Matu 28:12-15

Ti Malema kiinduma duma la n sɔhɛ la yizuto kiinduma la ba'ahɛ la, ba za'a ku la nuurɛ ti ba bo' pɛntiireba gu'ureba la ligeri zo'e zo'e, gee yele ba yeti, “Ta yele ya ba yeti, ‘A zahereba la n wa'am yu'uŋɔ na zu en kiŋɛ se'em ma'a ti guum zɛɛ tumam la.’ Ti ŋwana wa han lu Timbihega daana la tuban, tumam wan nyɛ en, gee gu' ti daaŋɔ da paaɛ ya.” Ŋwana ti ba to'e ba ligeri, gee iŋɛ ban pa'ali ba se'em la. Yuuduma kelum tɔgera yele dina wa mɛ la zina.