Ayat Alkitab yang Popular daripada Yṳ̂ha 6

Kongsi

Dě Běcǎ Yeshǔ hî̌shěshu asî kû̌, “He mî̌ shǎǎ dǒ a ǐ kòyò ta̤htûpwa̤ hǒ. Kòyò dǒ a hètǒ̤ dǒ heô̌ nu, a sǎwǐsǎô pe tôkhò̌꤮ tô̤̌. Kòyò dǒ a yṳ̌ǎ he nu, a sǎôpe tôkhò̌꤮ tô̤̌.

Yôla Plò̌shǐ Běcǎnu a ǐ ta̤htûpwa̤ tûjû̌pwa̤. Kòyò hǎkhû̌phû̌nu, a ǐ jò ta̤htûpwa̤ tûjû̌pwa̤ tô̤̌. Yô̤̌ dǒ he hî̌bǎ sî tokhlǒ numî̌, Yôla Plò̌shǐ Běcǎ a ta̤hî̌bǎ tokhlǒ dě a ǐbò̌ kòyò ta̤htûpwa̤ tûjû̌pwa̤.

Jî̌pwǐ̤ ma̤pû shǎǎ lǎ̤ǎlǎ̤ô dǒ a nuso jò nutokhlǒ aya tǎ̤mǎ̤. Jî̌pwǐ̤ ma̤pû shǎǎshǎô dǒ a gǔ ǐ sî yôla htûpwa̤ tûjû̌pwa̤ tokhlǒ ayanu. Kòyòphû̌khû nî̌, a gǔ ǐ kòyò shǎǎ pô̤̌nu tokhlǒ pě, ma̤titèhî̌dě pha Cǒmara dǔlè̌lṳ̌ hto kû̌ a sǎphlǒô̌ lû̌û hǒ.”

Ma̤titèhî̌dě, hepha a ta̤sǎyṳ mî̌ amè̤̌kû̌ lǒ̤bò kòyò dǒ a kè̌shǐ aphû̌khû nudě a yṳ̌ǎ tokhlǒnu, a gǔ nǐ̤bǎ yôla htûpwa̤ tûjû̌pwa̤, dě he gǔ ma̤ ihtǒhtûpwa̤ getîkhî asî htû̌ lṳmṳ̌ni̤ gutṳ̌ nutini̤ pě.”

Dě Běcǎ Yeshǔ hî̌shěshu asî kû̌, “Yṳ̌ǎ lô̌khô he dǒ Cǒmara nohè anu.”

Kòyò lǒ̤bò dǒ hepha ǐ he tokhlǒnu, a gǔ hè dǒ heô̌ pě. Kòyò mò̌pèpè̌꤮ bǎbǎ, a kè̌ hè dǒ heô̌ nu, he wṳ̂̌hǎhtò̌kè nô̌ a tîkî̌꤮ tô̤̌.

Khûshǐmû Petarǔ hî̌ geshěshu lû̌û kû̌, “Běcǎ, pa glè̌ cû̌ dǒ mò̌pè ô̌? Ta̤sû̌ǐtòwòǐ dǒ a ǐ pa yôla htûpwa̤ tûjû̌pwa̤nu a ô̌ pwǎtǒ̤ dǒ naô̌nô̤̌ pwǎ.

He mî̌ shǎǎ dǒ a ǐ kòyò ta̤htûpwa̤ dě a ô̌ dǒ mǒkhû̌ hèlò̤. Mòpèpè̌꤮ bǎbǎ, a kè̌ ǎ shǎǎnu, a gǔ htûpwa̤ tûjû̌pwa̤ pě. Shǎǎ numî̌ amè̤̌kû̌ heyî̌ nuhǒ. Pô̤̌khô kòyò hǎkhû̌phû̌ gǔ htûpwa̤ ayanu, he ǐlò̤kè he nǎ̤glǒnu dǒ asîya hǒ.”

Kè̌ mè̤̌ kû̌ hepha dǒ a nohè he tôpwa̤ gǔ nohè kòyò dǒ heô̌ tô̤̌ hî̌nu, kòyò hèbò̌ dǒ he ô̌ tôpwa̤꤮ tô̤̌. Kòyò dǒ a hè dǒ heô̌ tokhlǒnu, he gǔ ma̤ ihtǒhtûpwa̤ getîkhî asî htû̌ lṳmṳ̌ni̤ gutṳ̌ tôni̤ pě.

Ma̤titèhî̌dě Cǒmara ashǎǎ mè̤̌mî̌ca mî̌ a ô̌ dǒ mǒkhû̌ hèlò̤ dě a ǐ kòyò hǎkhû̌phû̌ ta̤htûpwa̤ nutôpwa̤ hǒ,” A hî̌ asî pô̤̌nu.

He mî̌ shǎǎ dǒ a ǐ kòyò ta̤htûpwa̤.

Běcǎ Yeshǔ phî̌ mû̌ nutokhlǒ dě a hî̌bwǐhî̌sîrîhtò̌ Cǒmara. Htodě a ǐlò̤ kû̌ akhôphijǎ tokhlǒ dě asî yṳ̂̌lò̤ bǎ bò kû̌ kòyò hǎnòò̌ô̌ bǎnu tokhlǒ. A phî̌ tò̤̌phû̌ nuginǐ̤bǎ dě a ma̤ sô̌sô̌kû̌ pô̤̌ mû̌nu. Dě kòyò nutokhlǒ a sǎǎ pwî̌꤮ tènu a phî̌ǎ lô̌khô. Bǎ asî ǎkǒôbe htobò pṳ̂̌꤮ tôpwa̤ akhanu, Běcǎ Yeshǔ hî̌ akhôphijǎ tokhlǒ kû̌, “Phî̌ ge plǒ bòsô̌ shǎǎ ô̌lǒkè nutokhlǒ, no ô̌kèlǒ tǎ̤ atǎ̤mǎ̤,” A hî̌ asî pô̤̌nu.

Bǎ asî khlòcû̌tǒ̤ su, lǐ̤mila akhanu, asî kè̌shǐ Běcǎ Yeshǔ cû̌ dǒ shikhû̌ dě hèphǔtô asî sǒkhli. dě asî ǐsha gònò̤̌gòglè bò lû̌lǎ̤. Dě Běcǎ Yeshǔ hî̌ asî kû̌, “Hepwǎ! ǐsha lô̌khô tǎ̤mǎ̤.”