Matai 23
23
Yesu ikubakemela abamanyakalata nabaFarisai
(Mar. 12,38-40; Luk. 11,37-54; 20,45-47)
1Popapo Yesu alinkufibula ifilundilo nabafundigwa bake
2alinkuti: Abamanyakalata nabaFarisai bitugesye paki-
3kota kya Mose. Syosa isi linga bikubabula, syo musibombege nukusikonga; loli imbombo syabo mungasibombaga; na-
4manga abene bikuyoba, loli batikusibomba. Bikupinya imitwalo imisito, gyo bikubabika abandu pafibeya; loli abene
5batikulonda nukugisegulapo nulobe lwabo. Syosa isi bikubomba syo bikubomba ukuti baketigwege nabandu; bikusipela nyelefu injilisi syabo, kangi bikubalula ifipeto fya
6myenda gyabo. Biganile ukutugasya pafikota ifya bwimikigwa pakulya ifindu ifya palusekelo, nukutugasya pafikota ifya
7bukulumba mmaSinagogi. Kangi biganile ukuti abandu babaponiege musokoni, nukuti abandu babayobege iya Rabi.#Rabi: ko kuti mmanyisi.
8Loli umwe komma ukuti babayobege iya Rabi, buno ummanyisi gwinu ali yumoywene, umwe mwesa muli banyamundu. 9Munganjobaga nayumo ukuya yo gwisemwe nkisu, namanga aliko yumoywene uyu yo Gwisemwe, uyu ali kumwanya.
10Komma ukuti babayobege iya bulongosi, buno undongosi
11gwinu ali yumoywene; yo yu Kristi. Unkulumba kuli
12mwesa yo isakuyaga mbombi gwinu. Gwesa uyu linga ikwiyimika mwene, yo isakwisigwaga; kangi uyu linga ikwiyisya mwene, yo isakwimikigwaga.
13Hitata kuli mwe bamanyakalata, na mwe baFarisai, mwe basyobi umwe, namanga mukubigalila abandu kubutwa bwa kumwanya; buno umwe mutikwingilamo, kangi mukubago-
14mola naba bikuti twingilege. [Hitata kuli mwe bamanyakalata na mwe baFarisai, mwe basyobi umwe, mwe mukwiputa inyiputo indali isya kulabasya, bo kuno mukulya inyumba sya bakikulu abafwile. Panongwa iyi, mwisakwambililaga ulufundo ulukulumba ukukinda.]
15Hitata kuli mwe bamanyakalata na mwe baFarisai, mwe basyobi umwe, mwe mukusyungutila munyanja na pakisu ukuti mumpindule yumo, lelo bo mumpindwile, mukumpela
16ukuya mwana gwa Gehena ukubakinda umwe kabili. Hitata mwe balongosi mwe bafwamaso umwe, mwe mukuti: Uyu linga ayiganikile mwa Tempeli bo sya itolo, loli uyu linga ikuyiganikila mwa sahabu#sahabu, bamo bikuti gold. gwa Tempeli, bo ipinyile.
17Mwe bakonyofu mwe bafwamaso umwe, fiki fikulumba, sahabu pamo Tempeli uyu ikumpela mwikemo sahabu?
18Kangi mukuti: Uyu linga ayiganikile nkigemo bo sya itolo, loli uyu linga ayiganikile nifyabupe ifi fili pamwanya paki-
19gemo, bo ipinyile. Mwe bafwamaso umwe, fiki fikulumba, ifyabupe pamo ikigemo iki kikufipela fikemo ifyabupe?
20Bunobuno lelo, uyu linga ikuyigila kukigemo, yo ikuyigila
21muli kikyo na muli fyosa ifi filipo pamwanya; na uyu linga ikuyiganikila mwa Tempeli, bo ikuyiganikila muli yuyo, na
22muli uyu ikutugasya mumo; na uyu linga ikuyiganikila kumwanya, bo ikuyiganikila kukikota kya butwa bwa Kyala, na kuli uyu itugesyepo.
23Hitata mwe bamanyakalata na mwe baFarisai, mwe basyobi umwe, papo mukupagula ifya pilongo, inyungu, akayinja, nubununia; loli ingulumba mundagilo, ubugolofu, ikisa, nulwitiko — syo musilekile; isi syo mwabagile ukusibomba
24bo mutikusileka nisingi sila. Mwe balongosi mwe bafwamaso umwe, mwe mukusuya imbwele, loli ingamila yo mukuntila.
25Hitata mwe bamanyakalata na mwe baFarisai, mwe basyobi umwe, ikinwelo nulwangabia fyo mukusuka munyuma, loli nkati bo bunyambuta butupu, nubunyonywe ubusita mpaka.
26Gwe mFarisai gwe mfwamaso ugwe, tala tasi ukusuka ikinwelo nkati, ukuti na munyuma kyelukege.
27Hitata mwe bamanyakalata na mwe baFarisai, mwe basyobi umwe, mwe mufwene namapumba aga gapakigwe umpanya, aga panja gikuboneka ubununu pakugaketa, loli nkati mo
28fiswile fi fifupa fya bafwe nubunyali bosa. Bunobuno nanumwe, munyuma mukufwana bandu bagolofu, loli nkati mo mwiswile ubusyobi nubwilangomelesyo.
29Hitata mwe bamanyakalata na mwe baFarisai, mwe basyobi umwe, mukugayengelela amapumba ga bakunguluka, muku-
30finosya ifya kukumbukilamo pamapumba ga bagolofu; kangi mukuti: Linga twaliko mmasiku ga batata, angali tukayilanile
31pamopene nabo pakona ililopa lya bakunguluka. Buno mwisisimikisye mwibene ukuya bana ba bagogabakungu-
32luka. Oko lelo, amumalisyege ikigelelo kya bisemwe.
33Mwe njoka, mwe luko lwa kitumbi umwe, mwisakububopaga
34bulebule ubulongi bwa Gehena? Bunobuno lelo nikubatumila abakunguluka, aba mahala nabamanyakalata; bamo mwisakubagogaga nukubakomela pakikohekano, abangi mwisakubakomaga mmaSinagogi ginu, mwisakubafwimaga nuku-
35bakongesya mosa ntwaya; ukuti ilopa lyosa lya bagolofu libisilege umwe, ili lyonekile pakisu, ukufuma pilopa lya ngolofu Abeli, ukwisakufika pilopa lya Zakaria unnya Barakia,
36uyu mwalingogile pakati pa-Tempeli nikigemo. Naloli nikubabula umwe nikuti: Syosa sisisi sikuyisilaga ingulilo iyi.
Yesu ikundilila Yerusalemu
(Luk. 13,34-35)
37Gwe Yerusalemu, Yerusalemu, gwe kubagoga abakunguluka nukubatika namabwe aba batumigwe kumyako, pingi apa nalondaga ukubabungania abanako, bo apa inguku yikutuba-
38fila namapiko utwanake, loli umwe mulinkukana! Keta, lelo 39mukulekeligwaga inyumba yinu ukuya kisame. Namanga nikubabula umwe nikuti, ukufuma lilino mutisakumbonaga, ukwisakufika papo mwisakutigi:
Nsayigwa uyu ikwisila mungamu ya Ntwa.
Terpilih Sekarang Ini:
Matai 23: NYY
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Nyakyusa Ngonde New Testament (Ulwitikano Ulupya) © United Bible Societies, 1966.
