Chukusakị Ḍiepakụmaye
Ḍiepakụmaye
Mịn tatarị ḍiri mị fiearịye anị “Chukusakị.” Ḍiri mị tomonikiri mị tẹmẹ ọkụ gbolomaye nwọ ḍukomẹ, tomoniḅọ ḅẹ sẹkiri ḅie sakị ḅara na, simịẹmịẹye wẹrị sakị ọkụ na, tọrụsiọrị sẹkiri ḅie sakị ọkụ na, pịkị Tamụnọ Ḅe tomoniḅọ na anga ḅara na, anị nwọ ḍukomẹ. Chukusakị mị ini ineda anị seni mama pẹkẹrẹ puḅịa:
1. Ḅẹrẹtịḅị 1—11: Tomonikiri mị tẹmẹ ḅara na pịkị tatarị sịkị olomu apụma ḅụaḅẹrẹ na. Mịanga Adam ḅe na Ivi ma na, Ken ḅe na Ebẹl ḅe na, Noa ḅe na opumengi mị na, pịkịna Babilọn Sokopi Warị mị na ḅụaḅẹrẹ anị nwọ ḍukomẹ.
2. Ḅẹrẹtịḅị 12—50: Izrẹlapụ ḅieju-aḍapụma ḅe olomusịkị-a ḅẹrẹ. Tatarịḅọ anị Ebraham ḅe-ẹ, ori anị Tamụnọ Ḅe ḅụ ḅereni nyana na, ọ̀ ḅịpịpoki na ḅụ tomoni nemi ẹrẹsoḅọ-ẹ. Anị ḍukoma ḅẹrẹ anị oria tọkụ Aịzịk ḅe na, Ebraham ḅe oria ta tọkụ Jekọb (ini pịkịna Izrẹl nwọse chịnḅọ ḅe), pịkịna Jekọb oyimaịn owuapụ awọ fịnjịma na anị ḅo Izrẹl oyimaịn sẹ fịnjịma pakụma apụ ma-ẹ. Ini kịrị tọrụ se owuapụ awọma ḅie gbọrịḅọ ḍikimẹ, anị Josẹf ḅe-ẹ, pịkịna mịẹse Jekọb ḅe na oria owuapụ awọma na inia furoma ḅo Ijipt ḅie anga ọkụ anị nwọ ḍukomẹ.
Mịn ḍiri mị tomoni ḅụa ḅẹrẹ ḍukoarị sịkị, tatarị pịkị kụrọtẹịnye anị Tamụnọ ḅe nwẹngịsa fịrịma gbakịmaye-ẹ. Sakịḅụ anị mịẹkụrọmamẹ na Tamụnọ ḅe tomonikiri mị tẹmẹmẹ; anị seni kulumaye anị Tamụnọ Ḅe ḅerenimẹ na oria tomonima gbolomaye ò gbolomama munḅịa. Ḍiri mị mgba tangboloma anịa ḅie tẹịnye anị Tamụnọ Ḅe-ẹ, ori anị ḅẹrẹkọn, pịkịna ḅụfụka seni siaye mịẹapụ ma pịrịḅọ ḅe-ẹ, ọ̀ tọrọkọda ini pịrị pịkịna ḅarachụa oria tomonima pịrịpịrịmẹ, ọ̀ pịkịna inia olomu-a ḅẹrẹ ma dagbụkụkụmamẹ. Mị olomu ḍiri mị ḅie ini tomonima Tamụnọ Ḅe ḅereni ọkụ ḅe ḅẹrẹ nwọ gịẹịn mẹ, pịkịna ḅarachụa anị ḅereni mị pịrị se anị ịnyọ nyanaḅịa ọkụ.
Ḅẹrẹtịḅị ma ọrụrụḅụ sime ọkụ mị
Tomonikiri mị na tomoni goyegoye na tẹmẹ ọkụ mị 1.1—2.25
Si mị ḅe sakị na anịa tọrụsiọrị na 3.1-24
Adam ḅe ḅụ sakịmun Noa ḅe la 4.1—5.32
Noa ḅe na opumengi mị na 6.1—10.32
Babilọn Sokopi Warị mị 11.1-9
Shẹm ḅe ḅụ sakịmun Ebram ḅe la 11.10-32
Olomusịkị iḅiapụ: Ebraham na, Aịzịk na, Jekọb ḅe na 12.1—35.29
Isọ furo ḅie awọmẹnịma 36.1-43
Josẹf ḅe na oria owuapụ mịnapụma na 37.1—45.28
Izrẹlapụma Ijipt mị ḅie 46.1—50.26
Terpilih Sekarang Ini:
Chukusakị Ḍiepakụmaye: OBTP
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
The Bible Society of Nigeria