Luka 19
19
O Zakxeo.
1O Isus šutea pe ando Ierixono, thai naškhălas andai četatea.
2Thai khă manuši bravalo, kai bušolas Zašeu, o mai baro le tidinitorengo,
3rodelas te dikhăl sao sî o Isus; ta naštilas anda le but manuši, kă sas çînoro statohko.
4Prastaia anglal, thai ankăsto ande khă dudelin kaste dikhă Les, anda kă oçal trăbulas te nakhăl.
5O Isus, kana arăslo ando than kodoa, vazdea Pehkă iakha opră, thai phendea lehkă: „Zašee, de tu tele iekhatar, kă ades trăbul te ašeau ande teo khăr.”
6O Zašeuo dea pe tele iekhatar, thai primisardea Les dragosa.
7Kana dikhline e buti kadea, sa bandearănas andoa nakh thai phenenas: „Šutea pe te gostil ka khă manuši bezexalo!”#Cap. 5.30. Mat. 9.11.
8Ta o Zaxeo bešlo angloa Rai, thai phendea Lehkă: „Dikta, Raia, dopaši anda muŕo mandimos dau les ăl čioŕăngă; thai, kana bičeačeardem varekas varesosa, dau les parpale štarvarăs.”#Cap. 3.14. Exod. 22.1. 1Sam. 12.3. 2Sam. 12.6.
9O Isus phendea lehkă: „Ades šutea pe o skăpimos ando khăr kadoa, kă i o sî o šeau le Avraamohko.#Cap. 13.16. Rom. 4.11, 12, 16. Gal. 3.7.
10Anda kă o Šeau le manušehko avilo te rodel thai te skăpil so sas xasardo.”#Mat. 10.6; 15.24; 18.11.
E pilda le polendi.
11Ta kana ašunenas on kadala butea, o Isus mai phendea khă pilda, anda kă sas paše paša o Ierusalimo, thai on pateanas kă o Thagarimos le Devllehko sî te sîkadeol iekhatar.
12Ta phendea: „Khă manuši anda khă neamo baro gălotar ande khă čem dureardo, kaste lel pehkă khă thagarimos, thai pala kodea te amboldel pe.#Mat. 25.14. Marko 13.34.
13Akhardea peste deši anda pehkă robea, dea le deši polea, thai phendea lengă: Thon le ande buti ji kana amboladaua ma.”
14Ta lehkă manuši či dabadikhănas les; thai tradine pala leste khă solia te phenen lehkă: „Či kamas kadale manušes te thagaril pa amende.”
15Kana amboldea parpale, pala so leasa pehko thagarimos, phendea te akharăn le roben kodolen, kai deasas le ăl love, kaste dikhăl sode kărdea sakogodi anda lende.
16Kukoa anglal avilo, thai phendea lehkă: „Raia, o polo tiro mai andea deši poli.”
17O phendea lehkă: „Mišto, robona lašea; anda kă sanas pateaimahko ande xançî butea ale te avesbaro pa deši četăçi.”#Cap. 16.10. Mat. 25.21.
18Avilo o duito, thai phendea: „Raia, o polo tiro mai andea deši poli.”
19O phendea i lehkă: „Ale i tu te avesbaro pa panji četăçi.”
20Avilo iekh aver, thai phendea: „Raia, dikta teo polo, kai gardem les phanglo ande khă pištiri;
21kă darailem tutar, anda kă san khă manuši xarvalo; les katar či thodean, thai tides katar či šutean;
22O stăpîno phendea lehkă: „Robona jungalea; krisîniua tu pala tiră divanuri. Jeanesas kă sîm khă manuši xarvalo, kai lau katar či thodem thai tidau katar či šutem;#2Sam. 1.16. Iov 15.6. Mat. 12.37; 25.26.
23atunčeara sostar či thodean mîŕî love kal zarafea, anda kă, ka muŕo amboldimos, te lino le parpale kamătasa?”
24Pala kodea phendea kolengă kai sas oče: „Len lehko polo, thai den les kolehkă kai sî les deši poli.”
25„Raia,” phendine on: „les sî les deši poli.”
26Ta o phendea lengă: „Phenau tumengă kă kukoa kai sî les, dela pe lehkă; ta kata kukoa kai nai les, lela pe orta i so sî les.#Cap. 8.18. Mat. 13.12; 25.29. Marko 4.25.
