Ayat Alkitab yang Popular daripada Yohani 16

Kongsi

Zinizi zye mbavuzizye nzila, she nkuti muve muvwaje mumwanʼuvwihalo. Munsʼumu mwe mukuva namayimba, nkandi mujimbaje, she njipositʼine insi.

Nkandi lumo, ingʼayinzile wuyo, we Mupepo wa nalyoli, pʼalivalongolela kwilongolela wuyo, alivinjizya muvwanalyoli vwonti. Shʼuwene ataliyituma weka ukuyanga ndali, nkandi zizyo zyʼakwiṿwa aliziyanga, uwenʼalivavuzyaga zizyo zye zikwinza.

Ukwinzʼukufiha kushinishʼuku pe mutalaṿile nazimo izya kulavila mwizina lyanʼine. Shinishi mulavaje pe mukuposhela, pe lwope nuluseshelo lwinyu lukuvalʼukuyipelʼukuva lwa vwila.

Nkandi nkuvavuzya izya nalyoli nkuti: Pe mukuva mwe vinza inga nkuvala. Shʼinga natinji nsitʼukuvala, pe nawe Mwimizi ate ayinze kumwinyu, nkandʼinga nkuvala, pe nkumutumʼuwene kumwinyu. Ilelo lwʼayinzilʼuwene pʼinsi aliyimenelezya nuvutalamalandu nuvugolosu nukulongwa.

Namwe shinishi she muhonzizye vovulo mukusungama, nkandi mulindola nohavili, pʼamoyo ginyu galiseshela, ilelʼulwenʼuluseshelo lwinyu lunulu lwe numo atalisompola kumwinyu. Umusanya wuyo pe mutalimbuzilizya nalimo. Nalyoli lyoli nkuvavuzyʼine nkuti: Zyonti zyenga kwa Tata mukulava zyʼalivapanga mwizina lyanʼine.

Nalyoli lyoli nkuvavuzyʼine nkuti: Imwe mulikuta, mulilosya, iyenʼinsi nyene yʼiliseshela. Imwe mulisungama, nkandʼulusungamo lwinyu luligalunkana, luliyipelʼukuva luseshelo.