Jɛnɛsis 4
4
Kain kɛ Habel
1Adam kɛ eŋa Hawa na bɔlɛ. Hawa na musu ni efɔ Kain, ni ekɛɛ akɛ, “Mina binuu yɛ Yehowa yelikɛbuamɔ naa”. 2Kain sɛɛ lɛ efɔ enyɛmi Habel. Habel tsɔ̃ tookwɛlɔ, ni Kain tsɔ̃ okwaafonyo. 3Yɛ mli aahu lɛ Kain kɛ eŋmɔshi nii lɛ eko yashã afɔle ehã Yehowa. 4#Heb 11.4 Habel hu kɛ etoi lɛ akromɔbii ni ewo fɔ ba ekɛbashã afɔle. Yehowa hiɛ sɔ Habel kɛ efɔle lɛ; 5shi ehiɛ esɔɔɔ Kain kɛ efɔle lɛ. No hewɔ lɛ, Kain mli wo la naakpa, ni etũ ehiɛ. 6Yehowa bi Kain akɛ, “Mɛɛba omli ewo la, ni mɛɛba otũ ohiɛ nɛkɛ? 7#Gal 5.17; Rom 6.12 Aso kɛji ofee ekpakpa lɛ, ohiɛ baŋ nyam? Kɛji ofeee ekpakpa lɛ, esha bu#4.7: bu: miigbɔbi oshinaa lɛ shi, ni bo osɛɛgbɛ etaoɔ lɛ; shi bo lɛ ye enɔ kunim.”
8 #
Mat 23.35; Luk 11.51; 1 Yoh 3.12, 15 Kɛkɛ ni Kain kɛɛ enyɛmi Habel akɛ, “Hã ni wɔya ŋa lɛ nɔ wɔba.” Be ni amɛyɔɔ ŋa lɛ nɔ lɛ, Kain te shi wo enyɛmi Habel ni egbe lɛ. 9Kɛkɛ ni Yehowa bi Kain akɛ, “Nɛgbɛ onyɛmi Habel yɔɔ?” Kain to he akɛ, “Mileee; ani minyɛmi lɛ, enɔkwɛlɔ ji mi lo?”
10 #
Lal 9.12; Heb 12.24 Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi. 11Agbɛnɛ alomɔ bo yɛ shikpɔŋ ni gbɛ edaaŋ ekɛmi onyɛmi lɛ la lɛ yɛ odɛ̃ŋ lɛ nɔ. 12Kɛji ohu shikpɔŋ lɛ ebaŋ nii ehaŋ bo yɛ ehewalɛ naa dɔŋŋ. Kobɔlɔ kɛ shikpalɔ oootsɔ̃ yɛ shikpɔŋ lɛ nɔ!” 13Kain kɛɛ Yehowa akɛ, “Mitɔmɔ lɛ he nyɔmɔwoo lɛ da fe bɔ ni manyɛ matere. 14#Hiob 15.20-24 Naa, oshwie mi ŋmɛnɛ yɛ shikpɔŋ lɛ nɔ, ni matee mihe yɛ ohiɛ. Mitsɔ̃ kobɔlɔ kɛ shikpalɔ yɛ shikpɔŋ lɛ nɔ; ni mɔ fɛɛ mɔ ni aaana mi lɛ, eeegbe mi.”
15Kɛkɛ ni Yehowa kɛɛ Kain akɛ, “Dabida! Kɛji mɔ ko gbe Kain lɛ, aaatɔ Kain he owele shii kpawo.” No hewɔ lɛ, Yehowa to okadi yɛ Kain he koni kɛji mɔ ko na lɛ lɛ, ekagbe lɛ. 16Kɛkɛ ni Kain je Yehowa hiɛ etee, ni eyahi shi yɛ Nod#4.16: Nod: Shikpaa shikpɔŋ lɛ nɔ yɛ Eden bokãgbɛ.
Kain Shwiei
17Kain kɛ eŋa lɛ na bɔlɛ, ni ena musu ni efɔ Henok. Kain to maŋ ni ekɛ ebi Henok gbɛi wo maŋ lɛ. 18Henok fɔ Irad; Irad fɔ Mehuyael; Mehuyael fɔ Metushael; ni Metushael fɔ Lamek. 19Lamek ŋɔ yei enyɔ: mɔ kome gbɛi ji Ada ni mɔ kome hu gbɛi ji Zila. 20Ada fɔ Yabal, lɛ ji mɛi ni hiɔ bui amli, ni amɛlɛɔ kooloi lɛ atsɛ. 21Yabal nyɛmi lɛ gbɛi ji Yubal; saŋkutswalɔi kɛ blɛkpãlɔi fɛɛ atsɛ ji lɛ. 22Zila hu fɔ Tubalkain, ni ji ayawa nibii kɛ dade nibii fɛɛ sɔ̃lɔ lɛ; ni Tubalkain nyɛmi yoo gbɛi ji Naama.
23Lamek kɛɛ eŋãmɛi lɛ akɛ,
“Ada kɛ Zila, nyɛboa migbee toi,
Migbe oblanyo ko:
ejaakɛ epila mi.
24 #
Mat 18.21, 22 Kɛji aaatɔ Kain he owele shii kpawo lɛ,
asonɔkwa Lamek lɛ, aaatɔ ehe owele shii nyɔŋmai kpawo kɛ kpawo!”
Set kɛ Enosh
25Adam kɛ eŋa Hawa na bɔlɛ ekoŋŋ, ni Hawa fɔ binuu, ni Hawa wo lɛ Set, ejaakɛ ekɛɛ, “Nyɔŋmɔ kɛ bi kroko eto mibi Habel ni Kain gbe lɛ lɛ najiaŋ.” 26#Jɛn 12.8 Set hu fɔ binuu, ni ewo lɛ gbɛi akɛ Enosh. Nakai be lɛ mli gbɔmɛi bɔi Yehowa gbɛi tsɛmɔ kɛ lɛ jamɔ.
Terpilih Sekarang Ini:
Jɛnɛsis 4: NEGAB
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Bible in Ga Language © Bible Society of Ghana, 2020.