ᒪrᐠ 10
10
ᒡᕮᙎᐢᒡᕍ ᑫᓀᕠ᙮
1ᑲᐦᗱ ᐃᐃᕠ ᐅᘚ ᓂᐃᔭ, ᑲᐦᗱ ᔪᐦᗰᐠᕊᑌᐢᕮ juᑕᐁᐊ ᕠ ᐅᕦᐃᐦᗰ jᐅrᑕᐣ ᓇᕞᗰ: ᑲᐦᗱ ᕦᓀ ᔨᐣᐠᕮᕞᐢᕮ; ᑲᐦᗱ ᕦᓀ ᐅᕦᓇuᐣ ᐊᑫᕫ ᑯᐅᐦ ᐅᕞ ᑫᐅᐊᐨ ᐊᐦᕄ ᕦᓀᑊᗃᐅᕦᕞᗱᐅ᙮
2ᑲᐦᗱ ᑉᕮrᐃᓭᐁᓀ ᔦᗰᕞᐢᕞᒡl ᑲᐦᗱ ᕦᐅᐣᕩ ᔦᐦᕠ, ᐅᗱ ᕍ ᕞᒃᐁ ᕦᘚᔪᐁ ᔦᗴᓇᐅᕃᐦu ᐊᐅᕞᒃᐃ? ᑭᑲᐅᕞᐦuᓄᐅᐦ᙮ 3ᑲᐦᗱ ᐊᕞᔭᕞᒡᕍᕊᐣ ᕤᐤᐁᐦᗱ ᔦᐦᕠᕊᐣ, ᕞᕮ ᑫᕫ ᐊᓇᑊᗀᐦᕩ ᒧᓭᐢ? 4ᑲᐦᗱ ᕤᐤᐁ ᑊᗃᕠ, ᒧᓭᐢ ᕮᕞᐦ ᐠᕮ ᐢᔦᖉᐦ ᕦᑫᐦᓂᗴᕠᐣᖆᐢᓯ ᐅ-ᐅᗴᕠᐦᕞᕬ ᐊduᐢᖆᐢᓭ, ᑲᐦᗱ ᐅᐣᗴᕤᐦᕞlᕊ᙮ 5ᑲᐦᗱ ᙏᓭᐢ ᐊᕞᔭᕞᒡᕍ ᑲᐦᗱ ᕤᐤᐁ ᔦᐦᕠ, ᓇᑊᗃdᒃᔦ ᓇᒡᓴᒡ ᐊᑫᕫ ᐊᔨ ᐃᕫ ᓇᑊᗃᘚ ᐊᗴᕞᐢᖆᐢᕊᐣ ᕠᑎ ᐢᐊ᙮ 6ᐊᐦᐤᐅᕃ ᕮᘛᕤ ᐅᘚ ᕠᑫ ᐅᕄ ᕤᐦ ᓇᑊᗃ ᒡᕮ ᕞᒃᐁ ᐅᕍ ᘛᗀ ᗱ᙮ 7ᐊᔨ ᐅᘚ ᕞᒃᐁ ᕦᒡᕮ ᐁᗯᕄ ᕤ ᗱ ᑲᐦᗱ ᕦᘚᔪᐁ ᑲᐦ ᐊᐤᐅᕠ; 8ᑲᐦᗱ ᑯᐅᐦ ᗱ ᐅᐣᑫᑊᗃᕦᕞ ᑯᐅᒡᓴᐣ ᐁᐦᕍᕤᕞᓯ: ᐊᕤ ᐅᕦᐃᐦᗰ ᐅᐣᑵᑊᗃᕤᕞᓯ ᐊᐦᐤᐅᕃ ᑯᐅᒡᓴᐣ ᐁᐦᕍᕤᕞᓯ᙮ 9ᐅ ᐊᔨ ᓇᑊᗃ ᒡᕮ ᘔᔭᑊᗀᐦᕠᗰᐃ, ᐊᕤᕄᓀ ᐃᐣᗴᑫ ᓂᔪᕃl᙮ 10ᑲᐦᗱ ᓂᕤ ᐠᐤᐊ ᐅᕦ ᔭᐅᕦᕠᐨᓀ ᕦᐅᐣᕩ ᔦᐦᕠ ᐠᐤᐊᑲ ᐃᐣᐦᕄᗁ ᘚ᙮ 11ᑲᐦᗱ ᕤᐤᐁ ᔦᐦᕠ, ᐅᕄᓀ ᐊᐢᓯᓀ ᕦᘚᔪᐁ ᐅᑌᐦᕞᕠᓀ ᐊᗱᓀ ᗱ ᒪᑲᐦᕤᐁᐦ ᐊᑯᐅᗴᐃᕃ ᐊᕞ, ᓱᗴ ᑫᐅᐊᐨ᙮ 12ᘛᗀ ᗱ ᕦᘚᔪᐁ ᐅᑌᐦᕞ, ᑲᐦᗱ ᒪᑲᐦᕤᐁᐦ ᐊᗰᕍᐃ ᐊᕞ, ᓱᗴ ᑫᐅᐊᐨ᙮
13ᑲᐦᗱ ᑭᔭᓇᓂᐦᒡᔨ ᘚᕤ ᔦᗰᕮᐃ, ᔦᑲᕤᕠᕬ; ᔭᐅᕦᕠᐨᓀ ᔭᗱᐅᕦᕞᐨ ᐊᔨ ᓇᑊᗃᓂᐦᒡᔨᓯ ᐃᕫ᙮ 14ᐊᐦᐤᐅᕃ ᙏᓭᐢ ᐤᐊ-ᐃᗰ, ᐅᐦᕞ ᐊᕤ ᒥᓂᐦᕠᑫ ᐅᑊᗁᕃᕊᐣ, ᑲᐦᗱ ᕤᐤᐁ ᔦᐦᕠ, ᑊᗃᕞᐦ ᑯᐅᔭᐢᐊᐦᕍᐦ ᘚᕤ ᔦᗰᕮᐃ ᐢᐊᗴᑊᗃᕤᕞᕄ, ᑲᐦᗱ ᐊᕤ ᓇᓇᕮᐦuᐣ: ᐊᔨ ᐃᕫ ᓇᐅ-ᐅᐃᒃᐃ ᓇᑊᗃ ᒡᕮ ᑵᔨᐦ ᘚ᙮ 15ᐠᐤᐊ ᐦᕄ ᐊᓇᑊᗃᐃᓯᐃ᙮ ᐅᕄᓀ ᐊᕤ ᓂᔭᕠᐅᕠ ᓇᑊᗃ ᒡᕮ ᑵᔨᐦ ᔦᗰᓀᑫᐦᗰ ᐊᕤ ᓇᑊᗃ ᒡᕮ ᑲᐦᗰ ᑯᐅᐤᐅᔦᒃᐃ᙮ 16ᑲᐦᗱ ᔭᑯᐅᓀ ᐃᕫ ᓂᔭᕠᐣᒡᔨᐦ, ᑲᐦᗱ ᔭᑲᕠᐦᕠᐨ, ᑲᐦᗱ ᐅᗱ ᔭᗰ ᐃᐣᑎᕞᐢᐊ᙮
17ᑲᐦᗱ ᔨᕦᐃ ᕞᐢᕮ ᐊᒡᑊᐦuᐣᓂ ᑫᐦᗰ, ᐁᐦᕍᐃᒡᔨ ᔪᐦᗰᑌᐢᕮ ᑊᗃᒡᕃlᐦu, ᑲᐦᗱ ᔭᗰᓇᗱᐢᕦᕦᕄᐦ, ᑲᐦᗱ ᕦᐅᐣᕩ ᔦᐦᕠ ᕤᐤᐁ, ᐅᗱ ᕦᓀᗰᐅᒡᔨᕬ, ᕦᐤᐅᐢᐦᕍᐃᕞᐊ ᐊᐦᕦᒃᐁ ᐤᐅᐢᕦᒃᐅᐣᕮ? 18ᑲᐦᗱ ᙏᓭᐢ ᕤᐤᐁ ᔦᐦᕠ, ᔦᕭᐅ ᑊᗃ ᐅᗱ ᐃᐣᑎᕞᐢᐊ ᓯᐣᑎᕊᐣ ᕮ? ᐊᕤᕄᓀ ᐅᗱ ᐅᐣᕞ ᐁᐦᕍᐃᕠ ᒃᐅᐣ, ᐊᔨ ᕠᑫᐊᐅᒡᕄ᙮ 19ᐢᐊ ᘚᐤᐅᐦᒃᐅᐣ ᐊᕦᓇᕠ, ᐊᕤ ᓱᗴ ᐊᐅᐣᕦ, ᐊᕤ ᗱ ᕦᓀ ᒃᐊᐅᕫl, ᐊᕤ ᗱ ᐊᓇᐅᐃᐦ, ᐊᕤ ᗱ ᑫᘛᕄᕭᐅ ᘚᐤᐅᕦᕭᐅᐣᕠᐨ ᓀᐅᕠᓄᐅ, ᐊᕤ ᗱ ᕦᓀ ᓇᐤᐅᐊᐦ, ᐅᐦᕞ ᕦᑊᗂᐅᐣᗴ ᓇᒡᕮ ᗱ ᓄᐅ ᗱ᙮ 20ᑲᐦᗱ ᐊᕞᔭᕞᒡᕍᕊᐣ ᕤᐤᐁᐦᗱ ᔦᐦᕠ, ᕦᓀᑊᗃᐅᕦᕠᐨ, ᐊᒡᕫ ᕠᑎ ᑲᒪ ᐃᐣᑎᕞᐃᐃᐦ ᔦᐢᕬᐦᕤ ᐅᘚ᙮ 21ᑲᐦᗱ ᙏᓭᐢ ᔭᑲᐃᐦᒡᕮ, ᔪᐣᕞᐦ, ᑲᐦᗱ ᕤᐤᐁ ᔦᐦᕠ, ᐁᐦᕍᐃᕠ ᐅᕄ ᓇᐃᐣᗰ ᕞᐦᒡᓴᒡ: ᐅᕠᐣᕦ, ᐊᓀᕬᓯ ᐊᓀᕞ ᒪᕦᑊᗃᓀᕄ, ᕞᕦᐃᐢᐊᓇᐃᓀ ᗱ ᑊᗃᕦᓇᕃ, ᑯᐅᐦ ᐅᐦᕞ ᓇᕦᕤᒡᕊᓯ ᔭ ᕞᐦᗰ: ᑲᐦᗱ ᔪᐦᗰᑎᔭ, ᑲᐦᗱ ᓂᓇᐅᕠᐊᐦ ᐊᔨ ᓱᑲᕠᔭ-ᐃ, ᑲᐦᗱ ᐢᐊᑫᐦᕠᔭ᙮ 22ᑲᐦᗱ ᐊᕤ ᐅᗱ ᐃᐣᑎᕞᐢᐊᕊᐣ ᐊᔨ ᐢᐊ ᕦᗰ, ᑲᐦᗱ ᔨᕦᐃᕞᐢᕮᕊᐣ ᐊᕤ ᑫᓀᕄ ᐃᕫ: ᐊᕦᓀ ᐅᐦᕞ ᐅᕄ ᓇᒡᕊᐣ ᐊᔦᕬᕊᐣ᙮
23ᑲᐦᗱ ᙏᓭᐢ ᐠᕊᑲᓇᒡᕮ, ᕤᐤᐁᐦᗱ ᔦᐦᕠ ᔭᐅᕦᕠᐨᓀ, ᕞᐤᐅᕞ ᐊᕦᒡᕍᕞ ᐊᔨᓀ ᒪᕦᕠᐣᒡᕊᓀ ᐠᐤᐁᐤᐅᐅᕞᕍᐢᓯ ᓇᑊᗃ ᒡᕮ ᓇᕦᑊᗀ ᘚ! 24ᑲᐦᗱ ᔭᐅᕦᕠᐨᓀ ᔭᒃᐊᑫ ᑲᐅᑊᐦulᕄ᙮ ᐊᐦᐤᐅᕃ ᙏᓭᐢ ᐊᕞᔭᕞᒡᕍ ᑲᐦᗱ ᕤᐤᐁᐦᗱ ᔦᐦᕠ, ᘚᕤᐦᑲᐃᓀ, ᕦᐦᕞ ᐃᐣᑕᒡᕍᐅᐦ ᐊᔨ ᑭᔭᓱᕄ ᒣᐦᒣᕫᕦᕠᐣᒡᕊᐣ ᐠᐤᐁᐤᐅᐅᕞᕊ ᓇᑊᗃ ᒡᕮ ᒪᕦᑊᗀ ᘚ! 25ᐊᔨ ᑵᐅᕤᐣᓂ ᑊᗃᕦᐃ ᐠᐤᐁᐤᐅᒡᔨᒃᐅ ᐊᐯᘚᗯ ᑲᐅᑯᐅᑎ, ᐅ-ᐅᗰ ᒪᕦᕠᐣᒡᕊᐣ ᐁᐦᕍᐃᕠ ᕞᒃᐁ ᐠᐤᐁᐤᐅᔭ ᓇᑊᗃ ᒡᕮ ᓇᕦᑊᗀ ᘚ᙮ 26ᑲᐦᗱ ᐅ-ᐅᗰ ᑊᗃᐅᑊᗃᕄ, ᕤᐤᐁ ᐦᕍᑊᗃᕦᕠ ᐃᕫ, ᒣᐊ ᒣᗱᐊ ᐊᑊᗃᕤᕦ? 