Saint Matthieu 3
3
1Ka name o̱kèlio̱ Jean‐Baptiste mi gui ka sa mboura an woropa an guèl Judée, ka sa: 2Oui hèkè békéfèn abaï, baï ko̱ bilkaou a nonkala mi hèdi tou. 3Jean ba kè on ko̱ prophète Ésaïe mi sa baï nè, ka sa:
Kè ba mbo̱ko̱kè on ko̱ mi bouka an woropa ba:
Oui mosso dombora Nanjou,
Oui taka wo̱wo̱k mboro nèli tane ta.
4Jean bou la pouran chameau da gna ga bi kèrè. Da laka nè ba guilali tèn jourou woropa. 5Da njoukouli an pou Jérusalem tèn kli an guèl Judée bon, da pouli bon an bèl Jourdain, kli guè monè. 6Kè nding baptême hi kli an bil mbi Jourdain ko̱ klime hèkè békéfèn aklili bi kala.
7Da ko̱ kème ko̱ pharisienli da sadducéenli nyèta ko̱ gui baï yana baptême amè, kè sa hi kli: Oui mèran béké choïli, guème ko̱ wara oui baï ngouna hèrè on ko̱ mi nding baï guina lé? 8Mono on, oui to̱ko̱ lénakè an bong aïn, ko̱ ouime hèkè békéfèn tou, 9da tane ti ba baï an ouime kèrè ka sa ka bil baï ya: Abraham ba baba na! Baï ko̱ mè sa hi oui ba Ouone ma baï féra kone aïnli tèn goundi a Abraham. 10Da kassénaï téna mana an saou dili: mono on, dili bon ko̱ mi lé bèla lénakè ya, yé kli ma koung ka wou kon hèlè. 11Babaï, mè nding baptême hi oui ka mbi, baï an ouime hèkè békéfèn baï; da kè on ko̱ gui fali kè njèrèn ta mi bon, da mè tane ga mapélékè baï bouna sabo̱ko̱ nè ya. Yé kè nding baptême hi oui ka ba Saint‐Esprit, da ka ba hèlè. 12Da fèn féna mana an ndo̱kè: da kè ma fé guèl baï wana mèrèn fèn nè tang ta. Da kè ma ndoï mèrèn mapa nè kon poul, da kè ma kon sadakèli hèlè ko̱ mi tane hou ya.
13Da on, Jésus ourou an guèl Galilée, ka gui mona Jean an bèl mbi Jourdain, an kème nding baptême hi nè. 14Da Jean ji dèna nè, ka sa: Mè ma an mome nding baptême hi mi, da mo gui moni lé? 15Da Jésus mi féré sa hi nè: Mo yèng ka ndinguè kassénaï baï ko̱ on mapélékè an name bou fal ndingna guédék bon. Da on Jean ji bo̱ko̱kè. 16Da ko̱ Jésus mi ya baptême tou, koukoulion kè tèn kala an bil mbi. Da mono, nonkala mi bourou, da kè ko̱ Esprit a Ouone mi diri gui mahana ka guédé da kaou laou toulè. 17Da mono, bounaka mi ba gui ka nonkala, ka sa: Kè ba Goune ni, ko̱ mème sé hang‐è nyèta, ko̱ mi bi wélé touli ta.
Terpilih Sekarang Ini:
Saint Matthieu 3: KBN1947
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Published by the British and Foreign Bible Society in 1947.
