Matai 18
18
1Pwu pakavalilo kako pwu vakahegelela kwa Jesu avakongi va mwene vakambutsa vakata: Umbaha ndudeva lwa kukyańa vi veni? 2Pwu umwene akamwilanga umwana akambika pagati akavavula 3akata: Jilweli-lweli ndikuvavula ndita, nga namukijandula, ingave namukipela ukuva vana vuvule, pwu nandingile ndudeva lwa kukyańa. 4Uvi ikijisa mwene, ikipela ukuva ndumwana uju, vi iva mbaha ndudeva lwa kukyańa. 5Uvi ikumwupilila ujyunge umwana uvi ali nduju, angave ikumwupilila mwitavwa lyango, vwu ańupilye uńe. 6Uvi ikumwambutsa ujyunge uva vadebe avikunidika une, vi anogye ukukungwa ulwala kusingo ulwa kuntwivilitsa muńanza nkisima vuvule. 7Uli viki vi kilunga ińambutso tsa kuvambutsa avanu! Mańa ińambutso tsu natsivuja bako kwutsile. Mańa uli viki vi munu vi vukutsigega ińambutso vwita ndivambutse avanu! 8Pwu, ungave uvwene kingave ikivoko kyako ikinge kingave ikilunde kyako ikinge kikukwambutse uve, uve pwu ukegetage ukitage! Mańa nukutsikwingila mbwumi vwu vwikegite ukuva nago goni amavoko goni amalunde vwu ulutile pakulahwa mmwoto gwa sikutsoni–kunonu ku kwilematsa. 9Napene ungave uvwene ilinge iliho lyako likukwambutsa, pwu ulińumulilage ulitage. Mańa nukuva va liho lipamato lyene vwu ulutile pakwingila mbwumi, nukuva nago gwu gavili amiho vwu ulutile pakulahwa ndugenge lwa mwoto–kunnonu ku kuva va liho lipamato. 10Mbandikage ndangililaga nujyunge uva vadebe ava mańa ndikuvavula ndita: Avasunwa va vene kukyańa vilolana nave sikutsoni kumiho udada va kukyańa, 11Mańa Uńamunu itsile nkuvapoka avajagile. 12Ndeti uńe? Angave umunu akavile iṅolo imilevulo kitsigo (100) pwu mamato jijage, inine imilevulo budikakupamato nabudikakupamato (99) nda nikutsileka paludasi, nda nilonda ijijagile? 13Lino angave ajivwene, jilweli ndikuvavula ndita: pwu alahekela sitso paṅolo jijyo, alalutilila nakunine tsoni itsu natsija gili umwu tsivelye tsoni imilevulo budikakupamato nabudikakupamato (99). 14Vwu agahile vuvule-vule udadajińo kukyańa, nanogilwi ukuta ajagage ujyunge uva vadebe ava.
15Ungave uvwene unnino atulile inongwa kwave, pwu ubihage ukandemage vwu mwijekye ńi vavili nuve najujwa. Angave akwidike, vwu pwu unkavile unnino. 16Ungavone nikukwidika, pwu utole navange, angave mpamato, vangave vavili, tsoni inongwa ukuta tsivetsage mundomo gwa vongosu-vangave vavili, vangave vadatu–avakutsimańa. 17Ungavone navene ava nikuvidika, pwu ukatsitsovage vwu gulundamine umpelela gwoni. Ungavone nagwene umpelela nikugwidika, pwu ukatetsage: Kwu kuva va panzi vuvule, kwu kuva nsangutsi vuvule. 18Jilweli-lweli ndikuvavula ndita: Voni uvwu ngave mukuvakunga uńe pasi apa, vwu viva vakungwa vuvule nakukyańa. Navene uvwu ngave mukuvavopola pasi apa, vwu viva vavopolwa vuvule nakukyańa. 19Ndikuvavula ndita: Ngave muli vavili, mwidikine pasi apa mutye tudove akange akanu akatunga, kangave kiki, udada va kukyańa alavapa. 20Ulwakuva umwu vangave valundamine mwitavwa lyango-vangave vavili vangave vadatu–mwu nuno ndili navo mumwa.
21Pwu akahegelela kumwene UPetele akambutsa akata: Nkuludeva, unjango angave itula inongwa kwane sikutsoni, pwu upita ndinsyikilage kalingi? Pange ndinsyikilage lekelakupamato? 22Umwene UJesu akata: Une nandita unsyikilage lekelakupamato. Bako une ndita ukagelele pamilevulo lekelakupamato ukunsyikila gwu uvujage utengulage lekelakupamato ukuvala. 23Kwu kunu uludeva lwa kukyańa upwu ndihwanihitsa pwu ndita luli ndumunu unkuludeva uvi akata ndivavalilage avakivaga vango tupuliṅane inongwa. 24Vwu itengula ukuvala navo, pwu vakangega kumwene ujyunge uvi alye avatalenti elipukitsigo (10000). 25Vwu avwene umwene sijagile isya kuhomba pwu unkuludeva akalagila akata: Ngutse voni naju ndala va mwene navana, ngutse syoni isyu angave ali nasyo, mwu ndisivone isya kuńomba une. 26Pwu unkivaga uju akabiluka pasi akatekelesa kumwene akata: Uṅunge amavoko amalunde ndigendage ndipojage isya kukuhomba syoni. 27Pwu unkuludeva ikisa kikambona mwitumbu, akandeka unkivaga jujwa akambopola, natsene inongwa akata nditsilekile. 28Vwu ihuma baho unkivaga jujwa, pwu akaganila nunkivaga ujyunge unine uvi alye avandenali va mwene imilevulo kitsigo (100) vuvule. Vi akangoga kusingo akata: Hombaga isyu ulye. 29Pwu unkivaga unine uju akabiluka pasi akatekelesa kumwene akata: Uṅunge amavoko amalunde ndigendage ndipojage isya kukuhomba. 30Umwene akabela akabiha nave akatsikundindila nńumba jya vańololo akata alahuma vwu ahombile isyu alye. 31Avene avakivaga avanine vwu vatsivwene tsitsitsi pwu vakasusuvala sitso, vakatsikumbula unkuludeva va vene tsoni itsu vatsivwene. 32Pwu unkuludeva va mwene akamwilanga akata: Vi nkivaga vi mbivi uve, syoni isyu vwalye uve ndikulekile ulwakuva vwatekelesaga kwane. 33Napinoga ukuta nuve undililage ikisa unkivaga unnino nduvwu ndikulilye une? 34Pwu unkuludeva va mwene gukavipa sitso, akambika kuvańanńololo ulwakuva gwavipile sitso akata: Alahuma vwu ahombile syoni isyu alye. 35Nuńe udada kukyańa vwu alagahaga vuvule-vule ngave namulililanila munumbula inongwa tsińo nuńe navajińo.
Terpilih Sekarang Ini:
Matai 18: Kinga
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
New Testament in Kikinga © British and Foreign Bible Society, 1961.