27Sode pa mîŕă dušmaia, kai či kambline te thagari pa lende, anen le orde, thai šinen le angla mande.”
28Pala so dea duma kadea, o Isus lea la angle thai dikhălas karing o Ierusalimo.#Marko 10.32.
O avimos le Isusohko ando Ierusalimo.
29Kana paši'lo le Betfaghe thai la Betaniatar, karing o baŕbaro dino anau le Zetinengo, o Isus tradea duien anda Pehkă jene,#Mat. 21. Marko 11.1.
30thai phendea lengă: „Jean ando gau angla tumende. Kana šona tume ande leste, arakhăna khă čiušiç phanglo, pe sao či ankăsto khonikh čiăkhdata: pîtărăn les, thai anen Mangă les.
31Te pušela tume varekon: „Anda soste pîtărăn les?” te phenen lehkă kadea: „Anda kă o Rai sî les kandimos lestar.”
32Kukolakai sas tradine, găline thai arakhline kadea sar phendeasa lengă o Isus.
33Ta kana pîtărănas le čiušorăs, lehkă stăpînea phendine lengă: „Anda soste pîtărăn o čiušiçăs?”
34On dine les anglal: „O Rai sî les kandimos lestar.”
35Thai andine o čiušiçî koa Isus. Pala kodea šudine pehkă raxamea pe leste, thai thodine le Isusos, ankăsto opral.#2Thag. 9.13. Mat. 21.7. Marko 11.7. Ioan 12.14.
36Ta kana jealas o Isus, le manuši lašarănas pehkă raxamea po drom.#Mat. 21.8.
37Thai kana pašile ăl Ierusalimostar, karing ulel o baŕbaro le Zetinengo, sa o butimos le jenngă pherde baxtalimos, line te lăudin le Devlles muiesa zuralo anda sa le minuni, kai dikhline sas le.
38On phenenas: „Lăudime sî o Thagar kai avel ando Anau le Devllehko! Pačea ando čeri, thai slava andel thana dă opral!”#Cap. 2.14; 13.35. Ps. 118.26. Efes. 2.14.
39Unii Fariseia, andoa norodo, phendine le Isusohkă: „Sîkaitorina, xatu Te jenença!”
40Thai O dea le anglal: „Phenau tumengă kă, kana on ašena, le baŕ çîpina.”#Mat. 2.11.
O Isus rovel andai četatea.
41Kana paši'lo la četateatar thai dikhlea la, o Isus ruia anda late,#Ioan 11.35.
42thai phendea: „Te prinjeandino i tu, barem ande kadoa des, le butea, kai daštinas te den tu e pačea! Ta akana, on sî garadine te iakhăndar.
43Avena le des pa tute, kana te dušmaia tidena tu šancurença, peste sa, thai tidena tu anda sal riga:#Cap. 21.20. Is. 29.3, 4. Ier. 6.3, 6.
44kărăna tu iekh la phuweasa, tut thai le šeaven anda teo maškar; thai či mekăna ande tute baŕ pe baŕăste, anda kă či prinjeandean o čiro kana sanas rodini.”#Cap. 1.68, 78; 21.6. 1Thag. 9.7, 8. Dan. 9.24. Mika 3.12. Mat. 24.2. Marko 13.2. 1Pet. 2.12.
O našadimos le bitindorengo andoa Templo.
45Pala kodea šutea pe ando Templo, thai lea te ankalavel avri kolen kai bitinenas thai tinenas ande leste.#Mat. 21.12. Marko 11.11, 15. Ioan 2.14, 15.
46Thai phendea lengă: „Sî ramome: „O Khăr Muŕo, avela khă khăr rudimahko. Ta tume kărdean anda leste khă thanšudro čiorăngo.”#Is. 56.7. Ier. 7.11.
47O Isus sîkavelas ande sako des le norodos ando Templo. Thai le raša le mai bară, le zakonarea thai le phură le norodohkă rodenas te mudarăn Les;#Marko 11.18. Ioan 7.19; 8.37.
48ta či jeanenas sar te kărăn, anda kă o norodo sas lehkă drago Lehko divano.
Terpilih Sekarang Ini:
Luka 19: KALD2020
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