27ᑲᐦᗱ ᙏᓭᐢ ᔭᑲᐃᒡᕮ ᕤᐤᐁ ᔦᐦᕠ, ᕦᓀ ᕍ ᐊᕤ ᑯᐅᑫᗰ ᓂᐅᐣᘚᒡ, ᓇᑊᗃ ᒡᕮ ᕍ ᐊᕤ ᑯᐅᐦ ᕭᐅᐣᕞ: ᐊᕮ ᐊᕦᓀ ᓇᑊᗃ ᒡᕮ ᐊᒡᕫᒃᐃ ᐅᕄ ᒪᕫᗰ ᓂᐅᐣᒡᓴᒡ᙮
28ᑲᐦᗱ ᐯᕞr ᕤᐤᐁ ᒡᔨ ᐁᐦᕠ, ᓀᐊ ᐊᓀᕞ ᑵᗱ ᕦᓯᕞᒡl, ᑲᐦᗱ ᓇᑊᗃᑵᐦᕦᓯᕞᒡᕄᐃᐦ᙮ 29ᑲᐦᗱ ᙏᓭᐢ ᐊᕞᔭᕞᒡᕍ ᕤᐤᐁᐦᗱ ᔦᐦᕠ, ᐠᐤᐊ ᐦᕄ ᐊᓇᑊᗃᐃᓯᐃ, ᐊᕤᕄᓀ ᐅᕄ ᑵᑊᗃᗯᕄᕬᓀ ᓂᕤ ᐠᐤᐊ, ᒣᑵ ᑯᐅᕃ, ᒣᐦᒡᑊᗁᒃᒃᐁ ᑯᐅᕃ, ᒪᒡᕮ ᑯᐅᕃ, ᒪ ᑯᐅᕃ, ᒪᘚᔪᐁ ᑯᐅᕃ, ᒪᐢᑵᗀ ᑯᐅᕃ, ᒪᘔᒡᕃ ᑯᐅᕃ, ᓴᓂ ᐃᕫ, ᑲᐦᗱ ᐅᕠᐨ ᐅᗱ ᐃᕫ, 30ᐊᐦᐤᐅᕃ ᐅᘚᓂᕤᐊᕍᐢᓯ ᑫᐅᓀᒡᔨ ᑫᒡᔨ ᐅᕞᐦᗯ ᐁᓀᒡᔨ ᕤ, ᓂᕤ ᐠᐤᐊᓀ, ᒣᑵ ᗱ, ᒣᐦᒡᑊᗁᒃᒃᐁ ᗱ, ᒪᒡᕮ ᗱ, ᒪ ᗱ, ᒪᐢᑵᗀ ᗱ, ᒪᑵᔨᐦ ᗱ, ᑲᐦᗱ ᘕᐅᑲᕦᔭᑊᗁ ᗱ; ᑲᐦᗱ ᐊᗱ ᕠᑫ ᘚ ᑊᗂᓂᐅᓂᒃuᒡ ᐊᕞ ᐠᐤᐃᐦᒃᐅᐣ ᐁᐦᗴᑊᗃᕦᐃ᙮ 31ᐊᐦᐤᐅᕃ ᓇᒡᕊᓀ ᕮᕍᑎ ᐊᕠᓀ ᕮᐃᐢᒡᕍᗰ ᐊᐤᐅᕞᐃᐢᓯ; ᑲᐦᗱ ᕮᐃᐢᒡᕍᗰ ᐊᕠᓀ ᕮᕍᑎ ᐊᐤᐅᕞᐃᐢᓯ᙮
