Litanga 1
1
1Mu litanga Nyasaye ya lomba migulu nelirova. 2Na lirova lya gwa bugira bulolero na bugira kindu mulyo; na kisundi kya kunika ku lirova na Roho wa Nyasaye ya gonera ku amadzi. 3Kandi Nyasaye ya vola, Bu ve ubulavu: na bwa li ho ubulavu. 4Na Nyasaye ya lola ubulavu, bwa li bulahi: na Nyasaye yavukanya ubulavu nekisundi. 5Na Nyasaye ya ki gulika ubulavu Mbasu, na kisundi ya gulika Ubudiku. Na gwa li mgolova na gwa li mugamba, lidiku lilala.
6Kandi Nyasaye ya vola, Bu ve ho ubwerefu hagati ha amadzi, bwavukanye amadzi ku amadzi. 7Na Nyasaye ya lomba ubwerefu, nokwavukanya amadzi ga li isi wobwerefu ku amadzi ga li igulu ku bwerefu na ga li ndiyo. 8Na Nyasaye ya gulika ubwerefu, Ligulu. Na gwa li mgolova, na gwa li mugamba, lidiku lya kaviri.
9Kandi Nyasaye ya vola, Amadzi ga li isi weligulu ga vunge halala li loleke lirova Iyumu: na ga li ndiyo. 10Na Nyasaye ya gulika ahumu Lirova na livungwa lyamadzi ya gulika Tsinyanza: na Nyasaye ya lola nobulahi. 11Na Nyasaye ya vola, Lirova li mere ubulimu, netsingutsa tsi letanga ubugutsa, nemisala gyamanga makuyu kuli lugano lwagyo, gyi veye netsinzoli tsyagyo ku lirova: na ga li ndiyo. 12Kandi lirova lya mera ubulimu, netsingutsa tsi letanga ubugutsa kuli lugano lwatsyo, nemisala gyamanga makuyu, ga veye netsinzoli tsyagyo mu gyene, kuli lugano lwagyo: na Nyasaye ya lola nobulahi. 13Na gwa li mgolova na gwa li mugamba, lidiku lya kavaka.
14Kandi Nyasaye ya vola, Bu ve ho ubulavu mbwerefu bweligulu kwavukanya mbasu ku budiku, kandi bu ve vilolekidzu, netsinyinga, namadiku, nemihiga: 15kandi vi ve vimulikiru mbwerefu bweligulu kuleta ubulavu ku lirova: na ga li ndiyo. 16Na Nyasaye ya lomba vimulikiru venene viviri; kinene kwameha mbasu, na kikekeke kwameha ubudiku: kandi ya lomba tsing'ereng'ani. 17Na Nyasaye ya vi vika mbwerefu bweligulu kuleta ubulavu ku lirova, 18nokwameha mbasu nobudiku, nokwavukanya ubulavu nekisundi: na Nyasaye ya lola nobulahi. 19Na gwa li mgolova na gwa li mugamba, lidiku lya kane.
20Kandi Nyasaye ya vola, Amadzi gaale vilombe vinyingi vyelivamwoyo na manyonyi ga buluke igulu ku lirova mu bwiyangu bwobwerefu bweligulu. 21Kandi Nyasaye ya lomba tsinyama tsyomu inyanza tsinene, na vilombe vyosi velivamoyo vi gendanga, navyo amadzi gaalanga, kuli lugano lwavyo, na manyonyi getsimbaha, kuli tsing'ano tsyago: ne Nyasaye ya lola nobulahi. 22Kandi Nyasaye ya vi gasidza, na a vola, Mwivulane, mu medeke, mwizule a nadzi getsinyanza, kandi manyonyi ga medeke ku lirova. 23Na gwa li mgolova na gwa li mugamba, lidiku lya gatano.
24Na Nyasaye ya vola, Lirova lyaale vilombe vyelivamwoyo kuli lugano lwavyo, mitugu, nevimolanga netsinyama tsyelirova kuli lugano lwatsyo: na ga li ndiyo. 25Na Nyasaye ya lomba tsinyama tsyelirova kuli lugano lwatsyo, nemitugu kuli lugano lwagyo, na vyosi vi molanga ku lirova kuli lugano lwavyo: na Nyasaye ya lola nobulani.
26Kandi Nyasaye ya vola, Ku lombe mundu ku lifwanana lyetu, na kuli liva lyetu: kandi va ve nelyameha ku tsisudzi tsyomu inyanza, noku manyonyi gombwereru, noku mitugu, noku lirova lyosi, noku vi molanga ku lirova vyosi. 27Kunangwa Nyasaye ya lomba mundu ku lifwanana lilye, mu lifwanana lilye ya mu lomba; musatsa nomukali ya va lomba. 28Na Nyasaye ya va gasidza: na Nyasaye ya va volera, Mwivulane, mu medeke, na mwizule lirova, noku lyameha; kandi mwamehe ku tsisudzi, tsyomu inyanza, noku manyonyi gombwerefu, noku vyosi vyelivamwoyo vi gendanga ku lirova. 29Na Nyasaye ya vola, Henza, mmali kumuha tsingutsa tsyosi tsi letanga ubugutsa, tsi veye ku lirova lyosi, na musala ku gyosi, mugwo gu veye nelikuyu lyomusala gu letanga tsinzoli; ku mwinye vi la va vyokulia: 30noku tsinyama tsyosi tsyelirova, noku manyonyi gosi gombwerefu, noku vyosi vimolanga ku lirova, vi veye nelivamwoyo, mbaani kuvyo tsingutsa tsyosi tsya amatu mavisi tsi ve vyokulia: na ga li ndiyo. 31Na Nyasaye ya lola vindu vyosi vya ya li hulomba, na henza, vya li vilahi ligali. Na gwa li mgolova na gwa li muvamba, lidiku lya gatano nelilala.
Terpilih Sekarang Ini:
Litanga 1: MBE
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 1967