Secunnu Matteu 15
15
1Allura si cci avvicinaru li Scribi, e li Farisei di Gerusalemmi, dicennu:
2Pirchì li toi discipuli trasgrediscinu li tradizioni di li seniuri? Mancu si lavanu li manu, quannu mancianu lu pani.
3Ma iddu rispunnennu cci dissi: E pirchì vuautri trasgrediti lu cumannamentu di Diu pri la vostra tradizioni? Giacchì Diu dissi:
4Onura lu patri e la matri, e: Qualunqui mmalidirrĂ lu patri, o la matri, sarrĂ cunnannatu a la morti.
5Vuautri però diciti: Ognunu putrà diri a lu patri, o a la matri: Qualunqui offerta fatta da mia, giuvirrà a tia:
6E nun onurirrĂ so patri, o so matri: e cu sti vostri tradizioni annullati lu cumannamentu di Diu.
7O ippocriti, beni profetizzau pri vuautri Isaia, dicennu:
8Chistu populu mi onura cu li labbra: lu so cori però è luntanu di mia.
9E mmatula mi onuranu, nsignannu duttrini e cumannamenti di l’ omini.
10E chiamati li turbi vicinu ad iddu, cci dissi: Sintiti, e persuaditivi.
11Nun è chiddu, che trasi di la vucca, ca allorda l’ omu: ma chiddu, ca nesci di la vucca, chistu lu renni immundu.
12Allura avvicinannusi ad iddu li soi discipuli, cci dissiru: Sai, ca li Farisei, ntisi sti palori, si scannaliaru?
13Ma iddu rispunnennu dissi: Qualunqui chiantimi, ca nun fu chiantata da lu me Patri celesti, sarrĂ sradicata.
14Lassatili jiri: sunnu orvi, e cunnucinu a l’ orvi. E si lu cecu fa la guida di lu cecu, tutti dui cadanu ntra lu fossu.
15E Petru rispunnennu, cci dissi: Spieganni sta parabula.
16Ma iddu dissi: E tuttora vuautri siti senza intellettu?
17Nun cumprinniti, ca tuttu chiddu, ca trasi ntra la vucca, va ntra la ventri, e passa pri secessu?
18Ma chiddi cosi, chi nescinu di la vucca, vennu di lu cori, e chisti allordanu l’ omu:
19Giacchì di lu cori nescinu li mali pinseri, l’ omicidj, l’ adulterj, li fornicazioni, li furti, li fausi testimonianzi, li bestemj.
20Chisti sunnu li cosi, chi allordanu l’ omu. Ma lu manciari cu li manu senza lavati, nun allorda l’ omu.
21E partennu doppu GesĂą si ritirau ntra li parti di Tiru e di Sidoni.
22Ed eccu una fimmina canania nisciuta di ddi cuntorni jisau la vuci, dicennucci: Abbi pietà di mia, Signuri, figghiu di Davidi: me figghia è turmintata malamenti da lu dimoniu.
23Iddu nun cci rispusi na palora. E ncugnatisi li soi discipuli lu prigavanu dicennu: Spicciala: giacchì cci grida pri d’appressu.
24Ma iddu rispunnenu dissi: Nun sugnu mannatu ca pri li pecuri pirduti di la casa d’ Isdraeli.
25Ma chidda s’ avvicinau, e l’ adorau, dicennu: Signuri, ajutami.
26Lu quali rispunnennu dissi: Nun è bonu pigghiari lu pani di li figghi, e jittarlu a li cani.
27Ma idda dissi: Accussì è, Signuri: ca puru li cagnoli mancianu li muddichi, chi cadinu di la tavula di li soi patruni.
28Allura Gesù rispunnennu, cci dissi. O donna, la to fidi è granni: ti sia cuncessu chiddu, chi desideri. E so figghia fu sanata ntra dda stissa ura.
29Ed essennu GesĂą partutu di ddĂ , jiu versu lu mari di Galilia: ed acchianatu supra na muntagna, si stava ddĂ assittatu.
30E cci ncugnau na gran turba, chi carriava cu idda muti, orvi, ciunchi, infirmi, e tanti autri: e li jittaru a li soi pedi, e li sanau:
31Di manerachì li turbi ristavanu ammirati vidennu li muti, chi parravanu, li ciunchi, chi caminavanu, l’ orvi, chi videvanu: e nni davanu gloria a lu Diu d’ Isdraeli.
32Ma Gesù, chiamati li soi discipuli, dissi: Aju cumpassioni di li turbi, pirchì pri tri jorna stannu cu mia, e nun hannu chi manciari: nè vogghiu mannarinnilli dijuni, pri nun jiri cadennu pri la strata.
33E li discipuli cci dicinu: Ma unni pigghirremu ntra lu disertu tantu pani, pri saziari tutta sta turba?
34E GesĂą cci dissi: Quanti pani aviti? Ed iddi rispusiru: Setti, e pocu pisciteddi.
35Ed ordinau a li turbi di assittarisi supra la terra.
36E pigghiannu li setti pani, e li pisci, e facennu attu di ringraziamentu, li rumpiu, e li detti a li soi discipuli, e li discipuli li dettiru a lu populu.
37E manciaru tutti, e si saziaru. E di li pezzi, chi arristaru, nni cugghieru setti sporti chini.
38Ora chiddi, chi avianu manciatu eranu quattru mila omini, sparti di li picciriddi e di li fimmini.
39E licenziata la turba, acchianau ntra la varca: ed arrivau ntra li confini di Magedan.
Terpilih Sekarang Ini:
Secunnu Matteu 15: SCN
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published in 1860 and 1861.