32ᑲᐦᗱ ᐊᒡᑊᐦuᐣᓂ ᐊᑊᗃᕠᐃ jᐁruᐢᐊᕃᑦ ᐅᘚ ᑊᗃᕞᐢᕞᒡᕊ; ᑲᐦᗱ ᙏᓭᐢ ᔭᑊᗃᕞᐢᕮ: ᑲᐦᗱ ᑲᐤᐅᑊᐦuᕄ; ᑲᐦᗱ ᑭᔭᐦᓭlᕊ ᐅᓂᑊᗃᓂᕞᒡᕊᐣ᙮ ᑲᐦᗱ ᓂᔭᕠᕍ ᑫᓀᕠ ᐅᐣᑫᕠ ᒪᒡᕮ ᑲᐦᗱ ᔭᕦᕦᕠ ᔦᓱ ᔪᐦᓂᔨ ᐃᕫ, 33ᕤᐤᐁ ᐁᐦᕠ ᐃᕫ, ᓀᐊ jᐁruᐢᐊᕃᑦ ᐅᘚᕦᕞᒡl; ᑲᐦᗱ ᕦᓀ ᗱᐁ ᓂᔭᕤᐦᕞᕍᐢᓯ ᕦᓀᑊᗃᐅᕦᕠᐨ ᒡᔨᔨᓀ, ᐊᑌᐢᖆᐢᓀ ᗱ; ᐃᐣᑲᐃ ᒪᒃᐁᘛ ᐅᕄ ᑭᔦᐦᒡᕊᐣ, ᑲᐦᗱ ᑭᔭᓂᔪᕞᕃᐢᓯ ᐊᗱᓀᓀ; 34ᑲᐦᗱ ᑭᔭᗴᐅᗯᓯ, ᑲᐦᗱ ᑭᑲᕤᕤᒃᐊᐢᓯ, ᑲᐦᗱ ᑭᑵᕭᐅᒃᐁᑲᐢᓯ, ᑲᐦᗱ ᑭᒃᐅᕫᕍᐢᓯ: ᕦᐃᕠ dᒃᐃᓀᐁ ᐊᐤᐅᐅᗯ ᐊᕞ ᘚᕠᑫ ᓇᐤᐅᐅᕞᐃᐢᓯ᙮
35ᑲᐦᗱ jᐊᒣᐢ ᗱ ᙓᐣ ᗱ, ᒃᐁbᐃᑌᐁ ᗱᐁ, ᔭᗰᑌᐢᕮ ᕤᐤᐁ ᔦᐦᕠᐁ, ᕦᓀᑊᗃᐅᕦᕞᗰ, ᑯᐅᐦ ᑯᐅᐢᕠ ᐊᑊᗃᐊᐤᐅᕠ ᐊᑯᐅᕠᕠ ᓯᑯᐅᐦ᙮ 36ᑲᐦᗱ ᕤᐤᐁ ᔦᐦᕠ, ᔦᐊ ᐢᐊᗰ ᓂᐅᐣuᓇᐢᓯᒡ ᓇᑊᗃᗴᓇᐢᕠ? 37ᑲᐦᗱ ᕤᐤᐁ ᑭᔦᐦᕠ, ᐊᑊᗃᓂᐊᐦ ᓱᑲᐦ ᐅᑵᕠᐦ, ᐁᐦᕍᐃᕠ ᒣᕭᐅᓇᕠ, ᐦᕄᗁ ᐅᐢᖉᑊᗃᒃᐃᐦᕞ, ᓇᗴᕠᐣᗴᐃ ᑫᕫ᙮ 38ᐊᐦᐤᐅᕃ ᙏᓭᐢ ᕤᐤᐁ ᔦᐦᕠᐃ, ᐊᕤ ᐊᕦᐤᐊᐦᕠ ᐅᕄ ᐅᕦᐦᑵᕠ: ᐊᕤ ᒥᕫ ᕤᐤᐊᐦᕤ ᕍ ᐊᔨ ᘔ ᒣᐦᕤᑊᗃᐢᕤᐃᐃ? ᑲᐦᗱ ᕤᓇᑊᗃᑫᗱᐦᖇᕠ ᐊᔨ ᒣᐦᕦᓀᐠᕮᐃᘚᖇᕠ ᐊᔨ ᐃᕫ ᓀᐦᐢᐊᑲᐃᗰᐦᖇᕠ? 