Kufita 1
1
À ce inɛi Izirɛli ŋa aru ilɛi Ezibiti
1Irii amai Izirɛli ŋa iyi à nɛ ilɛi Ezibiti do Zakɔbu do kpasɛ̃ nŋa ŋau wee. 2Rubɛ̃ɛ do Simeɔ̃ do Levii do Zudaa 3do Isakaa do Zabulɔ̃ɔ do Bɛnzamɛɛ 4do Dãa do Nɛfitali do Gadi do Azɛɛ. 5Inɛ ŋa iyi à jɛ inɛi Zakɔbu ŋa à wɛɛi fei sãa sãa aŋa kitaò fɛɛwa. Waati bɛɛbɛ fei Zozɛfu takaɛ à wa Ezibiti tã. 6Si anyii adɔ̃ nkpɔ Zozɛfu à ku nɔ bɛɛbɛ mɔi igbãɛ ŋau do ifɔɛu hee do inɛ ŋa iyi à jɛ saaɛ ŋau fei à na à ku. 7Amma tɔkui Izirɛli ŋau à bà ama nkpɔ nkpɔ nɔ à na à kpɔ à kɔ̃ɔsi jiida hee ilɛu à kɔ̃, nɔ à nɛ gbugbã nla nla.
8Si anyii nŋu, inɛ mmu gɔi à na à jɛ ilaalui Ezibiti iyi kù mà yaasei Zozɛfu. 9Nɔ à sɔ̃ inɛɛ ŋa à ni, i cɔ ŋa. Inɛi Izirɛli ŋa à kpɔ nɔ à nɛ gbugbã à re wa. 10Na nŋu, ka ce lasabu jiida, nɔ ka dɛ kpãa gɔ iyi á jɔ̀ akpɔ nŋau ku kaye, domi bii igũ à na à dede aa na a ce anu akã do mbɛɛ nwa ŋa nɔ a jɛ wa igũ a bɛi a fita hai si ilɛu a nɛ.
11Ŋɔi inɛi Ezibiti ŋau à cica inɛ ngboi icɛ ŋa ku ba inɛi Izirɛli ŋa a ya maa ce nŋa icɛi aru ŋa. Bɛɛbɛi à tilasi ŋa a ma ilu nlai Pitomu do Ramusɛsi, tengi bii Faraɔ̃ á nɛ aka nla nla ŋa. 12Amma bɛi à waa kpã ŋa iju fei bɛɛbɛ mɔi akpɔ nŋa à kɔ̃ɔsi wa koo. Ŋɔi à jɔ̀ inɛi Ezibiti ŋau à cé ŋa hee à caa, 13nɔ do inɔ kukãi à dasi ŋa icɛi aruu. 14À ya jɔ̀ kuwɛɛ nŋa ku ro do icɛi aru ŋa, domi do inɔ kukãi à ya tilasi ŋa a koo a tu amà wa a na a ceò biiki ŋa. Nɔ à ya tilasi ŋa má a ce icɛi iko ŋa fei do icɛ dimi ikã ikã fei.
Faraɔ̃ wa kpã inɛi Izirɛli ŋa iju
15Inaabo woo bà inÉ› Å‹a aÅ‹a minjii à waa ce icÉ› bi inÉ›i Ebɛɛ Å‹a. InÉ› akã à ya kpoo Sifura, inÉ› akã mÉ” Pua. AÅ‹a minji fei inÉ›i Ebɛɛ Å‹ai. ÅŠÉ”i ilaalui Ezibitiu à na Å‹a wooda, 16à ni, bii aboi inÉ›i Ebɛɛ Å‹a à waa bi a bÃ, i ya cÉ” amau ku ce ncɛɛ Å‹a. Bii ama inÉ›mÉ”kÉ”i i kpaa Å‹a, bii à jÉ› ama inaabo mÉ”i i jɔ̀ɔ Å‹a.
17Amma inaabo woo bà inɛ ŋau à waa jirima Ilaaɔ̃, nɔ a kù waa ce mii iyi ilaaluu à sɔ̃ ŋa, à ya jɔ̀ amu ŋau a maa wɛɛ nŋai. 18Ŋɔi ilaaluu à kpe ŋa à bee ŋa à ni, na mii à jɔ̀ ì waa ce bɛɛbɛ ŋa, ì jɔ̀ ama inɛmɔkɔ ŋau à waa wɛɛ nŋa ŋa. 19Ŋɔi à jɛa Faraɔ̃ à ni, inaaboi Ebɛɛ ŋa a kù jɛ bɛi inaaboi Ezibiti ŋa, domi à nɛ gbugbã. Bii à waa bi a bà à ya bii hee ka maa to.
20Si bɛɛbɛi, inɛi Izirɛli ŋau à teese à kpɔ à waa kɔ̃ɔsi nɔ à nɛ gbugbã jiida. Nɔ Ilaaɔ̃ à nyisi inaabo woo bà inɛ ŋau jiida ku jɛɛ, 21nɔ à jɔ̀ aŋa mɔ à bi amu ŋa, si na iyi à jɔ̀ à waa jirimaɛ. 22Ŋɔi Faraɔ̃ à na inɛɛ ŋau fei wooda à ni, ama inɛmɔkɔ iyi inɛi Ebɛɛ ŋa à bà fei i nyɔ ŋa si inɔ ido nla iyi à ya kpe Niliu ŋa, nɔ i jɔ̀ ama inaabo ŋau fei a maa wɛɛ ŋa.
Terpilih Sekarang Ini:
Kufita 1: MKL
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
2021, SIM International et UEEB