URA TIN AYRA 5
5
Njafna vi Adam tew ta ta eg Nowa
1Gola ni sem suu njaf suu vi Adamma. Hu li ma Lona min suu warna, ni nam lasi ko tamba na.#Ura 1.27-28 2Nam min sana u cara, nam paɗ vunum ki kasiya, tinisi sesi ana suu warna, ni hu buu ma nam minisina gaw.#Mat. 19.4; Mark 10.6
3Adam li basara kis duk dok-hindi, nam hin vuɗ goona ko namma may, tinim sem ana Set. 4Ŋgoo vuɗta vi Set ni Adam li basara kis kis dok-kalavandi, nam hin vuɗ gor njufiina u gorɓiina lay. 5Ŋgoo dagan Adam li basara 930 ni nam miɗa.
6Hu li ma Set li basara kis duk vadl ni nam vuɗ go njufna sem ana Henok. 7Ŋgoo vuɗta vi Henoki Set li basara 807 ni nam vuɗ gor njufiina u gorɓiina. 8Hu li ma basaɗam li 912 nam miɗa.
9Hu li ma Henok li basara dok-tleeŋe ni nam vuɗ go njufna sem ana Kenan. 10Ŋgoo vuɗta vi Kenanni Henok li basara 815 nam vuɗ gor njufiina u gorɓiina. 11Hu li ma basaɗam li 905 nam miɗa.
12Kenan li basara dok-kiɗisiya nam vuɗ go njufna sem ana Melaleel. 13Ŋgoo vuɗta vi Melaleel ni Kenan li basara 840 nam vuɗ gor njufiina u gorɓiina. 14Hu li ma basaɗam li 910 nam miɗa.
15Hu li ma Melaleel li basara dok-karkiya yam vadl ni nam vuɗ go njufna yam ana Yered. 16Ŋgoo vuɗta vi Yered ni Melaleel li basara 830 nam vuɗ gor njufiina u gorɓiina. 17Hu li ma basaɗam li 895 nam miɗa.
18Hu li ma Yered li basara 162 nam vuɗ go njufna sem ana Henok. 19Ŋgoo dagan vuɗta vi Henokŋi Yered li basara kis kis kalavandi, nam vuɗ gor njufiina u gorɓiina. 20Hu li ma basaɗam li 962 nam miɗa.
21Hu li ma Henok li basara dok-karkiya yam vadl nam vuɗ go njufna sem ana Matusalem. 22Ŋgoo vuɗta vi Matusalemmi Henok li basara kis kis hindi, nam hum u Lona ni nam vuɗ gor njufiina u gorɓiina. 23Nam li basara 365. 24Nam poy u voɗta vi Lonara, hum u Lona cocoo lay, li ma nam kal huna sa wam kaɗi, kay Lona tlam kolo egemu.#Jud 14; Heb. 11.5
25Hu li ma Matusalem li ki basara 187 nam vuɗ go njufna sem ana Lemek. 26Ŋgoo dagan vuɗta vi Lemekŋi Matusalem li basara 782, nam vuɗ gor njufiina u gorɓiina. 27Matusalem basaɗam li ki 969 nam miɗa.
28Hu li ma Lemek basaɗam li 182 nam vuɗ go njufna. 29Nam tinim sem ana Nowa, ni di anaba, «Goo namma hin ɗiliygi iriygi hu las maygira u sunda aygi ka laɗ kay ndaŋgara Yawe gaɗ vunna wanda.» 30Ŋgoo vuɗta vi Nowa ni Lemek li basara 595 nam vuɗ gor njufiina u gorɓiina. 31Hu li ma basaɗam li 777 nam miɗa.
32Hu li ma Nowa basaɗam li 500 nam vuɗ gor njufiina hindi, Sem, Kam, u Jafet.
Terpilih Sekarang Ini:
URA TIN AYRA 5: BMS
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Bible Moussey © Bible Society of Chad, 2002.