39ᕤᐤᐁ ᑭᔦᐦᕠ, ᐊᕤ ᐊᕮᐣᑕᒡᕍ᙮ ᑲᐦᗱ ᙏᓭᐢ ᕤᐤᐁ ᔦᐦᕠ, ᐠᐤᐊ ᐦᕄ ᕤᐤᐊᐦᕤᐃᐢᓯ ᘔᐁᐦ ᐃᐁᕠ ᐅᘚ ᕤᑊᗃᐢᕤᑌ; ᑲᐦᗱ ᐊᔨ ᒣᐦᕤᐠᕮᐃᘚᐦᖇᕠ ᒥᕫ ᕤᐢᐊᑫᗰᐦᖇᕠᐃ ᐃᕫ ᐊᔨ ᐃᕫ ᒥᕫ ᓇᑊᗃᑵᗱᐦᖇᕦᐢᓯ: 40ᐊᐦᐤᐅᕃ ᐤᐅᐢᒡᔨ ᗰᓯᐣᗰ ᗱ ᕦᔭᑊᗀᕠᗱ ᐅᐢᖉᑊᗃᒃᐃᐣᕞ ᐊᕤ ᓯ ᓭᓇᕤᐣᓀ ᐁᕄ ᑲᐅᐊᕄ; ᐊᐦᐤᐅᕃ ᑯᐅᔭᗱᕃᕍᐢᓯ ᐊᔨᓀ ᑯᐅᔭ ᐢᐅ-ᐅᗯᓴᐣᓀ, 41ᑲᐦᗱ ᑫᓀᒡᔨᓀ ᐊᑊᗃᕠᒡᓴᐠ ᗰ ᐅᐦᕞ ᐊᕤ ᔭᘚ ᑵᕮᓀᕄᕊᐣ jᐊᒣᐢ ᗱ ᙓᐣ ᗱ᙮ 42ᐊᐦᐤᐅᕃ ᙏᓭᐢ ᕞᗰ ᔦᐦᕠᕊᐣ ᕤᐤᐁᐦᗱ ᔦᐦᕠ, ᐊᕦᐤᐊᐦᕠ ᐊᔨ ᑫᗴᓀᐦᕩ ᑫᕫ ᑭᑲᐅᒡᓴᒡᕠ ᐊᔨ ᐊᗱᓀ ᑯᐅᔭᑫᐅᕃᐨ; ᑲᐦᗱ ᑯᐅᕦᐃᒡᔨᔦ ᑯᐅᔭᑊᗃᕦᐦ᙮ 43ᐊᐦᐤᐅᕃ ᓇᑊᗃᐃ ᐊᕤ ᑯᐅᐦ ᐊᑫᕫ ᓇᑊᗃᐦᕞᐃᐢᓯ: ᐊᐦᐤᐅᕃ ᐊᔨ ᑯᐅᓄᐅᗱ ᐢᐊᗴᕤᐦᗴ ᑯᐅᕠ, ᓇᑊᗃᓂ ᐊᔨ ᓇᑊᗃ ᑫᐅ-ᐅᕠᗴᐢᓯ: 44ᑲᐦᗱ ᐅᕄᓀ ᐊᐢᓯᓀ ᓇᑊᗃᓂ ᐃᕫ ᕮᕍᑎ ᒥᐃᐣᑎᗴᕤᐁᓯ ᐅ-ᐅᗰ ᗴᕤᐦᗴᐃ ᑊᗃ, ᕦᓀ ᑊᗃ ᑫᐅ-ᐅᕠᗴᐢᓯ ᐊᗴᓀᕞ ᑊᗃ᙮ 45ᐊᔨ ᐊᑊᗂᐅ ᕞᒃᐁ ᗱᐁ ᐊᕤ ᒪᑫᐅᗴᕠᗰ ᐃᕫ ᔪᐦᗰᑌᔭ, ᐊᐦᐤᐅᕃ ᕦᓀ ᑊᗃ ᑫᐅ-ᐅᕠᗴᐢᓯ, ᑲᐦᗱ ᐠᕮᐅᐊlᕊ ᔦᑊᗃᕦᐃᓯ ᓇᒡᕊᓀ ᔭᕦᗰ ᐅᕦᓀ᙮
