Ayat Alkitab yang Popular daripada Kusintii Andunya 39

Kongsi

Nɔ Aɔ̃ Lafɛ̃ɛ í wɛɛ do Zozɛfu í jɔ̀ í jɛ ilu baaka. Nɔ inɔ ilei lafɛ̃ɛɛu mɔm nii í wa.

Na nŋu, mii iyi í nɛ fei í daa Zozɛfu si awɔ. Kù waa ce wuãi ngɔgɔ má bii kù jɛ ijɛɛ iyi á jɛ nŋu akã baa si. Wee Zozɛfu mɔkɔ kusĩai. Araɛ do wajuɛ fei í sĩai jiida jiida.

Nɔ inɛi piisɔ̃ɔ ŋa iyi à wa bɛ fei í so ŋa í daa si awɔ má. Mii iyi aa ce bɛ fei nŋui í ya na woodaɛ.

Ŋɔi í mu Zozɛfu í koo í dasiɛ ile piisɔ̃ɔ tengi bii akawe nla ŋa à wa. Ile piisɔ̃ɔ bɛi Zozɛfu í wa. Amma Aɔ̃ Lafɛ̃ɛ í wɛɛ do nŋu nɔ í ceaa didɔ̃. Nɔ inɛ ngboi woo degbe ile piisɔ̃ɔu í buu jiida.

Na nŋu, si anyii mii ŋau ihɛ̃ fei, aboi lafɛ̃ɛɛ í kãsiɛ iju do binɛ í ni, jɔ̀ i sũòm. Amma Zozɛfu í kɔ̀. Í sɔ̃ aboi lafɛ̃ɛɛu í ni, nsɛi wee lafɛ̃ɛm kù mà yaasei idei kpasɛ̃ɛ kãma má, mii iyi í nɛ fei í daam si awɔ. Kù rem gbugbã si kpasɛ̃u kù nɔ kù ganjim nkãma bii kù jɛ awɔ akã si na iyi í jɔ̀ ì jɛ aboɛ. Bɛirei an ce n ce mii laalɔu ihɛ̃ n ce dulum nla nla bɛɛbɛ bi Ilaaɔ̃.

Ajɔ nŋu gɔ Zozɛfu í lɔ ile wa ce icɛɛ. Wee woo ce icɛ ŋau kãma nŋa kù wa bɛ. Ŋɔi abou í mu ibɔɛ í ni, jɔ̀ i sũòm. Amma Zozɛfu í jɔ̀a ibɔu í sa í fita waduude.