अनुवाद 28:15-19

सामायिक करा

अनुवाद 28:15-19 इंडियन रीवाइज्ड वर्जन (IRV) - मराठी (IRVMAR)

पण तुमचा देव परमेश्वर ह्याचे जर तुम्ही ऐकले नाहीत, त्याच्या ज्या आज्ञा आणि विधी मी आज सांगत आहे त्यांचे पालन केले नाहीत तर पुढील सर्व शाप तुमच्यामागे लागतील: नगरात आणि शेतात तुम्ही शापित व्हाल. तुमच्या टोपल्या आणि पराती शापित होतील आणि त्या रिकाम्या राहतील. परमेश्वराच्या शापाने तुम्हास फार संतती होणार नाही, जमिनीत पीक चांगले येणार नाही, गुराढोरांचे खिल्लार फार वाढणार नाही. वासरे करडे शापित होतील. बाहेर जाताना आणि आत येताना परमेश्वर तुम्हास शाप देईल.

अनुवाद 28:15-19 पवित्र शास्त्र RV (Re-edited) Bible (BSI) (MARVBSI)

उलटपक्षी, तू आपला देव परमेश्वर ह्याची वाणी ऐकली नाही आणि त्याच्या ज्या सर्व आज्ञा व विधी पाळायला मी आज तुला सांगत आहे त्या तू काळजीपूर्वक पाळल्या नाहीस, तर पुढील सर्व शाप तुझ्यामागे येऊन तुला गाठतील : नगरात तू शापित होशील व शेतीवाडीत तू शापित होशील. तुझी टोपली व तुझी परात शापित होईल. तुझ्या पोटचे फळ, तुझ्या भूमीचा उपज, तुझी गुरेढोरे व शेरडेमेंढरे ह्यांचे वत्स शापित होतील. तू आत येशील तेव्हा शापित होशील व बाहेर जाशील तेव्हा शापित होशील.