Matai 19
19
1Vwu amalile amameńu aga pwu akahuma mu-Galilai akabiha nkilunga kya mu-Jutai ikili umwambo gulya gwa Jolitani. 2Pwu vakankonga avanu isipuga, si syongosu. Umwene akavaponya vwu ali baho. 3Pwu vakahegelela kumwene avapalisai vakangela vakata: Nda kunnonu umunu ukungotola panongwa tsoni vuvule undala va mwene? 4Umwene akanda akata: Uńe nda namutsivweni pakalata itsa kuta uvi avapelaga pavutengulilo atye nungosi nundala? 5Akongeletsa akata: Pwu umunu ikundekaga nudadaje nuvańina ikumbadamaga undala va mwene, pwu vwu vavili ava viva mmana mpamato gwene. 6Pwu valekile ukuva vavili. Bako vipelile ukuva mmana mpamato gwene vuvule. Lola angave avabadiṅinye Unguluve, mwiko umunu ukuvadadalulanya. 7Avene vakata: Umwene UMose alagilaga kiki ukuta umpetsage kalata va kuta ndimumitse pwu undekage. 8Umwene akanda akata: Ulwakuva UMose avavwene uvutalamu inumbula uńe, pwu akidika ukuvahumya avadala vińo, Pavutengulilo pwu natsale vuvule-vule. 9Ukwi ndivavule: Uvi ikumumya undala va mwene uvi natulili inongwa jya vuligu atole ujyunge vi aligwipe. 10Pwu avakongi va mwene vakata: Tsingave tsili vuvule-vule umunu nundala va mwene, pwu humbe nakwiva kunnonu ukutegulana. 11Umwene akavavula akata: Ilimeńu ili naliva lya voni ukulivona. Bako lya vene vangave vapelilwe vuvule-vule, vwu vikulivona. 12Ulwakuva kwuvale avange avakegetwa vuvule-vule mwitumbu mbavaṅinavo, Kwuvale avange avakegetwa avavakegite avanu. Kwuvale navange avakegetwa avikegite vene, avikegite upwu vita tuvetsage va kukyańa. Uvi alumańile ukutsivona tsitsitsi, vi atsivonage.
13Pwu vakagega navana kumwene vakata ikuvavika amavoko ga mwene ikuvisajila ulwisajo. Avene avakongi va mwene vwu vakatana navo. 14Umwene UJesu akata: Muvaleke avana vitse kwane, mukuvabetsa kiki? Mańa uludeva lwa kukyańa lwa vene vangave vali vuvule-vule. 15Pwu akavavika amavoko, akaluta.
16Pwu ujyunge umunu akahegelela kumwene akata: Vi mańisi vi nonu, umbulage itsinge imbombo innonu itsa kuvomba une, mwu ndikavilage uvwumi vwa sikutsoni. 17Umwene akanda akata: Vukumbutsa kiki innonu itsa kuvomba? Nda kwale ujyunge unnonu? Ndita unnonu ali mpamato mwene vuvule. Lola ungave unogilwe ukutsikwingila mbwumi, pwu ukongage indagilo. 18Umwene akata: Tsiliku? UJesu akata: Nulwakuta, ulabudaga, nulwakuta, ulaligupaga, nulwakuta, ulahitsaga, nulwakuta, ulanwaṅilaga unnino, 19nulwakuta, umwimikage nudadajo nuvańoko, nulwakuta, unganage unnino nduvwu vwiganile vimwene, 20Pwu undume uju akanda akata: Tsu nditsikongile tsoni tsitsitsi, ndihumile natso mumbudebe. Umbulage umwu tsisigye. 21Pwu UJesu akambula akata: Ungave unogilwe ukuva nduti vuvule, pwu ubihage ugutse ikyuma kyako kyoni uvagavanyage avagatsu, pwu ukavile ikyuma kukyańa. Pwu vwitsage uṅongage. 22Vwu apulike lilili undume uju, pwu akasusuvala. Pwu akaluta vuvule. Ulwakuva ale mosu sitso. 23Umwene UJesu akatsova navakongi va mwene akata: Jilweli-lweli ndikuvavula ndita, avamosu valavonaga kutalamu vuvule ukwingila ndudeva lwa kukyańa. 24Ndivuja ndikuvavula ndita: Ningamila ukwingila nkiho ka kahonelo nu mmosu ukwingila ndudeva lwa kukyańa–kwebepe ukugenda ingamila nkiho ka kahonelo. 25Avene avakongi vwu vapulike lilili, pwu vakajetuka sitso mwitumbu vakata: Pwu veni ipona? 26Umwene UJesu akavalola akata: Avanu vwu viki, vwu tsivalemile tsitsitsi, mańa Unguluve vi nakikundema kinu.
27Pwu UPetele akata: Lola uvwe tusilekile syoni tukukongile. Vukutupa kiki? 28Umwene UJesu akanda akata: Jilweli-lweli ndikuvavula ndita: Lungave lusiku singave sikwanduka syoni vwu Uńamunu atamile pakitamilo kya mwene kya vuvaha uvudwadwa, pwu nuńe ńi muṅongile lino, pwu nuńe ndatamaga pasitamilo kitsigo nasivili, ndamigaga Isilaeli voni umwu avelye nsivumbuko sya mwene kitsigo nasivili. 29Voni avita nińumba vita navalukololwavo vita navahatsavavo vita navadadajavo vita navavańinavo vita navadala vita navana vita nisilimila–syoni vuvule vikusilekela pitavwa lyango, vwu valupilila isiluti, valingila mbwumi vwa sikutsoni. 30Vongosu avalongotsi valava va mumbele, vongosu navamumbele valava valongotsi.
Terpilih Sekarang Ini:
Matai 19: Kinga
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
New Testament in Kikinga © British and Foreign Bible Society, 1961.
