उत्पत्ति 12
12
परमप्रभुं अब्रामयात ल्ययादीगु
1परमप्रभुं अब्रामयात धयादिल, “छ थः बूगु दे, थःथिति व थः बौया छेँ त्वःताः जिं क्यनेत्यनागु देशय् हुँ।
2“जिं छंगुपाखें तःधंगु जाति दय्के बी,
जिं छन्त आशिष बी।
जिं छन्त नांजाःम्ह मनू दय्के,
अले छंगुपाखें मेपिन्त आशिष बीके।
3छन्त आशिष ब्यूपिन्त जिं नं आशिष बी,
छन्त सराः ब्यूपिन्त जिं नं सराः बी।
छपाखें हे संसारय् च्वंपिं
दक्व जातितय्सं आशिष काइ।”
4परमप्रभुं हुँ धकाः धयादीगु थासय् अब्राम वन। लोत नं व नाप वन। अब्रामं हारान त्वःतूबलय् व ७५ दँ क्यनाच्वंम्ह खः। 5अब्राम थः कलाः साराई, थः काय्चा लोत व हारानय् थःयाके दुगु दक्व सम्पत्ति, दास-दासीत ज्वनाः कनानपाखे वन। 6अब्राम व देश जुयाः शकेमय् थ्यंकः वल। अन इपिं मोरे धाःगु थासय् सिमा क्वय् बाय् च्वन। अबलय् थ्व थाय् कनानीतय्गु खः।
7अले परमप्रभुं अब्रामयाथाय् झायाः धयादिल, “जिं थ्व देश छिमि सन्तानयात बी।” अले अब्रामं वयाथाय् झाःम्ह परमप्रभुया लागि अन छगू वेदी दय्कल। 8अनंलि व छगू पहाडपाखे वनाः अन पाल ग्वयाः च्वन। थ्व पहाडया पच्छिमपाखे बेथेल व पुर्बपाखे ऐ धयागु थाय् लाः। अन वं परमप्रभुया निंतिं छगू वेदी दय्काः परमप्रभुयात प्रार्थना यात। 9थुकथं व थाय् थासय् जुयाः नेगेव पाखे स्वयाः वनाच्वन।
अब्राम व साराई मिश्र देशय्
10अबलय् अन तसकं अनिकाल जूगुलिं अब्राम छुं ईया लागि मिश्र देशय् च्वंवन। 11मिश्र देशय् थ्यनिथें च्वंकाः वं थः कलाः साराईयात धाल, “छ तसकं बांलाः। 12मिश्र देशय् च्वंपिन्सं छन्त खन कि, ‘थ्व ला वया कलाः खनि’ धकाः धाइ। अले इमिसं जितः स्याइ, छन्त धाःसा स्याइ मखु। 13उकिं छं छ जिमि केहेँ खः धकाः धा। अले इमिसं छंगु लागि जितः बांलाक व्यवहार याइ, जितः नं स्याइ मखु।”
14अब्राम मिश्र देशय् थ्यंबलय् अन च्वंपिन्सं वया कलाःयात तसकं बांलाःम्ह खन। 15दरबारया मनूतय्सं वयात खनाः इमिसं फारोयाथाय् वनाः वयागु तारिफ यात। अले वयात दरबारय् यंकल। 16फारों वयागु लागि अब्रामयात बांलाक व्यवहार यात। अब्रामयात सा, फै, गधा, ऊँट व दास-दासीत बिल।
17परमप्रभुं अब्रामया कलाः साराईया कारणं फारो व वया परिवारयात ततःधंगु ल्वय् छ्वयाहल। 18अले फारों अब्रामयात सःताः ब्वःबिल, “छं जितः छु यानागु? छं व थः कलाः खः धकाः छाय् मधयागु? 19छं छाय् वयात छिमि केहेँ धकाः धयागु? उकिं जिं वयात थः कलाः यायेत थन हयागु खः। थ्व छिमि कलाः खः, थ्वयात ज्वनाः हुँ।” 20अनंलि फारों थः मनूतय्त वया बारे उजं बिल। अले इमिसं वयात, वया कलाः व वयाके दुगु फुक्कं सम्पत्तिनापं अनं छ्वल।
Terpilih Sekarang Ini:
उत्पत्ति 12: NEW
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2024 Nepal Bible Society, Newa Christian
Literature Center and Wycliffe Bible Translators, Inc.