मत्ती 1
1
यीशु मसीह की वंशावली
1या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो। 2अब्राहम बट्टी इसहाक पैदा हवे, इसहाक बट्टी याकूब पैदा हवे अर याकूब बट्टी यहूदा, अर वेका भैय पैदा हवेनि। 3यहूदा अर तामार, पेरेस अर जेरह की ब्वे छै अर फरिसि बट्टी हिस्रोन पैदा हवे अर हिस्रोन बट्टी एराम पैदा हवे 4एराम बट्टी अम्मीनादाब पैदा हवे अर अम्मीनादाब बट्टी नहशोन अर नहशोन बट्टी सलमोन पैदा हवे।#1:4 रूत 4:19, 20 5सलमोन बोआज कु बुबा अर रहाब वेकी ब्वे छै अर बोआज ओबेद कु बुबा अर रूत वेकी ब्वे छै अर ओबेद बट्टी यिशै पैदा हवे।#1:5 रूत और राहब यहूदी नि छा 6अर यिशै बट्टी दाऊद राजा पैदा हवे। अर दाऊद राजा बट्टी राजा सुलैमान वीं जनन बट्टी पैदा हवे ज्वा पैली उरिय्याह कि जनन छै।#1:6 2 शमू. 12:24 7राजा सुलैमान बट्टी रहबाम पैदा हवे अर रहबाम बट्टी अबिय्याह पैदा हवे अर अबिय्याह बट्टी आसा पैदा हवे। 8आसा बट्टी यहोशाफात पैदा हवे यहोशाफात बट्टी योराम पैदा हवे अर योराम बट्टी उज्जियाह पैदा हवे। 9अर उज्जियाह बट्टी योताम पैदा हवे योताम बट्टी आहाज पैदा हवे अर हिजकिय्याह आहाज बट्टी पैदा हवे। 10अर हिजकिय्याह बट्टी मनश्शे पैदा हवे मनश्शे बट्टी आमोन पैदा हवे अर आमोन बट्टी योशिय्याह पैदा हवे। 11योशिय्याह, यकुन्याह अर वेका भैय को दादा छो, जु इस्राएलियों तैं बाबेल देश मा बंधि बणै के लिजांण से पैली पैदा हवेनि।#1:11 यिर्म. 27:20 12यकुन्याह बट्टी शालतियेल पैदा हवे अर शालतियेल बट्टी जरुबाबेल पैदा हवे अर बाबेल देश बट्टी बंधुवै मा जांणा का बगत से लेकर यीशु का जन्म तक वेका पूर्वज छा। 13अर जरुबाबेल बट्टी अबीहूद पैदा हवे, अबीहूद बट्टी इल्याकीम पैदा हवे अर इल्याकीम बट्टी अजोर पैदा हवे। 14अजोर बट्टी सदोक पैदा हवे सदोक बट्टी अखीम पैदा हवे अर अखीम बट्टी इलीहूद पैदा हवे। 15इलीहूद बट्टी इलियाजार पैदा हवे, इलियाजार बट्टी मत्तान पैदा हवे अर मत्तान बट्टी याकूब पैदा हवे। 16अर याकूब बट्टी यूसुफ पैदा हवे जु मरियम को आदिम छो अर मरियम ल परमेश्वर की आत्मा बट्टी गर्भवती हवे के यीशु तैं जन्म दींनि, जैकु मसीह बुल्दींनि।
17अब्राहम बट्टी राजा दाऊद तक चौदह पीढ़ी हवेनि, राजा दाऊद का बगत बट्टी लेकर वे बगत तक जब इस्राएल का लुखुं तैं बंधि बणै के बाबेल देश लिजांण तक चौदह पीढ़ी हवेनि, अर बंधि हवे कै बाबुल देश तक पहुँचाए जांणा का बगत बट्टी लेकर मसीह तक चौदह पीढ़ी हवेनि।
यीशु मसीह कु जन्म
(लूका 1:26-38; 2:1-7)
18यीशु मसीह कु पैदा हूंण से पैली इन हवे कि जब वेकी ब्वे मरियम कि मंगण यूसुफ दगड़ी हवे छै त ऊंका ब्यो हूंण से पैली जब व कुँवारी छै, तब व पवित्र आत्मा कि सामर्थ बट्टी गर्भवती हवे। 19अर वीं को मंगेतर यूसुफ जु कि धर्मी आदिम छो अर उ मरियम तैं बदनाम नि कनु चांदु छो अर वेल चुपके से वीं तैं छुड़ण कु विचार कैरी, किलैकि उ ब्यो से पैली ही गर्भवती पये गै जु कि व्यवस्था का विरुद्ध मा छो।
20जब यूसुफ यूं बातों तैं सुचणु ही छो त प्रभु को स्वर्गदूत वेका सुपन्या मा ऐ के बुल्ण लगि गै यूसुफ, राजा दाऊद का वंशज, तू अपड़ी मंगेतर मरियम तैं अपड़ी जनन बनांण से नि डैर किलैकि जु वीं का गर्भ मा बच्चा च उ पवित्र आत्मा कि सामर्थ बट्टी च। 21व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”
22यु सब इलै हवे कि सब पूरो हो, यशायाह जु परमेश्वर का तरपां बट्टी बुल्ण वलो छो वेका द्वारा परमेश्वर ल यीशु का जन्म का बारा मा बोलि छो, #1:22 यशा. 7:14 23देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”
24तब यूसुफ निंद मा बट्टी बिजि के प्रभु का स्वर्गदूत कि आज्ञा का अनुसार अपड़ी मंगेतर दगड़ी ब्यो कैरी की मरियम तैं अपड़ा घौर ली गै। 25अर जब तक वीं ल नौंना तैं जन्म नि दींनि तब तक ब्यो कु कुई सम्बंध नि रखि “अर यूसुफ ल वे नौंना कु नौं यीशु रखि।”
Terpilih Sekarang Ini:
मत्ती 1: GHMNT
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
