nu'o la, ti nu'o la iŋɛ sum. 6Bilam Bilam ti Farasiiduma la vaaɛ ihege yehe kalam ta naaɛ la Hɛrɔd nɛreba ti ba bihɛ ba wan iŋɛ se'em ku en.

Nɛrekuuŋɔ lagehɛ Ateko nuuren

(Matu 12.15-16; Luki 6.17-19)

7Ti Yezu bahɛ bilam la a zahereba la gee kiŋɛ Ateko nuuren, ti nɛrekuuŋɔ ze'ele Galilii dɔla a poore. 8Ban wum yelekãra sɛ'a woo ti Yezu ita la, ti nɛrekuuŋɔ ze'ele Yudiya, Yerusalɛm, Idumia, Yɔɔdan pooren ha la tinse'ehi woo n boi Taai, la Sidɔn tihi puan la, wa'am a zi'an na. 9Ti a yele a zahereba la ti ba maahum uureŋɔ la bo' en nɛrekuuŋɔ la zuo, ti ba da ta bibige en na. 10Se'ere sɔi la, Yezu tibɛ la bã'ahi zo'e zo'e, bala ti sɛba woo en bɛ̃'ɛri bibigera en na ti a kalum ba la a nu'o. 11Kulekpa'bɛ'ɛhi ni han tu'uha en, ba ni lu la a nɛŋan gee yɛta yeti, “Fum en de Yinɛ Dayua la!” 12Gee Yezu me ni tahɛ ba yeti, ba da vɔɔla ti se'em baŋɛ eŋa.

Yezu looe a zahereba pia la bayi'

(Matu 10.1-4; Luki 6.12-16)

13Yezu zom la zoore zuo, gee yi' en boti sɛba la ti ba wa'am a zi'an na . 14Ti a looe ba puan nɛrepia la bayi', sigɛ ba yu'urɛ tuntuneba sɛba en boi la en, ti a tuna ba ti ba yɛha muula yelehum la, 15gee to'e kpe'eŋo ta'na sa'aha Kulekpa'bɛ'ɛhi. 16En looe nɛrepia la bayi' la se'em n bala. Simɔn (ti a tee sigɛ n Pita) 17Zebedii dayua Yemesi la a suuɔ Yɔn (ti a tee sigɛ ba yu'ura Buanegesi, de vuurɛ dela satahega kɔma). 18Nyaa dikɛ Anduru, Filipi, Batolomi, Matu, Tɔmasi, Alifeyusi dayua Yemesi, Tadeyusi, Simɔn se'em en lagum pa'ahɛ sɛba nini en mu'ɛ ti Izirale bɔna fai la, 19la Yudasi Isikariyɔte, se'em n wan koohe Yezu la.

Yezu la Beelezebule

Ti Yezu kule. 20Ti nɛrekuuŋɔ la le lagehɛ na, ti ba pun kan ta'am di. 21Yezu buuri la n wum la, ba yehe mɛ ti ba gu' en, se'ere en sɔi la, nɛreba basɛba tɔgeri mɛ ti, “A zuo en lobere.” 22#Mat 9.34; 10.25 Ti gɔnmi'ineba en ze'ele Yerusalɛm na yeti, “Beelezebule n boi a puan, gee me tara Kulekpa'bɛ'ɛhi nɛŋa daana paŋa sa'aha Kulekpa'bɛ'ɛhi.” 23Ti Yezu yi' nɛreba la wa'am a zi'an na, nyaa dikɛ yetɔgum biŋere tɔgɛ bo' ba yeti, “Ŋwani ti Sagena wan ta'am sa'aha Sagena nɛreba puan? 24Sɔ'ɔlum han yelege zabera la bu mɛŋa, Sɔ'ɔlum bumɔ kan ta'am ze'ele. 25Yire han yelege zabera la de mɛŋa, yire dinɛ kan ta'am ze'ele. 26Bala, Sagena la han ihege zabera la a mɛŋa, yelehe, a kan ta'am ze'ele, gee a ba'ahegɔ n paaɛ. 27Nɛra ka boi n wan ta'am kɛ̃' paŋadaana yire ta fa' a lɔgerɔ han dagena a lu' paŋadaana la mɛ gee nyaa nyaŋɛ fa' en.

28“N yeti ya la Yelemɛŋerɛ wa, ti sugeri wan bɔna bo' nɛreba ba be'em woo la yetɔgeyooro seto woo ti ba tɔgɛ, 29gee se'em woo n tɔgɛ yetɔgeyooro bo' Fa'a Sia la kan malum nyɛ sugeri, gee a tuue la tuure se'ere en kan malum bahɛ en.” 30Yezu en yele ŋwana wa dela ban yeti, “Kulekpa'bɛ'a en dole en la.”

Yezu yelemɛŋerɛ buuri

(Matu 12.46-50; Luki 8.19-21)

31Ti Yezu ma la a suurɔ wa'am na zi'a yire la yiŋa, gee tum ti ba yi' Yezu na. 32Ti nɛrekuuŋɔ la n zi' kaaɛ en la, nyaa yele en yeti, bihɛ, “Fum ma la fum suurɔ n boi yiŋa ɛɛra fum.” 33Ti a lerege ba yeti, “Bani en de mam ma la mam suurɔ?” 34Gee nyaa bihɛ sɛba en zi' kaaɛ en la, gee yeti, “Mam ma la mam suurɔ en ŋwana! 35Se'em woo n tuni Yinɛ sumboolum la, eŋa daana en de mam suuɔ, la mam ma.

Terpilih Sekarang Ini:

Maki 3: GBTP

Highlight

Kongsi

Salin