Ayat Alkitab yang Popular daripada Yṳ̂ha 16

Kongsi

“Pô̤̌khô sî gǔ nǐ̤bǎ ta̤sǎphlǒ gûjû̌kabǎ ayanu, he hî̌ hto bò sî lǒ̤꤮ bò tokhlǒ hǒ. Dǒ sî htûhtò̌kè kû̌ he tôcǒnô̤̌ akhû̌akhî, sî nǐ̤bǎ sǎphlǒ a ta̤gûjû̌kabǎ hǒ. Dǒ hǎkhû̌nu, sî gǔ kè̌shǐbǎ kû̌ ta̤pò̤̌ta̤sha ta̤jî̌ta̤jû̌ pě, bǎbǎkǎlè bè̌shû̌bè̌sho lô̌khô sî sǎphlǒ nî̌꤮. He ma̤pè̤̌ hto hǎkhû̌běkhû̌ a ta̤siwi̤sòwò̤ nutokhlǒ hǒ.”

Bǎ Yôla Plò̌shǐ Běcǎ dǒ a dǔlè̌lṳ̌ ta̤tě̤ta̤mè̤̌ hèlò̤pě akhanu, a gǔ nè̌klè̌nè̌klò bǎ sî kû̌ lǒ̤bò ta̤tě̤ta̤mè̤̌ nutokhlǒ pě. A gǔ shôbǐǐlṳ̌ bǎ sî kû̌ a ta̤gènè̤ tûû̌nu mè̤̌tô̤̌. A gǔ shôbǐǐlṳ̌ bǎ sî pô̤̌ a ganǎ̤de hè dǒ Cǒmara a ô̌ nutokhlǒ pě. A gǔ dǔlè̌lṳ̌ bǎ sî kû̌ ta̤ dǒ a htûhtò̌ khôtô̤̌ nutokhlǒ pě.

Tǒ̤lò̤khònò̤̌nu, sî kwi kû̌ hemi̤ tôcǒ tô̤̌. Kwi mò̌ lô̌khô, sî gǔ nǐ̤bǎ pě. Dě sî gǔ nǐ̤bǎ lǒbe ta̤sǎlě̤sǎlò̤ pě.

Kè̌ hî̌ bò̌꤮ bò yô̤̌sǎ mî̌, he cû̌kè sîlǎ̤ mî̌ awô̌ khlo dǒ sîya, ma̤titèhî̌dě he kè̌ cû̌ tô̤̌ hî̌nu, pwa̤ma̤jè̌ a mè̤̌mî̌ca kû̌ Yôla Plò̌shǐ Běcǎ tôpwa̤ hè dǒ sîô̌ tô̤̌. Bǎbǎkǎlè he kè̌ cû̌ hî̌nu, he gǔ nohèlò̤ a dǒ sîô̌ pě. Bǎ Yôla Plò̌shǐ Běcǎ hètǒ̤ pě akhanu, a gǔ dǐsî̌ganǎ̤ bǎ kòyò hǎkhû̌phû̌ tokhlǒ kû̌ asî ma̤ ta̤sǔ pě, htodě a gǔ dǐsî̌ganǎ̤ bǎ pô̤̌ asî kû̌ ta̤tě̤ta̤mè̤̌ aklè̌ pě. Htokhôtô̤̌, a gǔ dǐsî̌ganǎ̤ bǎpô̤̌ asî kû̌ Cǒmara gǔ cî̌htò̌ asî pě.

Ta̤ gǔ htûhtò̌ sô̌sô̌ kû̌ sî pô̤̌o nupě. Khònò̤̌dě sî gǔ sǎplǎ̤ pě, bǎbǎkǎlè he gǔ kè̌shǐ sô̌ sî pě dě sî gǔ sǎlě̤sǎlò̤ pě. Htokhôtô̤̌ kòyò phî̌ge jò pe sî ta̤sǎlě̤sǎlò̤ tôpwǎ̤꤮ tô̤̌ pě. Bǎnutini̤ pěnu, sî gwè̌ pe he tôcǒ tô̤̌ pě. He hî̌cǒcǒ sî, sî gǔ kwi hepha titètè̌꤮ bǎbǎ, sî kè̌ kwi kû̌ hemi̤ hî̌nu, hepha gǔ ǐ sî pě.

He hî̌cǒcǒ sî, bǎ kòyòhǎkhû̌phû̌ tokhlǒ gǔ sǎlě̤sǎlò̤ mè̤̌mè̤̌pě akhanu, sî gǔhǎgǔwô lô̌khô pě. Dǒ he khòbǎ ta̤jî̌ta̤jû̌ akhû̌akhî, sî gǔ sǎplǎ̤ jî̌ pě, bǎbǎkǎlè sî nǐ̤bǎ ta̤sǎplǎ̤nu a gǔ htûhtò̌ tèplè̌ bǎ sî kû̌ sî sǎlě̤sǎlò̤ mè̤̌mè̤̌pě.