अनु. 28:15-19

पण तुमचा देव परमेश्वर ह्याचे जर तुम्ही ऐकले नाहीत, त्याच्या ज्या आज्ञा आणि विधी मी आज सांगत आहे त्यांचे पालन केले नाहीत तर पुढील सर्व शाप तुमच्यामागे लागतील: नगरात आणि शेतात तुम्ही शापित व्हाल. तुमच्या टोपल्या आणि पराती शापित होतील आणि त्या रिकाम्या राहतील. परमेश्वराच्या शापाने तुम्हास फार संतती होणार नाही, जमिनीत पीक चांगले येणार नाही, गुराढोरांचे खिल्लार फार वाढणार नाही. वासरे करडे शापित होतील. बाहेर जाताना आणि आत येताना परमेश्वर तुम्हास शाप देईल.