46ᑲᐦᗱ ᓂᑊᗃᓂᐣᕞᒡl jᐁrᐃᗱ: ᑲᐦᗱ jᐁrᐃᗱ ᐅᘚ ᕮᕦᔭᐅᐦ ᔭᐅᕦᕠᐨᓀ ᗱ ᕦᓀ ᓇᒡᕊᓀ ᗱ, ᒪᕦᐃᕤᐁᕬ bᐊrᕠᒪᐁuᐢ, ᗱᐁ ᕠᒪᐁuᐢ, ᕠᐣᑯᒃᒃᐁ ᐢᐊᕦᐦ ᕞᗰᕬ ᐃᕫ᙮ 47ᐊᕠᒡᓴᐠ ᗰ ᐊᔨ ᙏᓭᐢ ᓇᒃᐊrᐁᒡᐦ ᗰᐦᕦᕞᒃuᒡᕠ, ᐅᐦᕞ ᒡᔨ ᐅᕞᐢᕦ, ᑲᐦᗱ ᕤᐤᐁ ᔦᐦᕠ, ᙏᓭᐢ ᓇᐃ ᗱᐁ ᑕvᐃd, ᓱᐣᗱᐅᓇᔭ᙮ 48ᑲᐦᗱ ᓇᒡᕊᓀ ᔭᕦᕠ ᐊᕤ ᐊᐤᐅᕠᕬ ᑊᗃ: ᕭᐅᐣᕞ ᐅᕄ ᐅᕦᐃᐦᗰ ᐅᐦᕞ ᐅᕞᐢᕦ, ᑕvᐃd ᗱᐁ, ᓱᐣᗱᐅᓇᔭ᙮ 49ᑲᐦᗱ ᙏᓭᐢ ᐦᕄᓂᓂᔭ, ᑲᐦᗱ ᐠᐤᐁᕮᑫᕫ ᐁᐦᕠ᙮ ᑲᐦᗱ ᕞᗰ ᑭᔦᐦᕠ ᐊᔨ ᕞᒃᐁ ᒪᕦᐃᕤᐁᕬ, ᕤᐤᐁ ᑭᔦᐦᕠ ᐃᕫ, ᑵᓀᓀᕄ, ᓂᐃᔭ; ᕞᗰ ᓀᐦᕠ᙮ 50ᑲᐦᗱ ᐅᔭᑌᐦᗱᐢ ᔨᐊᕞᐦᕦᑲᑎ, ᓂᐃᔭ, ᑲᐦᗱ ᙏᓭᐢ ᘚdᔦᐢᕮ᙮ 51ᑲᐦᗱ ᙏᓭᐢ ᐅᕞᐢᕦ ᕤᐤᐁᐦᗱ ᔦᐦᕠ, ᔦ ᐢᐊᗰᓂᐅᐣuᓂᓯᕦ ᐊᐣuᐢᕃᕮ? ᐊᔨ ᒪᕦᐃᕤᐁᕬ ᕞᒃᐁ ᕤᐤᐁ ᐁᐦᕠ, ᐊᑊᗃᑊᗁᐣᕦᐃ, ᓭᕦᐃ ᐢᐊᓇᐅᐣᒡᕄᕬ᙮ 52ᙏᓭᐢ ᕤᐤᐁ ᔦᐦᕠ, ᕦᐃᐦᗰ ᐅᕠᐣᕦ; ᓇ-ᐃᕫ ᓇᑊᗁᐣᕦ᙮ ᐃᐃᕞᕞᐦ ᒪᕦᐃ ᓇᐅᒡᕄ, ᑲᐦᗱ ᙏᓭᐢ ᑵᐦᕞᐢᕮ ᐊᒡᑊᐦuᐣᓂ᙮
Terpilih Sekarang Ini:
ᒪrᐠ 10: BE86SY
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
first published by the Society for Promoting Christian Knowledge (SPCK), 1886.
